كان زوجي دايما يقلب ملابسه بالكبت اذا بغى ياخذ شي ومرة رتبت ملابسه وكتبت حمودي شاطر مايخرب الكبت وبعدها صار مرتب ولله الحمد كله

اللي تشتكي من زوجها إنه قليل الكلام أو جالس على النت
يعني هذي الطريقة تنفع بتاع كله
طبعا يجلس على النت وساكت ولا هو يمي كنت أخذ الجواااااااال وأجلس أكلم أخواتي وإذا شافني زوجي يقول خسرتيني
قلت سولف معي ولا راح أكلم أحد ونفعت نوعا ما
بعض الأحيان أغير أجلس أرسل لأخواتي مسجااااات ويردون عليه وإذا سمع نغمات الرسايل يقول وش ذا الرسايل وأقوله طفشانه
المهم كان هدفي إني ابعده شوي عن النت وإنه يحس فيني
وأحلى طريقه وصرت أسويها كثير صرت أروح غرفة النوم وأجلس أصلي وأقرأ قرأن ويفقدني ويجي هوه وبنتي يدورون عليه ويقول ليش ما تجلسين معانا طبعا أنا أستغل الفرصة وأقول مافيه أحد يسولف معي وتغير للأحسن

نتابع حديثنا عن تجربة الانترنت
..

أهلين همس السحاب ..

الله يعينك حبيبتي .. لازم تكلمين زوجك بهدوء ونقولين له .. لو أن انا مكانك ماكنت ترضى اني ادخل منتدى مختلط ..

وقوليله انا ماابي شي محرم في البيت .. يعني التلفزيون تكون قنوات دينيه ومافيها نساء ولاموسيقى والاتنرنت ماتدخل الا مواقع رجال

ويقدر يخلي المنتدى الي يشرف عليه رجالي ويخلي قسم او منتدى ثاني للنساء ويمنع عنهم الرسائل الخاصة .. انا زوجي مسوي كذا

اذا مايقدر خلي يشيله من البيت ..

وذكريه بالله وان من ترك لله شئا عوضه الله خيرا منه

وقوليله انا راح اخاف ربي فيك واطيعك وانتا لاززم تخاف ربك وتراعيني ..

واذا مانفع لا تقعدين عنده كثير لما يكون على الجهاز .. اشغلي نفسك ولاتشوفين رسايله ..

ودائما كلما غرتي او حسيتي ان امرأة ترسل لزوجك قولي من قلبك ( حسبي الله ونعم الوكيل ) واكسبي زوجك بطيبك وعطيه الثقة عشان ينحرج ويؤنبه ضميره .. وادعي ربك دايما واستغفري واقري سورة البقرة لانها بركة وتطر الشياطين ثلاث ايام من البيت

والله يعينك ولاتستعجلين هداية زوجك وتذكري ان هناك من تعاني اكثر منك والله يهدي أزواجنا

زوجة شاعر .. عجبتني طريقتك الي تروحين الغرفة وتخلينهم يجون وراك .. انا جربتها عجيييبة بس لاتسرفين بالفلوس اخاف يصير من اضاعة المال .. تقدرين تمثلين عليه والجوال مسكر وتشغلين نغمات رسايل شرايك ؟ بجربها

..

والشي الثاني المفروض ان الوحدة ماتفكر بزوجها وايد ..يعني تقول انا بسوي الي علي وهو كيفه

يتحمل نتايج أفعاله .. انا علي أبذل السبب والهداية من الله .. ليش أتعب نفسي عليه .. أهم شي اني ماشية بالطريق الصح

لان الوحدة من كثر حرصها على زوجها .. تحس ان لو يغلط كأنها هي الغلطانه

غاليتي الأميرة
والله إني مبتعده عنه بقوة بس تعرفي الوحدة تطفش
وهو مشرف على منتدى قبيلتنا وبما إنه شاعر يدخل محاورات شعرية تمتد والله ألين الفجر :44:
وفوق هذا علاقاته في النت أمتدت وصاروا يجمتعون في بيتنا :09:وأنواع الجدال وتقريب وجهات النظر وحل نزاعات القبيلة شوي ويسجلون مسلسلات بدوية من مجلسنا ههههههه
وقلته جيب لي لاب توب عشان أجلس عالنت بس يقولي جهازي جهازك خايف أصير مدمنة نت زيه وماأقدر أتصفح ولا شيء إلا إذا كان مو موجود :09:
أما من ناحيه الجوال والله فاتورتي دايم معقولة وربي حقت الرسائل أسويها كثير بس المكالمات لاااااااا ماقد سويتها