شوفي حبيبتي النفشه مايهجدها الا الزيوت او الكريمات يعني خلصتي تسبحتي من زيت او كريم او خلطه مشطي شعرك وهو رطب وحطي كريم بعد الشور بتلقين نوعيات كثيره وريحتها حلوه مثل فاتيكا سانصيلك والا بلكريم او برشوت كلها حلوه انتي روحي للصيدليه او عطار واقري وشوفي وش يناسبك عاد حطيه بعد الشور وشعرك مبلول وشدي شعرك كله ببكله قويه وعادي مو لازم كل مره تشدين على ورا غيري مرات افرقيه يمين يسار طلعي غره بدون كريم واستشوريها والباقي هجديه وشديه بالبكله ولفيه من وراء صدقيني بترتاحين في نفس الوقت بيرتاح شعرك واذا استشورتيه بين فتره وفتره بتطلع النتيجه حلوه معروف الاستشوار ورا بعض ورا بعض يعدم الشعر وينفشنه بس اذا اهتميتي بشعرك صح واستشورتي بين فتره وفتره بيسيح وتفك النفشه اذكر معنا وحده سمراء فالمدرسه الله يذكرها بالخير كان شعرها خشن بس والله انها ارتب وانظف من اللي شعورهم ناعمه دايم شادته ومهتمه فيه وواضح تحط كريم وشكله طالع مرتب وفيه لمعه خفيفه ونظيف على فكره الكريمات لمعتها حلوه ونظيفه مو زي الزيت والزيوت حطيها قبل الشور باربع ساعات انتي بس حبي شعرك واهتمي فيه بيحبك وبيعطيك نتائج حلوه الشعر معروف اذا حبيبته حبك واذا اهملتيه وكرهتيه بيصير سيئ ويفشل ..
اسفه ع الاطاله بس عشان اوعيك تهتمين فيه وتحبينه وبتجين تشكرينا بإذن الله ..

ههههههههههههههههه تدرين ان شعري خششششن وخواتي شعورهم ناعمه ووصل الكلام لزوجي ان شعري خشن وقال ابيها والحين صار يضحك على شعري ويقول نفس كلمة زوجك الله وكيلك لا حياة لمن تنادي اضحك معاه لين اموووت واحيانا استهبل ع شعري بنفسي قدامه خذيها بضحك وبتحبين شعرك

بعض الشامبوات تخشن الشعر استعملي شامبو الاطفال خفيفة على الشعر و ما تهلكه مره شعري نعم معاه و ما يجفف الشعر لأن الشعر لازم يكون شوي مرطب
و ممكن تستشوري من قدام بس
و حمام زيت بزيت اللوز مرة في الأسبوع نص ساعة و اغسليه
اعتقد ان لكل شعر جمال 😊سواء كان خشن او ناعم بس نشوف الطريقة المناسبة في تسريحه شوفي الاجانب في اليوتيوب عندهم افكار حلوة في تسريح الشعر

اول شئ خليك واثقه من نفسك ، مو كل كلمه تنفجرين
واذا شعرك خشن ؟ اهم شئ أخلاقك حلوه و نظيفه وخائفة الله ،،،


ثانيا : اختي نفس شعرك و فيه طريقه سويته لها و الحمدلله زان شعرها وصار ناعم ، حتى صديقاتها و بنات جيراننا يسألونها كيف صار ناعم ،،،
الخلطة كالتالي : ٢ بياض بيض + زبادي + زيت زيتون
لفيه بنايلون ، وخليه على شعرك ٤ ساعات او اكثر
غسليه بس مويه ،،
ونشفيه ودهنيه بـ زيت الصبار بـ ١٠ ريال من العطار
ولفيه نايلون لمدة ٢ ساعتين و اكثر
واغسليه بـ شامبو اطفال ،،، و سرمكيه بالمملس
وجربيه مره بالأسبوع ،،،
وراح تشوفي شعرك تغير

الحنا الحنا الحنا وبعده حمام زيت
أختي كان شعرها أخشن شعر فينا والحين يعد الحنا أنعم شعر ولا تحتاج سشوار ما شاء الله لا قوة إلا بالله