جرحت مشاعر امي

جرحت مشاعر امي واحاسيسها، دون قصدٍ مني والله بدون قصد لكن من غيرتي على اغراضي وحرقت قلبي وخليتها تبكي والله ان قلبي يعورني بداية القصة انا خلعت زوجي بعد مشاكل وهو كان رافض يجيب اغراضي وملابسي وانا ماطالبت فيها وما ابيها من الأساس وكثير قلت لأهلي مابيها ولو جابها ودوها الجمعية.
وبعد محاولات امي جابها وانا مابيها ولابي اشوفها لكن امي مصره اني ارجع البسها وتبي تعطيها خواتي المتزوجات وتستخدم منها خاصة مفارش السرير والقمصان ومكياج وانا رافضة هالشيء واكثر من عشر مرات كلمتها بكل ادب واحترام انها توصلها للجمعية ولا تجيب شي قدامي وانا ماريدها ولكن امي ما احترمت رغبتي عالرغم ان الاغراض موجودة لكن امي مستنية وقت فراغها عشان تشوفها وتوزعها بطريقتها اليوم مدري كيف فتح الموضوع وكلمه مني وكلمه منها قلت لها انت كثير سببت لي مشاكل وتدخلتي بحياتي وسببت مشاكل لاخواني وازواجهم وتتدخلي بالناس وقاسيه علينا وماوقفت معي ووووو ولو انك تحبيني كان احترمتي رغبتي وماجبتي اغراضي البيت لانها تذكرني فيه كيف عاد لا يلبسوها خواتي او يفرشو المفارش ويستخدمو اغراضي قدام عيوني اغراضي الي كنت احبها واهتم فيها فيها راح يتقطع قلبي لا اشوفها مرة ثانيه ولا تتدخلي في مو طفله وراح اعطيك قيمتها ظامك متحسرة عليها وو وقامت تبكي وتدعي على نفسها وراحت غرفتها رمت علي عشرة الاف ودخلت تبكي آه من شفتهها تبكي عيت عيني توقف من الدموع، اول مره اشوفها تبكي بهالشكل خاصتن قدامي بكاها يعور القلب وربي كل متذكر بكاها أبكي يارب سامحني انا غلطانه غلطانه لكنني تكلمت بس من حرقتي لازم موقف قوي عشان لاتروح توزع اغراضي قدام وجهي وانا ابقى طول عمري اناظرها بحسرة هي الحين مو راضية ترد علي من العشا.