جرثومه القطط ادخلوا تكفون

حبيبتي عادي لا تخافين صدقيني احتمال عدها اصابة قديمة وباقية الاجسام المضادة بدمها وهذي ما لها تاثير على الحمل اطلاقا وحتى ما تحتاج علاج وحتى لو كانت الاصابة نشطة والجرثومة قوية فهي لسة في بداية الحمل وبيعطوها ادوية تقتل الجرثومة انا صاحبتي كانت حامل وحللت في الشهر الثاني وطلعت معها جرثومة القطط مرة نشطة واعطوها ادوية واللحمد لله ولدت ولد سليم ومعافى وان شاء الله ربي يقر عين اختك بولد سليم معافى امين

انا اختي كذا خوفوها وسوت تحاليل مرتين ويقولون لها نفس الشئ

بس راحت لدكتورة ثانيه وقالت انتي سليمه ومافيك شي

خليها تغير الدكتورة وتسوي تحاليل مرة ثانيه وان شاء الله ماتشوف الا كل خير

لا انتبهي تراها خطيره اسألي مجرب ولاتسألي طبيب
انا اااااااااااااه عانيت منها حملي الاول بنتي ولدتها وماتت
اذا كانت نشيطه الجرثومه خليها تاخذ روفاميسن 3مليون وحده تاخذها من الحبيب
لازم طلبيه مايبيعونه في الرياض كلها بس في الحبيب واذا تبي كثير اطلب لها انا من مصر
انا الحين حامل واخذ الحبوب من الشهر الاول الين اولد ان شاء الله على خير
الله يرزقني باالطفل السليم
بس معليش ماابي اخوفك بس تراها خطيره ياتسقط الجنين او تشوه
لازم مضاد
الله يحفظ جنينها وجنيني يارب واي سؤال اسأليني على الخاص انا حاضره

فعلا ياقلبي لازم تاخذ مضادات
لاني انا كذا تكون خامله بس اذا حملت تصير نشطه والعلاج للاسف مافيه بالسعوووديه (( ماادري اذا فيه بالحبيب او لا )) على العموم انا جبتها طلبيه من مصر ...والحمدلله جبت احلى بنوته

لاززززززززززززم تاخذ علاج لها لانها ياسقط او تشوه للجنين

اختي . انا فيني جرثومة الحمل جاتني في حملي الأول وما تعالجت الدكتور يقول ما يحتاج :/ وأجهضت .. مع انهم يقولون مو السبب الرئيسي
وبحملي الحين رجعت فيني مع ان الدكاترة اكدوا لي مستحيل ترجع لأنها مثلها مثل الحصبة تسوي مناعة .. وتفاجئت انها رجعت وزادت بعد ..!!

الحمدلله على كل حال ، أعطاني الدكتور علاج لمدة اسبوعين وبعدين راحة اسبوعين بس قبلها لازم أسوي تحليل وأشوف وش صار عليها طبعا ً أعطوني مثبت في الوقت اللي صار فيه الاجهاض الفترة الأولى والحمدلله على كل حال



والله يتمم لي ولها ولـ كل الحوامل يارب ويكفينا شر هـ الأمراض .. ~ ^_^