جربي تقومين قبل الفجر بساعه ! -وقت عظيم- لتحقيق الأمنيات🌿

السلام عليكم يارِفاق❤️

كثرة تواجدي في هذه الأيام بالمنتدى ..
جعلتني الاحظ كثرة التنمّر والتشكي!

كثيراً ما اقرأ هذه الكلمات:
انا متضايقه ، انا مُكتئبه، انا في مُصيبه...الخ

استغرب من اللي تتشكى للخلق
وكأن الحلول بأيديهم؟

ممكن احياناً الفضفضه تريح..
لكن سُرعان ماتفضفضين وتكتبين
إما انك تندمين انك فضفضتي !
او يجي احد يتلفظ عليك..
ويجرحك بكلمات جارحه
لانه مو فاهمك ولا حاس بشعورك
او مر بتجربتك..

لكن ماجربتي تفضفضين لـ رب العالمين؟

بنات انا مريت بمشاكل كثيره كثيره✨

مالقيت شي يخليني قويه
ويصبرني على مُر الحياة !

زي كثرة السجود والدعاء ..
ومُخاطبة الله عزوجل
بكل صغيره وكبيره💙💙

خليت الله هو حبيبي وصديقي
واقرب إلي من كل احد✨

شعرت بعدها ان الحياة
اصبحت بعيني جنّه🌿

والله يابنات من كثر ماصرت
احسّ بـ لذه وانا اناجي رب العالمين
وابكي بالسجود !

انسى هميّ وحاجتي اروح بعيد
اشعر اني خارج الدنيا كلها
بملذاتها وهمومها !

بـ هذا الوقت اسجد وابكي كأني طفل..
مارفع رأسي من السجود
وفي خاطري شي ماقلته..

مرات ابكي بالسجود كذا من دون ماتكلم..
ماقول الا -يارب ياربّ-اقولها بكل ضعف!

امنيييييييات بداخلنا كثيره كثيره💗

مافيها شي يحققها الا شي واحد✨

من بديت اسوي هذا الشيء
بدأت تتحقق لي امنياتي..
وتنحل مشاكلي وصرت انسانه تفاؤليه..
وعندي امل وشغف تجاه الحياة🌧

صرت حتى وقت الضيق ..
اكون انسانه راضيه جداً ..
اعرف كيف اطلع نفسي من كل ضيق
وحُزن..

بدون ما الجئ لـ احد غير اني اسجد🌿


جربي تحطين المنبه حق جوالك..
تقومين قبل الفجر بساعه!
‏ البسي جلال صلاتك وسجادتك
واجلسي بغرفه لحالك مافيها احد
وصلّي ركعتين واسجدي سجود طوييل💙
حاولي تبكين فيه وتدعين..

وانتِ بالسجود استشعري كل همومك
والآمك ومشاكلك وضعفك!
حسّي بضعفك امام الله!
استصغري نفسك ..
تخيلي انك نقطه صغيره!
يشوفها الله من بين كل هالكواكب والكون!
استشعري عظمة الله واستصغري نفسك
وامنياتك وهمومك ومشاكلك امام الله✨
قولي كل شي بقلبك ..
كأنك عانقتي شخص يحبك ..
ومُستحيل يفهمك خطأ
لو إيش ماقلتي له من اسرارك!

وانتي تبكين قولي هذا الدعاء:
‏ياجبّار السموات والأرض
اجبرني جبراً يليق بجبرك🌿

‏حاولي تبكين بكل مافيكِ من ضُعف!
فضفضي قولي كل شي اتعبك واحزنك💙
‏صدقيني البكاء بالسجود يغسل روحك!
يطهرك من الذنوب والخطايا..
ماراح تفرغين من الصلاة الا تشعرين
وكأن قلبك فيه جنّه خضراء !

بتحسين إن كل شي تافِه بالدنيا..
امام اللذّه اللي شعرتي فيها
بعد هذا السجود😭💙💙

والله العظيم يابنات من صرت اسوي كذا !
الكل صار يقولي لمّا نجلس معك
نحس معك بسكينه وراحه وهدوء..

خالي يقول :
مدري ليش يافلانه ..
من كثر ماحس بسكينه لا شفتك
احس انك طير من طيور الجنه !

ماتتصورون شلون هالكلمه اثرت فيني حسيت ان ربي يحبني كثير😭🍃

اللهمّ لك الحمد حمداً كثيراً
طيباً مباركا فيه ✨🌧

دعواتكم لي يابنات ان الله يهديني ويصلحني ويرضى عني..
ويحقق لي كل امنياتي ❤️❤️