حبيت أفيدكم ياخواتي ومابي منكم ألا الدعاء
رحلتي مع الشفايف طويلة
هذا ياطويلين العمر أول مابديت ودخلت الثانوي مسوية بهتم
لأن شفايفي تتشقق من الجفاااف
المهم وجبت لي لابيلو وفازلين -الله عالأهتمام-
وصرت يوميا بالمدرسة أحط لابيلو يمكن 3 - 4 مرات
وأول ما أجي من المدرسة لما أنام الظهر أحط فازلين
والشباك ماكان علية ستارة يعني شمس!
المهم شفايفي مع الأيام سودتتت
والسواااد تأصل فيها م الأخطاء ألي أعملها
وبعد سنتين من هالحال
صرت أحط زيت لوز مر يمكن أستمريت عليه شهر
وكان يرطبها ومايخليها تتشقق بس تحسين اللون وتفتيحهها كان شي بسيييط جدا
وطفشت وتركتة
وسويت فازلين مع دم الغزال
ومافية فايدة
وجربت وجربت كثير
وألحين عندي فازلين بزبدة الكاكاو -ياناس جدا جميييل-
صرت أغرقها فازليين بزبدة الكاكاو وأنام بالليل وظلام
وأول ما أصحى أبللها بمويا وفرشة أسنان نااعمة
طبعا شي جميييييل تصير شفايفي تجنن موردة وناعمه ورطبه طول اليوم
تركت اللابيلو بعدها لأن كنت لازم أحطة أبية يخخفي البلاوي شوي!
مع أني كنت أسوي هالطريقة بس بالفازلين العادي لكن الي بزبدة الكاكاو شي ثاني
المهم بعدين جبتلي علبة مرطب صغيرة
قلت زيادة الخير خيرين
حطيت نصها فازلين بزبدة الكاكاو
وملعقة حقت الأكل حطيت نص زيت لوز مر ونص زيت جلسرين
وملعقة عسل وملعقة زبدة الشيا
ياناس شي روعهه جلست شهوووور وسنين أحارب السواد وبالخلطة وبالفازلين الخطيير هذا
لاحظتتت الفرق بشهههر وأقل وفرق واااااضح حتى صديقتي قالتلي شفايفك مفتحححححية حيييل ومافيها سواااااد
أسفة على الهذرة هذي كلها لكن حبيت أوضح لكم بالتفصيل الممل
لأن سواد الشفايف معاااناااة ويطووول مايروح
ألي مافيها تقرا هذي الخلطة
الملعقة حقت الأكل العادية
4 ملاعق فازلين بزبدة الكاكاو
نص ملعقة زيت لوز مر
نص ملعقة زيت الجلسرين
ملعقة زبدة الشيا
ملعقة عسل
نصائحي
أهم شي التقشير لاتنسونة
أذا ماعندك حطي الفازلين وعسل بس..
ومششكوره ع المعلومـات..