جربو طريقتي في الحمام المغربي :: النتائج مذهله

السلام عليكم ورحمة الله وبركاته

حبيت اشارك بهالموضوع وانشاء الله تستفيدو منه ...

قبل ماسويه في البيت منت اروح لمغربيه تسويه ليا ومع التكرار والخبره صرت اسويه في

البيت لنفسي ,,

الادوات سهله جدا
صابون مغربي ,,,, ويكون سائل مو مره يعني تقريبا زي المربه وهو هذا الاصلي
ليفه للحمام المغربي وهيموجوده في كل مكان ,, الصيدليه , العطار ....
حنه ,,, لاتخافو اسمعو الطريفه للاخر وحتدعولي
خزامى ,, من عند العطار وهو بودره ريحتها حلوه مفيد جدا للبشره
ممكن كركم ,,, >>>>>>>>>>> اختياري

المهم عبي البانيو مويه حاره اللي تتحمليها وكل ما كانت حاره يكون افضل

اجلسي في البانيو تقريبا ربع ساعه

وبعدين اتنشفي من المويه ودهني الصابون على جسمك وبيكون جسمك حار

والحمام كمان حار وفيه بخار من حرارة المويه

المهم خلي الصابون على جسمك 10 دقائق وبعدين اسليه بالمويه وكمان حاره اللي تتحمليها

اتنشفي كمان مره وعلى الناشف افركي جسمك باليفه ممكن يكون الجسم شوي رطب مو مبلل

وحينزل الجلد الميت كله وبعدين

طبعا لازم يكون طريقة التليف من فوق لاسفل

وابدئي برجلك ثم الساق والفخذ وهكذا

وبعد ماتنتهين اخلطي الحنه والخزامى مع بعض وشويه مويه مو كثير

وحطيها على جسمك مابين 10 - 15 دقيقه

واغسليه بالمويه الدافئه

وبعد ماتنتهين اشطفي جسمط بمويه عاديه علشان تتقفل المسامات ,,,,

استخدمي هذي الطريقه اول شي 3 مرات بالاسبوع لمدة شهر
والشهر الثاني مرتين بالاسبوع
والشهر الثالث مره بالاسبوع
وبعدين مره كل اسبوعين
وبعدين مره بالشهر

صدقوني يابنات والله جدا مفيد وحتروح البقع وجسمك حيلمع ويسير زي الفل

لما تشوفو المده حتقولو طويله ,, لما تبدا فيها من اول اسبوع حتدمنو عليها وحتلاحظو

ان الجاد الميت كل اسبوع اقل من اللي قبله

تحيتي لكم جربو وقولولي النتائج