يالله حيهم جمييييييييع وصباحكم ورد
مااحب اكثر حكي ومدح بس انتم جربو بانفسكم وقولو شرايكم فيه
هذا صوره غدانا امس ماشاء الله تبارك الله سهل وسريع والاهم لذيذذذ
اتمنى يعجبكم واي سؤال انا حاضره فتيتكم
الطريقه
نكشن بصل وثوم وحبتين ورق غار وقرفه وزنجبيل مطحون وقشره ليمونه او لومي
لييين يذبل
بعدين نحط عليه الدجاج منزوع الجلد ومغسوول زيييييين ونخليه يتقمر شوي نقلبه الين يتغير لونه شوي << لاتحطين الماء عليه مباشره لا خليه شوي قلبيه مع الكشنه مهمه هالخطوه
بعدين نضيف الماء الين يادوب يتغطى الدجاج نذوب فيه ثلاث ملاعق صلصه وبهارات انصحكم ببهارات مهران لذيذه جدا وقرن فلفل
نكتم عليه نص ساعه
بعدين نطلعه في صينيه الفرن ونحط معه شوي من المرق حق الدجاج عشان نحصل على صلصه ثقيله وقطعي معه شرائح فلفل رومي اذا حبيتي
باقي المرق خليه وحطي معه بطاطس مقطعه مكعبات كباار واكتميها سبع دقايق
وبعدين اضيفي البطاطس للدجاج في الفرن تتحمرر
سويت الرز في قدر عادي
كشنه بالبصل والجزر المبشوور ولو حطيتي شوي كراث يطلع احلى بس ماكان عندي وحطي ملعقه كبيره مويه ورد
وهذا الشكل النهااااااااائي
بالعااافيه على قلوبكم
اللي تجربه تجي تقول لي بالخاص<< واثقه :hahaha: لاني مادخل هنا دايم
واهم شي تدعي لي ولزوجي واهلي وكل من يعز علي :27:
معليش بنات ماعليكم امر اللي تعرف تصغر الصور شوي تسوي فيني اجر حاولت ماظبطت معي
تسلم يدك ،،
الله يعطيكِ العاافيـة ،،