احيانا بأسباب نعلمها ،، واحيانا بدون سبب ؟؟
البيت لجه ،، وعيالك بس يتهاوشون ؟؟
زوجك دايم معصب ومتوتر ؟
كملي موضوعي للنهايه الله يرضى عليك ..
تتوقعين اذا بالبيت صور للذكرى ،، هذي صوري ايام زواجي مستحيل افرط فيها ؟؟
وهذي وانا صغيره ؟؟ وهذي صور لاطفالي بجميع مراحلهم ؟؟ ولزوجي ولأهلي ؟؟
هذي العاب دبب وعرايس وغيرها من ذوات الارواح ..؟؟
وتحف وبراويز بكل مكان بالبيت ،، كلها ارواح ؟؟
اذا لبسنا في صور ؟؟
بالله كيف نحس بالراحه ،، وحنا بأرادتنا طلعنا الملائكه من البيت ودخلنا الصور ..
قال رسول الله صلى الله عليه وسلم:
((لا تدخل الملائكة بيتا فيه كلب ولا صورة ))
متفق عليه واللفظ لمسلم.
حكم تجميع صور ذوات الأرواح للذكرى / موقع الشيخ ابن باز
http://www.binbaz.org.sa/mat/4842
حكم المنزل الذي يوجد به كلب أو صورة / موقع الشيخ ابن باز
http://www.binbaz.org.sa/mat/9606
حكم الصلاة بملابس فيها صور حيوانات / موقع الشيخ ابن باز
http://www.binbaz.org.sa/mat/14740
طفلك الرضيع يبكي ليل نهار ،، قلق واحلام ،، رغم انك تروشيه كل يوم
ترضعي ولا تخلينه يجوع ،، تغيري له ،، كل شي عندك بمواعيد ومرتبه كل اموره ..
بس على قولهم مايصك فمه ؟؟
حبيبتي شوفي لبسه الداخلي ولبسه العادي ..
تأكدي من المهاد والسرير ..
لايكون فيها ارواح ،، دبب او عرايس او حيوانات
لايكون الالعاب ذوات الارواح بجواره ،، وعلى الارفف من حوله ؟؟
اي صور يالغاليه من ذوات الارواح تبعد الملائكه عن المكان ..
اذن كيف نبيه ينام براحه وطمأنين واساس الراحه اللي هي الملائكه بعيده عنه ..
تخافين على طفلك من كل شي وحريصه عليه ،،
تستودعينه وتقرين عليه ،، تخافين عليه من طفل صغير لو يحاول يضربه ؟؟
كل خوفنا وحرصنا هذا ،، ونلبسهم ملابس بأرواح ؟؟ ونطرد عنهم الملائكه ؟؟
هذا السؤال جاوب عليه الشيخ العثيمين ..
س/ هناك كثير من ملابس الأطفال فيها صور لذوات الأرواح وبعض هذه الملابس مما
يمتهن مثل : الحذاء والملابس الداخلية للأطفال دون الثالثة ومنها ما لا يُمتهن بل يحافظ
عليها وعلى نظافتها فما حكم هذه الملابس ؟
ج/ يقول أهل العلم أنه يحرم إلباس الصبي ما يحرم إلباسه الكبيروما كان فيه صور
فإلباسه الكبير حرام فيكون إلباسه الصغير حراماً أيضاً وهو كذلك والذي ينبغي للمسلمين
أن يقاطعوا مثل هذه الثياب وهذه الأحذية حتى لا يدخل علينا أهل الشر والفساد من هذه
النواحي وهي إذا قوطعت لن يجدوا سبيلاً إلى إيصالها إلى هذه البلاد وتهوين أمرها
بينهم .
رابط لموقع الشيخ محمد العثيمين
http://www.ibnothaimeen.com/index.shtml
العاب الاطفال المجسمه / موقع الشيخ ابن باز
http://www.binbaz.org.sa/mat/10773
مؤخرا يالغاليات صار كل بيت فيه كاميرا <<<<< ياشين مجتمعنا لاطاح بشي :22: نلقاه في كل بيت
عشان كذا اهديكم هذا الرابط من موقع شيخنا رحمه الله عبد العزيز بن باز
لازم نكون حريصين ورآنا موت وقبر وحساب وجنه ونار ؟؟
http://www.binbaz.org.sa/mat/61
وفي نهاية موضوعي احب اذكر نفسي واذكركم بأن الجنه غاليه ..
اذا حنا حريصين ،، لازم نصبر ونحاول ونجاهد انفسنا بالذات ان
المجتمع اليوم مايساعد ،،،
اذا نويتي تلزمين نفسك وتطلعين الصور والالعاب والملابس اللي بأرواح من البيت
اقولك الامر مو سهل بالبدايه ،، والشيطان يحاول يصعب ويقفل عليك الامر ،
بس اذا تذكرتي ان هذا الامر فيه راحه وطمأنينه لك بحياتك ولعائلتك ..
وفيه رضى الله ، والجنه في الاخره ،، اكيد بتصبرين وتجاهدين ..
وصدقيني بيصير سهل عليك وربي بييسر لك حتى الملابس اللي بدون ارواح
واهم شي بييأس منك الشيطان بهذا الامر :30: وبترتاحين من النزاع الداخلي ..
اذا مره ماتقدرين تفرطين بالالعاب والصور واي شي فيه روح ...
اجمعيه بشنطه وحطيه في الحوش والا السطح ،، والا عند اهلك :22:
اذا بيتهم مليان ارواح ودي الشنطه عندهم ،،
وجربي عيشي شهر مع الملائكه وشوفي الرآحه .
انا الى الان اجاهد مره اضعف ومره اقوى على نفسي ...
وبارك الله فيك