جربوا طريقة دوناتي (الهشه ) و (الطريه) وهي أقرب وصفه للجاهزة ...ومتاكده راح تعجبكم..

- هذي اقرب وصفه لمحلات ( السينابون رولز ) وفعلا لذيذه وهشه جدا ورووووووووووعه....

- المقادير :

- 4 اكواب طحين الكويت
- 4 ملاعق طعام حليب بودرة
- 4 ملاعق طعام سكر
- رشه ملح
- 1 بيالة زيت ( اللي هي إستكانه شاي )
- 1 ملعقه طعام خميره فوريه
- 1 ملعقه طعام P.P
- تقريبا 1 كوب ماء ( حسب حاجه الدقيق )

- مقادير اضافيه :

- سكر عادي - قرفه ( دارسين ) مطحونه - زبده سايحه بدون مايتغير لونها مجرد نسيحها بس - حليب نستله المحلى المركز.

- الطريقه :

1- نخلط المقادير الجافه مع بعض ونضيف كوب الماء تدريجيا ممكن نزيد اذا احتاجت وكانت ناشفه ، واذا صارت لزجه ممكن نضيف شويه دقيق ..وضروري نعجنها لمده 7 دقايق ضروري جدا لحد ماتصير ناعمه وملساء ومتماسكه وتكون طريه ، وتترك ساعه تقريبا لحد ماتتخمر.

2- نرش طحين على سطح نظيف ونعجنها مرة ثانيه ونقسمها 3 دوائر متساويه ونتركها ترتاح 5 دقايق .

4- نرق الدائرة الاولى ( طبعا كل دائرة بروحها ) على شكل مربع سمكه 3 ملم تقريبا وندهنها بالزبده السايحه ونرش بالسكر ثم القرفه ( الدراسين ) ونلف الدائرة على شكل اسطوانه دائرية بالتساوي وندهنها بالزبده من كل الجوانب وتقطع دوائر متساويه ونضعها بصينيه فرن مدهونه .. ونكمل نفس الخطوات مع باقي الدوائر ..لما نحطهم بالصينيه نضغط عليهم براحه اليد بخفه بس علشان تتساوى من فوق اطرافها وماتطلع زواياها حاده ويترتب شكلها نفس الجاهزه .. ونتركها 5 دقايق .

5- ندخلها فرن مسبق التسخين ...اول مانطلعها من الفرن على طول نسقيها بعلبه حليب نستله ( ضروري وهي ساخنه علشان تتشرب الحليب ) ومهم جدا جدا نغطيها على طول بصينيه او حافظه طعام حراريه علشان تكون طريه وهشه .

- ملاحظات :
- الطريقه سهله بس انا كتبتها بالتفصيل علشان اللي اول مرة يسوونها .
- الحليب انتي ورغبتك بحلاوتها بس انا افضل العلبه كلها ( ماتطلع حاليه واجد ).
- ممكن ترشين جوز مفروم وشويه شوكلاته هيرشي سايله.


- ماعليكم امر اللي تجربها من الخوات تنقل تجربتها للباقي .. وفي زمان بنات جربوها ومدحوها ( مالقيت الرابط القديم )

وبالعاااااااااااااااااااافيه....:)