جرثومه المعده

حفصة ما ودك زوجك يشارك معنا بالمنتدى ؟

أنت مستوعبة انك بقسم حمل وانجاب الله يهديك؟

اي عارفه ان قسم الحمل والانجاب
تمنيت بس ان انتوا تدعون له فقط هذا اللي طلبت منكم الدعاء
واذا دعيتوا له تقول الملائكه ولكم بالمثل
واذا مادعيتوا انا مااجبركم ان تدعون له
الله لايحط احد فيكم مكانه
اليوم الفجر جلس يتألم من معدته
الله يحفظ لكم ازوااجكم

امين والله يسخره لك ويشفيه .ويخلي لك ولدك ويرزقك الذرية الطيبة .

حبيبتي حفصة بحكي لك حكي وأتمنى تستوعبينه من أخت ناصحة تبي مصلحتك وإن حسيتي اني قسيت عليك فأنا أغتذر .

الأغلب لاحظ توترك وتضخيمك للأمور ، تخيلي لو قالوا لك انه بزوجك مرض مستعصي او انه صار له حادث وشلل وش بتسوين؟
مو زين الوحدة تضخم كل شي مايعجبها وتحس ان الدنيا انتهت وانه هي بمصيبة عظيمة، تعاملي مع كل الامور برضا لأجل الله يرضيك وهونيها لأجل تهون ،ترى كثر التشكي يخلي اللي حولك كلهم يتضايقون منك وثم ماعاد يعبرونك ولا يردون عليك ، انا ما اعرفك ولله واتمنى لك الخير وومكن ندعمك لأجل تكوني مرتاحة لكن انت لزوم تتقبلين فكرة التغيير الايجابي بنفسك ، اتمنى تغيرين من طبيعتك وهالشي بسيط وتوك صغيرة ، لاتكوني سلبية ومتشاءمة وخليك متفاءلة بحياتك .
زوجك راس مالها جيوب انفية وجرثومة ، مايحتاج اقول لك وش عندي من امراض بالبيت ولا وش فيني بنفسي لأنه مو من طبعي احب استعطف الناس ولا هو زين اكون ضعيفة واخلي بيتي مكشوف للكل.

جميل اكون عمود أساس ببيتي وادعم اهل بيتي واهلي واصحابي والانسان اللي يدعم ويحب يكون له شان ويكون عمود لازم مايكون كثير التشكي الا لربه سبحانه ، ويستقوي بالله والمسلم القوي احب الى الله من الضعيف .
احكي لمصلحتك ولله، واني ابي لك الخير .
غيري من نفسيتك شوي ، تقولين رحت مشغل (بقسم حمل) هل شايفة انه موضوع المشغل مناسب يقال بقسم الحمل ؟
تقولين الموظفة ماعاملتك زين .هل هذا حكي يصدر من وحدة بشخصية قويه ؟! خلي لك شخصية وخلك واثقة من حالك حبيبتي.
مو شرط كل تصرف من الناس معناتهم يقصدونك او يكرهونك ..وان كانوا قاصدينك او كارهينك طز وطزين ، تذكري الرسول صلى الله عليه وسلم تأذى بنفسه وأهله وقالوا عنه مجنون لأنه طبيعة البشر كذا بعضهم يحب يحكي ولكن العاقل يطنش وعليه من نفسه ورضا ربه ولا يكترث لحكي الناس.
مشكلتك انسانه طيبة وحساسة بزيادةوتحبين تخدمين الكل لكنك مو عارفة تتخذين قرارات ودايم متردده وتحسين انك ضحيه .
النظام زين ياخيتي هنا قسم حمل وانجاب واحنا هنا ندخل نبحث عن مشاركات بهالخصوص وممكن نسأل بأمر ثاني مرة بالعمر عشان يبقى القسم للحمل . مو حلو كل يوم ننزل سوالف البيت هنا ، تدرين حفصة يمكنك اقل وحدة فينا مشاكل لأنه بعض مشاكلنا من كبرها مانقدر نكتبها .

احنا نبي الفايدة بهالقسم للي حامل وتبي تحمل وللحقن المجهري والاجهاضات لأجل نستفيد من تجارب بعض الله يرضى عليك .
على فكرة انت انسانه طيبة مرة وطيبتك مضيعتك وانصحك تكوني انسانه وسطيه ، زوجك رجال لو يشتكي من شي قولي له يروح يكشف بمستشفى او يكلم وزارة الصحة يعلمونه وش يسوي لأنه انت مو طبيبة يستفسر منك واحنا هنا بقسم نساء وحمل، . حفصة لابد تعرفين تاخذين قرارات صح وتعرفين كيف تديرين المواقف . زوجك تعبان قولي له انت طيب وهذا عارض صحي عادي يمر على كثير ناس .. عندنا ناس فيهم اورام براسهم وناس سرطانات ومشاكل وش كثر ومع هذا شاكرين الله وحامدينه ونقول احنا بنعيم عظيم واحسن من غيرنا . كيف جيوب انفيه والا جرثومة معدة تسبب لك رعب وتعاملينها معاملة مرض مستعصي كيف لو كان قالوا له سرطان او تصلب او شلل ؟؟

المصلحة للجميع الله يسعدك .
يعني بكرة بنزل موضوع عن الهلال والنصر هنا بالقسم ويعده بنزل موضوع عن اهل زوجي ايش أغديهم ان جو عندي ويصير قسم الحوامل قسم سوالف مالها علاقة بالحمل والانجاب، وثم ندخل نبي نستفسر بأمر بالحمل والا نسولف بالحمل ومانلقى احد يسمعنا وكل المواصيع اللي جالسة ترتفع وترقى فوق مواضيع مالها علاقة بالحمل ..

لكل مقام مقال . هنا سوالفنا خاصة بالانجاب مو برجالنا .
مو زين كثر التشكي لأنه يخلي الناس يملون من الشخص .
الرجل طبعه قليل الشكوى اذا شي يوجعه يروح للمستشفى مو عالم حواء .
والله يحب الشاكرين ويقول( وقليل من عبادي الشكور)

انا من اصحى اعطس عطاس وش كثر من الجيوب وبحياتي ماعاملت الجيوب انها مشكلة فليش انت تضهمين الموضوع .
الجرثومة للمعدة ياكثرنا معنا ونمتتع عن اكل كثير ومتعايشين والحمد لله .
بفهم وش المشكلة عندك
هل زوجك يقول اكتبي للبنات والا انت زوجك وجالسة تقولين انا حفصة والا ايش بالضبط؟