جرح زوجي وموظفه البنك💔💔💔

كيفكم بنات بقولكم موقف تابع لموضوع زوجي اللي صرف فلوسه بالسفر بعدين طلبني فلوس حافز المهم يابنات اسالكم بالله اللي عندها كلمة طيبه تقولها واللي ماعندها ماهي مجبره تعلق تعليق تزيد فيه صاحبه الموضوع ألم وضيق المهم اليوم وداني زوجي البنك واخذ الفلوس والله المستعان انا موقفه بطاقتي الصراف عشان ارتاح من طمع زوجي بفلوس حافز اليوم رحت ازينها من الفرع عشان اعطيه الفلوس طلبت الموظفه توقيع ووقعت الف توقيع وتقول غلط غلط بالأخر كتبت اسمي المهم الموظفه ماسكه الضحكة وتتبسم ان وش هالانسانه اللي موب عارفه تضبط توقيع وقامت تضحك ونادت صديقتها تقول تعالي بقولك شيء هههه وتضحك وقالت روحي للمديره توقع ورقتك ورحت وانا طالعه من مكتب المديره تطالعني نظرات سخريه واستهزاء ولؤم وتضحك الى ماطلعت من الباب يابنات انهرت طلعت ودمعتي بعيني زعلت من نفسي وشلون جامعيه ومتخصصه ومتفوقه وماعرف اوقع ركبت السيارة عطيت زوجي الفلوس ماقال حتى كلمه شكرا وزاد اوجعني قلبي اكثر واكثر طول الطريق اجلد نفسي يااوميه ياجاهله ياللي ماتعرفين تطورين من نفسك حزززززينه ع نفسي راح من عمري خمس سنين بطبخ وترتيب والبيت ومشاكل هالزوج ونسيت نفسي وطموحي وضعت ولا عاد عرفت امسك خط رجعه يابنات اكتب لكم قسم بالله وانا ابكي بحرقه كل ماتذكر موظفه البنك انهارررر وابكي زياده وولدي الصغير يمسح دموعي ويحضني سامحوني طولت عليكم بس اعتبركم خوات لي وفشيت خلقي معكم 😒😒😒😒