صَباح/مَساءالقُوة والسعآدة
اِزيكم يا قَدعات .. عَاملين ايه ؟
اَحس الجَو من جَماله يخلي الواحد يتِنح تتنيح .. اُمور كَثيره ببالي بتكلم عَنها لكن وقت الفِعل والتدوين اَنشغل او اَتنح !
عُموماً كلووو جاي بإِذن الله ..
تِتذكرون من هَاك السِنين لما اَعلمكم اني احب الهَذرة وهذرتي مفيدة .. (اتمنى فعلاً هَذرتي تكون مُفيدة ومُسلية وتخليكم غَصب تُوقفون شوي .. وتِجيبون كُوب قَهوة وتِمخمخون عليها) ..
كَلامي هالمره عن تَحويل الاَمر السَيء الى امر جَيد وفوق المُمتاز بعد ..
بهالدنيا مُش كل حَآقه نَبيها تتحقق ، ( لكن) السَؤال .. هل كل امر تَمنيناه هو امر يستحق التَمني؟ يستحق السَعي عشانه ؟ والاَهم .. هل هو سَعادتنا الحَقه ؟!!
هاالشي يبيله تفكير وربما اِدراك بعد وُقوع الاَمر ..
تِدرون وين القَهر او وين الغَباء والعَباطه والحسره بهالأمر كِله ؟
ان مَرات الاَمور اللي تِمنيناها تِتحقق وتُسبب لنا مَصايب ، (او) انها ماتتحقق ونعيش بحزن مَوهوم وكأننا عُمي عن اي طريق اخر للسَعادة..
الثَقافة بالاِطلاع+ وُجود مُحيط مُمتاز = حَياة طبيعية ..
فعلاً .. مُمكن بناتنا يُكونون اَكثر ايجابية لو زَاد عِندهم الاِطلاع ، ولو اصبح مُحيطهم من اهل واصدقاء مُحيط منفتح فكرياً، داعم وواعي لكانت حَياتهم مَليانة نجاحات ومُحاولات قوية جداً .. والاَهم مليانة سَعادة ورضآ..
كُل بنت لازم تَعرف اِنها مُمكن تكون غير اهلها ، بمعنى اَهلها سَلبيين او ضِعاف او غير قَادرين.. لكن هي قَادرة تِدعم نفسها حتى لو كَانت تَفتقر الى المَادة او الدَعم المعنوي ..
الأَمر يبيله مُرونة + تَطويلة بال+ ثِقة
صَدقوني ..المَحصول الثَقافي المدمُوج مع تَجارب او صِعاب يكون ( اَلذ) ..
البِنت اللي تُعاني من بيئة مُحبطة .. بإِمكانها تكون البَطلة وتحسن حَالها ووضعها لو تَقوت .. وراح يكون تقديرها للنَجاح والنِعم اَعظم .. بيكون تَمسكها بالسَعادة اقوى .. وتَذوقها للنَجاح اَلذ ..
لأن فَاقد النِعمة، او الي ماحَصل عليها مُسبقاً وحَصل عليها بعد حِرمان يكون تَقديره لها افضل ( هذا بحال كان وَاعي) :icon29:
اَغلب الرسايل لي هنا او انستقرام يشتكون من مُحيطهم (محيطهم السَلبي ) ويطلبون رأيي بأمور ، او يبوني اثبت رأيهم بخصوص امر.. لان نَاقصهم مُسانده او تشجيع ..
نَصيحتي : تَثقفي ، تَأكدي ان اَهدافك ماتضر احد وتناسب مَصالحك ثم اِسعي لها .. لا تِنتظرين خَتم او بَصمة من احد .. مِش ضروري التشجيع اذا فقدتيه! كوني عملية .. تحلي بالصَبر ،الثِقة والاِيجابية ..
مِثال بسيط جداً عن كَيفية تَوعية النفس بأبسط الاَمور وتَحويل السَيء الى دَافع لنا لنكون اَفضل /
وانا صِغيرة كُنت من النوع المُمل اللي اقوم من النُوم ابكي واروح اَحكي الوالد وامي الكَابوس ، مره قمت ابكي اقول حِلمت اني ( مُقعدة مااقدر امشي .. قالي ابوي :حَبيبتي ذا حلم تَعوذي من ابليس .. قالي: خُذي هالحلم من نَاحية اِيجابيه انه يذكرك بأهمية القُدرة على الحَركة والمشي واللعب عشان تستمتعين وتحمدين الله على هالنِعمه) وقتها كُنت رابع ابتدائي و مُدمنة لعب بلاستيشن .. وكل ماشَافني ابوي يقولي ( ماينفع كذا ، اِلعبي مع صَحباتك ، تَحركي ، سَوي رياضة) ..
فِعلاً .. بعدها قَدرت نِعمة المشي .. كُنت طفلة بس كَابوسي كَان قوي وكِنه واقع لدرجة خَلاني اقدر النعم اكثر او ممكن نقول اتوب والعب العاب حَركة من صَديقاتي بدل الاِنطواء على لعبة ساعات !
مَره ثانيه كابوس بخصوص جَدتي .. اول ماحكيت ابوي قَالي (تَعالي اتصل لك على جَدتك كلميها وتِطمني ، قلت له : لالا مابي مو لازم .. قالي: هالحلم رُبما تذكير لك بجدتك حتى تِكلمينها وتقوين عَلاقتك فيها)
وقتها فعلاً جدتي كانت تِسميني ( الغَزال الشَارد) لأني مااقعد معاها بكثرة زي ماتبي مع اني اَحبها حُب كبير .. :rolleyes:
ليومكم هذا كُل كَابوس اشوفه اخذ منه العِبره ، حُرمت من نعمه بحلمي .. اقوم من الحلم واكون مقدرتها اكثر واكثر بواقعي ..
حُلمي الحَزين او كَابوسي المُرعب يخليني اقوم ادعي اكثر ، اَشكر الله اكثر ، اَقدر وجود حَبايبي اكثر ..
سَويت عَلاقه قَوية باحلامي لدرجة اشوف الاَموات من الاَحبه اللي اِشتقت لاِبتسامتهم .. اَصبح الامر رُوتيني بأن حُلمي يكون تَعليمي بخصوص النِعم لو كان مُفزع ، او لِقاء مع الاحبه الله يرحمهم..
( طبعاً فيه احلام مالها قِيمة او معنى طبيعي الانسان يشوفها) انا اتكلم عن الاحلام اللي تكون نتيجة ضُغوطات او افكار ..
هالكلام اللي قِلته اِثبات ان كل اَمر سيء مهما كان (عَظيم او بسيط جداً كـ حلم غير واقعي ) مُمكن تحولينه لاَمر ايجابي يوعيك وينشطك اكثر ..
قِصة اخرى :
انا من النوع اللي اَحافظ على رشاقتي وعلاقتي بجسمي قَوية.. اتفقد جسمي وش نَاقصه من اهتمام .. اَحب الرياضة والعناية بشدة وبزيادة مُعجبة ( بشكلي) هالشي مايعني اني واااو او جَميلة الجَميلات لكني ( رَاضية عن نفسي )
من سَنة ونص تقريباً لما سَويت عملية الزايدة اللي كَانت فجاة وضِمن احداث غريبة .. نهايتها قُمت من العملية بعد اِختفاء معظم تأثير البنج وحَسيت حَرفياً وكأن بطني ( فيها طَعنات) بعد يوم قِمت واستوعبت شكل العملية.. اِتضح انه بطني فيها ندبات العمليه .. ٤ ندبات ..
هالشي جَعلني اكتئب .. حَمدت الله على العَافيه لكن صُدمت .. اول مره يكون فيني هالاَثار الواضحه .. لدرجة سويت مواعيد مع كذا دكتور حتى يأكدلي انه الاَثار بتبقى معي ومابِتروح ..
عَدت الاَيام .. قِمت افكر .. لِقيت نفسي غبيه .. وقِسيت كثير على نفسي وعلى جِسمي .. حسيت بطني كِنها مَنبوذه من قِبلي بسبب الاَثار اللي عليها << تَعمقت بالتفكير ..
يوم عن يوم اَصبحت اَحب شكل الاثار على بَطني ، اَحسها اَعطت طَابع جذاب برأيي والاَهم حببتني بنفسي اَكثر ، كل ماتِلمست الاَثر احب نفسي اكثر .. لاني اتذكر قوة الالم والظروف الغَريبه وَقتها .. احس الندبات اصبحت تذكرني قَديش انا قَوية وقَديش كنت بَطلة بعدة مواقف قبل العَمليه بساعات..
صِرت ( فَخوره بنفسي اكثر)
بِحياتنا تصير امور مانبيها ..مثلاً الطلاق .. بغض النَظر الطَرف الثَاني كان زِين او شِين .. حَصل الامر وانتهى .. لابد نِحول هالتجربه لاَمر عظيم .. نِخليها مثل القرصه بـ انه ( يافُلانه مَررتي بأمر جَلل ، اذاً هيا ابحثي عن السعادة بمكان اَخر!.. قَدري حُريتك.. قَدري مُرورك بهذه التجربة واِكتسبي الخِبرة والقوة والثقة ) .. مِن الغَباء ان نكون ضِعاف بعد الظُروف الصعبه .. لابد تحويل الصَدمة الى ( تَقدير للنِعم ودَافع للإِنجاز)
لما الشَخص يُنجز ويسعى لسَعادته .. راح يَنظر لتَجاربه المُتعبه السَابقة نَظرة رضى وتَقبل.. و عَدم الاِكتراث بالاَشخاص المسببين للتعب !!
لكن اذا الشَخص ماانجز وظَل اسير لفَشله .. راح يظل بدائرة لَوم نَفسه ولوم البَشر .. وراح يكون شُغله الشَاغل الاِنتقام او الحِقد او اي امر سَلبي ..
لاحقاً بحكيكم قِصة دراستي العَجيبه المليئة بالـ up و الـ down اللي اودت بي لاحقاً الى اَحلى حياة ..
غالباً بعد الظُروف القاهره لنا .. نَعيش مرحلة اِنكار .. مانبي الا اللي بِبالنا .. مانبي نفتح عيوننا على خِيارات اُخرى .. مَحظوظة اللي عندها اهل يصحونها من سُبات الصَدمة والاِكتئاب ، لكن تُعتبر ( مَحظوظة وبَطلة ) اللي تصحي نفسها بدون مُساعدة اَهل او صديقه مُخلصه لها .. اللي تقِوي نفسها حتى لو كان مُحيطها مايساعد.. هذي فعلاً لا خوف عليها بهالحياة ..
اذا لكم تجارب افيدوا غيركم فيها ..
مُوفقين ..
Aشاي اخضر بسكرA @ashay_akhdr_bskra
عضوة مميزة
يلزم عليك تسجيل الدخول أولًا لكتابة تعليق.
مل? :
كل ما اردت اكتب رد امسحه لان احسه مو لايق مع فخامة الموضوع ، مدري وش اقول غير اني كل يوم اشيك هنا و في الانستا حتى اشوف اذا نزلتي موضوع او لا مدرى وش اقول غير اني استفدت منك كثير كثير انتي رائعة و راقية بمعنى الكلمة مدري وش اقول غير ادعي ربي و من قلبي دعاء صادقا( جزاكي الله خيرا )كل ما اردت اكتب رد امسحه لان احسه مو لايق مع فخامة الموضوع ، مدري وش اقول غير اني كل يوم اشيك...
حبيبة قلبي ، تخجليني بكلامك والله ..
واهم شي تستفيدين من كلامي او حتى على الاقل يروقك ..💜💜
بعدين بعرف اخبار التمارين بهالبرد معاك .. لابد لنا ساعه نحكي فيها💋
واهم شي تستفيدين من كلامي او حتى على الاقل يروقك ..💜💜
بعدين بعرف اخبار التمارين بهالبرد معاك .. لابد لنا ساعه نحكي فيها💋
ابدعتي عزيزتي موضوع في الصميم لكل من كبلته هموم و احزان الماضي والحاضرابدعتي عزيزتي موضوع في الصميم لكل من كبلته هموم و احزان الماضي والحاضر
الله لا يكتبلك الا السعادة حبيبتي ..
الصفحة الأخيرة
مدرى وش اقول غير اني استفدت منك كثير كثير انتي رائعة و راقية بمعنى الكلمة
مدري وش اقول غير ادعي ربي و من قلبي دعاء صادقا( جزاكي الله خيرا )