جربوا صبختي الأولى معاكم المقلوبة

دجاجة مقطعه اربع قطع ومنظفه تماما نحطها في صحن بلاستيك عميق او بايركس ونحط عليها بصلتين مفرومات وزنجبيل وثوم وفلفل علوب (حار) هم مفرومين وعصير ليمون حوالي 5 : 6 ليمونات ونص قلاص (كوب) خل مع جميع البهارات اللي عندكم دارسين فلفل اسود كمون كركم كزبرة مللللح ولومي مطحون وتغطينها بقصدير وتحطينها في الثلاجة لمدة يوم كامل .
اليوم الثاني تييبين الجدر (القدر ، الطنجرة ) وتحطين فيه طماط حلقات بعدها بصل بعدها فلفل بارد هم حلقات ثم راسين فلفل علوب ، بعد ما تقلين الدجاج تحطينه عليهم وبعدها تحطين النخي ( الحمص ) ، وبعدين تحطين فوقهم بذنجان شرايح مقلية وجزر شرايح مقلية ومثلهم الكوسا والبطاط والزهرة ، عقبها حطي فوقهم العيش (الرز) المشخول وخليه على اصغر عين على الجوله (الغاز ) وعلى نار هادئة جدااااا لمدة ساعة إلى ساعة ونصف .
طريقة عمل العيش المشخول :
تفوحين ( تغلين ) الماي وتكونين حاطه فيه فلفل اسود وهيل ومسمار وكلهم يكونون حب ومعاهم اعواد دارسين وملح وشوية دهن وفصين مستكة ، اذا فاح ( غلى ) الماي كتي ( ضعي ) العيش وخليه لمدة 7 دقايق او إلى ان يستوي نص سوى .
وعلى تعجبكم وتحوز على رضاكم .:13: :23: