جربوها ما بتخسرون

ههههههههههههه
الظاهر ان ريحتها شردت الناس
سبع عضوات دخلو محد قال يبي يعرف بقية الخلطة ولاكيفية استخدامها

والله يا بطوطه .. الريحة يعني .. مش ولا بد ..

الله يهداج ثوم وأملا وحلبه ...


هي شكلها مفيده ...بس أخاف يوم أحطها يطردوني من البيت ..ههههههههه..

المهم عيوني ...

كملي الخلطه ...

يالله نترياج...

ههههههههههههههههه مثل ما قالت الاخت ميلودي دابر آملا وثوم وحلبه؟؟ ليش نحن ناقصين الروائح الي في الشعر ههههههههههههههههه انزين كم يباله عشان النتجيه الفتاكه هذي ههههههههههه..

سمعي دابرأملا مفعوله فنان..
ثوم مفعوله فنان للشعر..
حلبه اول مره اسمع انه يحطونه في الشعر..
وتقصدين مسحوق الحلبه ولا الحبيبات مالته؟؟

شكله ريحته ماطير من الراس..........

السلام عليكم..


مرحبا يا بنات...

أنا أساساً شعري ناعم وفيه تمويجة خفيفة، بس حالته صارت شينة من كثر السيشوار، وآخر اربع أو خمس سنوات كنت اصبغه بشكل متكرر، ومرات تكون الفترة بين كل صبغة وصبغة اقل عن شهرين أو شهر ونص، فساءت حالة شعري بشكل ملحوظ لدرجة اني ما كنت اقدر اخليه ينشف على طبيعته لان شكله يكون هايش ومرعب.

ومن زمان كنت اسمع عن الثوم بس ما كنت اتجرأ احطه في شعري، لكن لما خلصت كل الحلول الثانية وما نفعتني قلت يالله جربي الثوم يا بنت وما بتخسرين اكثر من اللي خسرتيه في شعرج.

وبالفعل..

استخدمت مجموعة مختلفة من الزيوت: ملعقة أو ملعقتين طعام من زيت الزيتون، الخروع، الصبار، اللوز، الخس، حبة البركة، النخاع المركز، وكان ممكن احط اي نوع ثاني بس هذا اللي كان متوفر عندي وقتها.

وقشرت راس ثوم كامل ....... انا خارقة صح :)

ودقيت الثوم زين ما زين وحطيته على الزيوت عقب ما سخنتها شوي على النار، وعقب ما بردت حطيتها في شعري مع الثوم طبعاً.

هالكمية طبعا للمرة الواحدة، يعني كل مرة نحط نفس المقادير مع راس الثوم، وممكن تزيدين كمية الزيوت شوي حسب طول وكثافة شعرج.

وحسب الوصفة المفروض اخلي الخلطة في شعري 8 ساعات، والكورس كله 6 اسابيع، بشرط ان تحطين الخلطة في نفس اليوم من كل اسبوع، يعني لو حطيتيها يوم الجمعة، تحطينه كل جمعة لين تخلصين الست اسابيع، لأن حسب ما قريت إن الثوم مثله مثل المضاد الحيوي، عشان جذي لازم استخدامه يكون في مواعيد منتظمة، مع عدم استخدام السيشوار نهائياً طوال فترة الكورس.

طبعاً الريحة بتكون صعبة، بس اللي يبا ترا لازم يتحمل، والسالفة كلها كم ساعة، وعن نفسي انا تعودت على الريحة عقب المرة ألأولى وعقب ما خفت صدمة الثوم :)

وبصراحة انا ما كنت دايما التزم بـ 8 ساعات، يعني مرات اغسل شعري بعد 6 ساعات مثلاً حسب ظروفي، لكن بصراحة النتيجة كانت ممتازة بالنسبة لحالة شعري، على الاقل الحين اذا خليت شعري بدون سيشوار يكون شكله وتموجيته حلوين بدون ما يكون هايش ومقصف.

وبالنسبة للريحة فحلها في غسيل الشعر مرات عديدة بشامبو لطيف لحد ما ينظف الشعر تماما، وعن نفسي ممكن اغسله 5 او 6 مرات لحد ما احس انه نظف.

وممكن عقب الغسيل ترشين شعرج بشوية ماي ورد زيادة في الاطمئنان.

وشخصياً سويت هالكورس مرتين، ولا مرة حد اشتكى من ريحة شعري (بعد الغسيل طبعا :) )


وبالمناسبة .. موجود في الكارفور في الركن المخصص لمنتجات الشعر وحمامات الزيت، زيت اسمه (كيمو كول) قطرات زيت الحية، ممتاز للشعر المتقصف، بعد ما نغسل الشعر نحط قطرات قليلة في راحة اليد وبعدين ندهن اطراف الشعر به، انا جربته وحسّن لي أطراف شعري بشكل كبيرة، بس ما احط وايد عشان الشعر ما يكون مدهن.


مع تحياتي..