جرحت زوجي في رجولته

السلام عليكم
مشكلتي مع زوجي من سنين احاول يترك العادة السرية وكل مرة يطلع يمثل علي انه تركها واكتشف فجأة انه مسويها !
ما افتش جواله كنت ادخل فجاة واشوفه ف الوضع ويقوم يعتذر ويراضيني
الا ذي المرة اشوف له فترة يجيني مرة او مرتين بالشهر بس وعذرته قلت يمكن مضغوط واذا طلبته يتعذر بالتعب فجاة صار ينام بالمجلس ويقول أفضل هنا عشان اتابع لين انام وهو نومه خفيف يصحى من اي حركة قلتله تمام وكنت اجي انا لعنده لين ينام واروح انام مع بنتي وبيوم طلبته قالي تعبان واليوم الثاني وهو بالمجلس دخلت عليه الا اشوفه ماسك جواله وقاعد يسويها🤢انهرت قدامه م قدرت امسك نفسي وقعدت ابكي وبدال م يعرف غلطه يقول ليه داخلة كذا فجعتيني!!! ليه ماتدقي الباب ! وقلب الغلط عليا !
قعدنا يوم كامل م نكلم بعض ومقهورة انه غلطان وشايفني انا الغلطانة اني دخلت فجعته!
ارسلت له اذا منت قد الفراش ليه مخليني بالبيت؟!! قال يعني قصدك انا مو رجال
قلتله لا انت قذ الفراش ولا انت حوله لو انك قده كان جيت طلبتني مو استفردت بنفسك وسواد الوجه اللي سويته !!
وجا هاوشني ولوى يدي يقول كيف تقولي انا مو رجال !! قلت انا تكلمت عن حركتك الوصخة ليه تسويها وانا عندك ؟؟ قالي انتي شفتيني ازني! وتقوليلي وديني المستشفى بكشف طاحت المكينة ع بطني تختبريني تشوفي قلبه لسا عندي ولالا !!

وعدا كم يوم اشوفه م يجيب مقاضي ومقفل باب البيت ويداوم والمفتاح معاه ماقدر اطلب شي
رحت ابغا اكلمه رماني بقارورة المويا وصار يتلفظ عليا انقلعي والله لاعلقك ع الجدار كيف تدخلي المجلس عندي كيف لك وجه! واقوله بتكلم عن مقاضي البيت الزعل ماله دخل قالي كلي تراب وكلي هوا وانتي وسخة ف نفسك ف داخلك نفاق !!
ومالك الا خبز كل يوم اجيبه والا سندوتشين اجيبهم لك باليوم كليهم ! والا اسحبي فلوسك من الجمعية هاتيهم واشتري لك مقاضي ! (انا كنت داخلة جمعية عشان الولادة) 

عموماً للان شايفني انا الغلطانة ومقفل باب المجلس ع نفسه ومابيننا كلام ولا حتى نشوف بعض يعني لو ايش صار ما نتواجه
ايش اسوي انا حامل بالشهر الثامن ونفسيتي تعبانة صح اني غلطت بردة فعلي بس نتجت من افعاله مو من عدم
وبنتي صغيرة تروح له لين باب المجلس ولا يفتح عليها مانشوفه نهائياً
ابداً ماكان كذا اذا تزاعلنا هالمرة تغيييير للاسوء ويحط حالات بالواتس يدق فيني بالكلام