ام سلمـى
ماتشوفين شر........يمكن المستشفى الي ولدتي فيه ماسولج الخياطه مضبوطه...انتى وين ولدتي؟

ماتشوفين شر يام سوسو

والله ماعندي خبره بالموضوع يفيدك لاني ماجربت الخياطه .. الله يكتبلي الحمل واجربها ان شالله .. قولوا امييييييين......
لكن المفروض انك سامعه كلام الوالده الله يخليها لك ان شالله
عندنا مثل في قبيلتنا يقول (اللي مايطيع والده لاتعاهده) دليل على ان الوالده ادرى بمصلحة ابنتها
وشكرا*

انا ما حسيت ان راح الم الخياطة في الجماع الا بعد ست شهور من الولادة ورحت المستشفى قالت لي الجرح من زمان اللتام بس انتي اتحسي بالم وهذا شي عادي وبعد شهر راح كل الالم وصار الجماع عادي
والدكتورة تقول عادي هذا الالم وفي ناس يطول عندهم الالم لمدة سنة
وقالت لي اسوي تمارين كيجل

عزيزتي طبيعي تحسين بالم في مكان الخياط وقت الجماع ويمكن السبب ان هذة المنطقة عندك جافة وقت الجماع ونصيحة قبل الجماع حطي مرطب خاص او جل ترى الجل ممتاز.

هلا بالجميع.........

اختي مريم جوردي..بالعكس انا نفاسي كان جيد جدا واربعيني كلها كنت عند الوالده اللي ماقصرت معي ربي يطول بعمرها ...واللهوم كنت احرص عليه ..حتى الكبو كنت اتكبى ...بس مثل ماقلتلج الجرح انفتح عقب الجماع ..لان الدكتوره قالتلي قبل انه ملتئم تمام :(

العزيزه ميهاف ..ربي يبلغج بالخمسه يارب ...تسلمين ياقلبي انا فعلا عزمت على الارطا بعد كلام الاخت مريم وكلامج ..بس ماعليه عندي استفسار بسيط ..شلون اتنقع فيه ..دوم اسمع هالكلمه وماني عارفه الطريقه ...؟


الاميره2..مشكوره يقلبي وانشالله انا عزمت اجربه ...


بك استجير ...انا من قطر وولدت بمستشفى حمد العام ...اصلا ماعندنا مستشفى ولاده حكومي غيره للاسف ..وفعلا لما رحت لاخصايئه عقب ..قالتلي خياطتك مش بطاله بمعنى انها مش ولا بد :


هلا جوري الدوحه ...بالعكس انا اطيع الوالده بهالامور لانه خبره ..بس هي ماشرحت لي اهميته واني لازم اداوم عليه ...الله يرزقك قريب ياااااااارب


قلب البتول ..انا عندي خلفيه ان الالم بعد الولاده اثناء الجماع بيرجع ولفتره ..بس انا مو الم جماع بقدر ماهو الم جرح يزداد اثناء الجماع ...يعني كاانك تشقين الجرح ..ماادري انتي فاهمه علي ولا لا؟؟وعلى فكره اكبر غلطه سويتها هي اني مامنعت الجماع على الاقل لمده 3 شهور مع ان الدكتوره قالت لي المفروض الواحد مايجامع زوجته الا عقب 6 شهور من الولاده حتى يعطي الجرح فرصه انه يلتم


هوى روحي ..ماعندي علم والله ..بس الارطاء تجيك لونها رملي غامق وزي الاعواد ..اذا ماانطحنت ولها ريحه مميزة


اختي سنوبس ...انا اكرررة شئ اسمه جل او ملين اخاف انه يضرني وخاصه ان المنطقه عندي مجروحه شوي ...


الف شكر يالغاليات ..وياليت اللي عندها نفس مشكلتي ونفع معاها حاجه انها تخبرني ولها مني دعاوي بظهر الغيب ...