جرح الصديق :( يقتل

السلام عليكم
كيفكم بنات ***** الله كلكم بخير وبصحه وعافيه :)
احس موضوعي شوي غريب بس ابغى افضفض باللي في قلبي لاني مرررره تعبت



بدخل في الموضوع علطول
اتعرفت على واحده صديقتي بالمدرسه من اولى متوسط اتعاهدت انا وهيا اننا على الحلوه والمره مع بعض كنت احكيلها كل شي يصير معي حتى لو تافه دخلتها بيتي عرفتها على اهلي وصارت اختي واكثر وهي كمان كانت تحكيلي كل شي يحصل معاها او انه مايحصل بس هي "تخرف" كانت تقولي امي مريضه بمرض خبيث وابوها متزوج واحده ثانيه واخوها مدري وش فيه واشياء ماحد يصدقها بس من ثقتي فيها كنت اصدق وفي بداية السنه الدراسيه الجديده كنتابغى منها ورق للاختبارات قالتلي انا طالعه بعطي خالي يرسلك الاوراق من ايميلي لايميلك وفعلا ارسلهم وبعد شهر وشوي جا احد يكلمني على ايميلي من ايميلها وقالي انا خالها ردي ضروري رديت قالي صديقتك تبكي ومدري وش فيها واكلمها الاقيها تبكي واحاول اعرف وش فيها واصبرها واشوف لها حل على اللي يبكيها وفي يوم كلمني خالها من الايميل مره ثانيه استاذنت اخوي ورديت قالي بودي صديقتك عند دكتور تفساني عشان تبكي كثير وانا خايف عليها اقنعيها واقنعتها بعدين قالتلي صديقتي ان يدها ماتتحرك وتوجعها بسبب الزعل وتيججي المدرسه ربطاها يعني اكيييييد بصدق انها تعبانه وكنت مرررره شايله همها كانت لو تطلب عيوني عطيتها وتمادت باللي تقوله لي وكل شوي امي تعبانه اخوي يبكي ابوي ضربني وهكذااا ومن شهرين كلمنتي على الواتساب وقالتلي امي ماتت كنت انا نازله على المدرسه قولتلها لاتجين المدرسه انا بقول لامي تجيكم قولت لامي وعلطول نزلت وقولت للشله حقتنا وجلسنا كلنا نبكي وشوي وهي داخله المدرسه نقولها ليييع جيتي اخترعت كذبه جديده وصدقناها ولما رج البيت اخدت اهلي وروحنا عندها البيت عشان نعزي واجلس معاها واهون عليها ويوم انفتح لنا الباب امها هي اللي تفتح انصدمنا كلنا وسالتها امي انتي ام فلانه قالت اي قالت انتي مامتي !! قالت نعم !! ليه تفولين علي قالتلها طيب بنتك تقول كذا وكذا وكذا وحكيت لامها السالفه كلها وترد امها تقولي كل هذا كذب (يعني 5 سنين وانا ينكدب علي من اعز صديقاتي وتجرح فيني وتخوني ولا انا داريه بشي ،وطلعت مكذبه على كل صديييييييقاااااااتها وحبيبها وكل النااااس ، ) قطعت صلتي معاها بس المشكله انها جاتني وتبكي وتعتذر بس انا مو قادره اسامحها :( وكل مااشوفها بالمدرسه قلبي يتقطع واحس اني اموووووت واخاف اسامحها تجرحني اكثر واكثر وش اسوي :'( اسمحها وتصير علاقتي بها سطحيه (وهذا صعب مرررره ) ولا ما اسامحها وافضل اتعذب كل ما اشوفها (وهذا اصعبب )

وعلى اي حاال نصيحه مني اخواتي
لا تجرحوووون احد يحبكم وخلاكم فوق راسه تاااج الجرح من اي احد ممكن ننساه ويهون بس جرح الصديق يبقى معلم بالقلب فانتبهو لاخواتكم اللي ماجابتهم امكم :(





معليش طولت عليكم :(