++++++++++++++++++
هذي الله يسلمكم سلطه مدري مقبلات مدري سموها اللي تبون خبطنا بالمطبخ انا ومرت اخوي والفتها هي مدري من وين جايبتها المهم عجبتني وعجبت خواتي وبغينا ناكل يديها هع
عاد انا على بالي ابقلدها عاد ماضبطتها مثلها مره سويتها اليوم وكليت اللين قلت امين وقلت اقولكم
وترها سهله جدااا ولذيذه ومايبيلها الا خبز خخخخخخخ
نبدء
اول شي نجيب بصل عادي اللي عندك ابيض او البنفسجي انا ماحصلت الا البنفسجي بس اضن الابيض اابرد شوي منه
قومي وقطعيه شرايح طوال وكثري البصل انا حطيت 5 حبات كبارشوي ثم حطيهم بصينيه وجيبي ملح ورشيه عليهم وشوي خل وشوي سماق وشوي ليمون مثل الصوره تسذااا
همن عاد جيبيلي لتس باذنجان وكثري بعد وقطعيه طولي مثل الصور واقليه زي كذا
وبعد ماقليته قومي وحطيه على البصل اللي بالصينيه وحركيهم مع بعض اللين يقولن بس ترى لازم يقولن بس ولا ماينفع ابد خخخخ >>>>اخلصي لاتنجلدين بلا خفت دم
وبعدين جيبي لتي فلفل بارد اخضر حبه او حبتين وفلفل حار اخضر حبتين على حسب وش تبين من حروره انا احبه نااار وحطيت اربع قرون مدري خمس خخخخخ و4 فصوص ثوم وبقدونس او كزبره اللي تحبين ربع الربطه وشوي خل وليمون وملح واطحنيهم اللين تقول الطاحون بس خلاص وقفي
وكذا يصير الخلطه
ثم قومي الله يسلمتس وصبي ها اللي طحنتيه على الباذنجان والبصل وحركيهم بعد اللين يقولون بس >>>>صار سيرلاك هههههه
وكذا يطلع لكم
وش رايكم وهذا يومني غرفته عاد يومني ابلع وعبيته مرتين خخخخخخ
واللي مايشتري يتفرج
لااوصيكم جربوه يجنن لذيذ واهم شي خبز حااااااااار >>>براااااا