جرحت زوجي

السلام عليكم
كيفكم ي بنات
انا متزوجة منذ حوالي ست سنوات ولله الحمد رزقت بزوج خلوق ومتعلم ومتدين يحترمني كثيراً وكل طلباتي منفذه ليس رومنسياً ولا يعبر عن حبه بالكلام ولكن افعاله تدل على انه يحبني كثيراً هو يقول الحب بالافعال وليس بالكلام كريم في بيته وكريم معي يحترم اهلي جداً ويقدرهم وله مواقف عديده معهم اهل زوجي يحترموني ويحبونني ولم القى منهم الا كل الحب والاحترام
اقسم بالله منذ ان تزوجنا زوجي لم يسبني ولم يشتمني الفاظه دائماً راقيه جداً طبعاً لابد من حدوث مشاكل بينا وتصل لرفع الصوت احياناً سواء مني اومنه ولكنه والله مع هذا لا يهين كرامتي
طبعاً سافرنا ورحنا وجينا بحكم زوجي يعمل مدرس ماشاء الله اجازة المعلمين طويله اكثر وقته قاعد بالبيت
امس كان يلعب مع ولدي كوره في الصاله ومدري كيف جت الكورة على مزهريه وانكسرت قمت اصرخ عليه وادعي قلت الله يشل رجلك ويعمي عيونك ما تشوف انت طبعا ما يحتاج ابرر وليه قلت كذا بعد ما خلصت استوعبت الصدمه واني قلت كلام المفروض ما اقوله اخذ الولد وطلع الحوش وقال تعال نلعب بالحوش يمكن المزهريه اغلى من قدمي ونظري والله ي بنات انهرت مكاني كيف طلعت مني وليه قلتها وما عمره دعا علي ولا شي واللي قاهرني اكثر الاسبوع الماضي طيحت جواله من على التسريحة وانكسرت الشاشه واول ماصحى شاف جواله مكسور وجيت اعتذر وابرر له اني ما شفته قال عادي جداً وفداك كلها شاشه وتصير في كل البيوت كان هذا تعامله معي وانا من مزهريه قمت ادعي عليه دخل نام وما تعشى ولا شي عرفت انه زعلان اللي بترد وتسب اللي فيني مكفيني وشلون اراضيه وخليه ينسى تكفون اللي عندها حل لا تبخل علي واسفه طولت عليكم