وش اقول وش اخلي

بس بذكر اهم شيء
امي الله يسامحه ويعطيها الصحه والعافيه كانت مالقبتني بلقب مو زين عيره مدر تعرفون معناها او لا ماودي اقوله كانت اذا زعلت مني تقولها لي وانا بكيء وابكيء اكره هذي العيره صارو اهلي يعرفونها واولاد عمي وعمي وجدتي
بيت عمي بجنب بيتنا كنت عندهم العب مع العيال مدري وش صار يمكن طاح ولدهم ناسيه بس اللي مانسيته كلام جدتي لي قالت ليه تسوين كذا ياا..... العيره خلاص خنقتني العبره واركض واتسكر في حمامهم وابكيء لاني من النوع اللي مابكيء تو احد وهم عرفو وصارو يدقون عليه الباب وعمي معهم بس انا ماقدرت افتح لاني طول الوقت ابكي ماقدرت افتح لهم الباب وكنت ابي اركض اروح بيتنا بس مامداني فكان الحمام اقرب مكان اتخبا فيه

ومره سمعت وحده تتخاصم مع وحده في المدرسه وتقله هذي العيره جاني زي الاغما من كرهي لهذي الكلمه صرت ماقدر ادافع عن نفسي خوفي احد يقولها لي

وشيء ثاني اتذكره في طفولتي امي كانت تاخذ اختي اللي اصغر مني دايم معها عند الجيران والمدرسه اللي في العصر لانها اجمل مني وانا تخليني مع اخواني الصغار انتبه عليهم حتى مره تخاصمت هي واختي الكبيره عشان هذا السبب وسبحان الله مرت الايام وكبرت وصرت قمر ما شاء الله والله العظيم امي اذا رحت معها مكان تجبرني اسلم على الحريم معها عشان يشوفوني مع اني كنت مخطوبه بس امي من النوع اللي يحب المظاهر الله عوضني بدل ايام زمان ماكانت تخليني اطلع معها مكان وتتفشل من شكلي

ابويه مانسا موقفه معي زمان قبل ادخل المدرسه كنت اخاف من الموت وكان يضحك عليه اذا بكيت وقلت انا اخاف اموت كان يضحك بصوت عالي ويقول بكره بتموتين انا ابكيء وهو يضحك الله يسامحه

والرقص اخواني واخواتي يترقون عليه في الرقص والحين مستحيل اطلع على المنصه

وفيه عندنا مشكله في العائله وهي يحبون يعلقون وتمسخرون واللي يغلط يمسكون تعليق يصير مايخاف من الغلط يخاف من التعليق

وماخفي اعظم لكن البركه فينا احنا نغرس الثقه في نفوس عيالنا ونهتم فيهم ونحبهم ونحتويهم

يارب انا مسامحه امي وابويه على كل شيء سوه فيني وانا صغير اسال الله ان يطول بعمرهم ويحفظهم لنا ياحي ياقيوم

انا لما كنت ثاني ابتدائي كانت وحدة من البنات بنت معلمة عندنا والمعلمة هذي مررررة شديدة .. المهم مرة في الصرفة قالت لي بنت المعلمة امشي نطلع الفصل عشان نكتب الموضوع والتاريخ ونرتب الصبورة للحصة الاولى اللي في اليوم الثاني .. وقمت طلعت معاها لاني انا كنت اروح بيتنا مشي يعني عادي لو تأخرت شويه ..المهم بعد ماطلعنا جلسنا نلعب عالصبورة ونكتب ونمسح يعني مرة طولنا .. شوي ولا نسمع صوت وحدة تصرخ بصوت عالي وتبكي وتقول بنتي فينها وتبكي مرة بقوة لما خرجت عشان اشوف الا طلعت ام هذي البنت اللي معايا .. واول ماشافت بنتها خرجت من الفصل قامت اعطتها كف من قوته والله البنت طاحت في الارض .. قمت انا بسرعه جريت واخذت شنطتي ورحت بيتنا .. بعد تقريبا اسبوع البنات كانوا في الفسحة متجمعين مع بنت هذي المعلمة في الادارة لانه امها كانت هناك ونادوني .. لما دخلت عندهم شافتني امها وقالت لي انتي فلانه قلتلها ايه .. قالت لي اطلعي برة وتأشر بيدها على الباب .. وكل البنات والمعلمات سكتوا يطالعوا فيني .. وانا والله صغيرة يابنات اني كنت ثاني ابتدائي .. ومن يومها كرهت المدرسة وصرت بس ابكي لما اروح البيت لانه البنات كل يوم يسألوني .. مرة انحرجت بس ماعلمت احد من اهلي عشان لا يخاصموني مع اني ماسويت ولا شي .. يعني انا طفلة زي بنتها .. والله هذا الموقف مستحيل انساه كأنه حصل توه .. ومواقف كثيييييييييييييييييييرة بس ماتحضرني الحين .. عشان كذا الله يعينني ويساعدني اني ابعد عن اي سبب من الاسباب ولو كان تافه انه يهز ثقة عيالي بنفسهم ولا استهون بأي كلمة ان شاء الله ربي يساعدني ويساعدكم .

الله يسامحك يااختي قلبتي المواجع ذكريات اليمه مع الطفوله سبحان الله الطفل ماينسى ابد للحين اذكرها واتألم منها

مره طلعت مع ابوي وزوجته الثانيه للسوق وكنت اولى او ثاني ابتدائي المهم قعدت اتفرج في المحل وشوي التفت مااحصلهم

طلعت من المحل لقيت ابوي مشغل السياره بيمشي ماحس بوجودي ولا فقدني وبسرعه ركبت والمصيبه حتى لما ركبت مااهتم ولاسأل

لحظه الخوف هاذي ماانساها

----------


وانا طفله كنا ننام انا واختي بغرفه وامي وابوي بغرفه المشكله ماكان يجيني نوم ابدن واتعب من البكا بس مااروح لامي خوفا من ابوي

كان شديد علينا ماانسى

الحين مااعرف كيف بخلي بنتي تنام بغرفه لحالها مقدر ماابيها تفقد حناني زي ماافقدت حنان امي وابوي


--------------------

وكثييييييييييييييير مووووووووووووووووووواقف


المهم ياامهات:

انتبهو لايغرك صغر بنتك ولا ولدك ترا يحسو ويتالمو ويحزنو من اي كلمه او نظره تسئ لهم وقوو ثقتهم بأاانفسهم
الله يعيني على تربيه بنتي

ياحرام والله حزنت عليك اختك ما عندها سالفة هالحين محزنة ع فراقها وتضحك عليك

انا لي مووووقف مااانساااه طوول عمررري من وعمري 11 سنه يمكن يضحكم بسسسس انا مقهووره منه للان كااان في حاارتنا عياال يلعبوون العصرريه كووره بالشاارع طبعا المهم كاانوا عندنا بنات خالي 2 ونادرا ماايجوونا وجلسنا نطل من تحت الباااب كلنا ههههههه رصينا نسدحنا تحت الباب ونتفررج ع الشاارع طبعااا ولالولاد يلعبوا كوره المهم جااا بالصدفه ابوويا وشااافنا ويخاااصم ويقوول من اللي كاانت منسدحه عند البااب تتفرج للاولاد وتعاالوا شووفوا اخوواتي وبناات خاالي كلهم قالوااا اني انا وهم كانوا رااصين معايا اخذني ابوويا للغرفه وربي الموقف ماانساه في بيتنا القديم اخذني لزااويه وهااتك يااكفووووووووف اقوولوا والله موانا بسسس وابكي وهو الله يساامحه كفووف رايحه جااايه ههههههه وللان اخوواتي يذكرروني بالمووقف بسس كان اوول ظلم لي في حياااتي ويوومتها بكيت وانقهرررت واتفشلت قداام بنات خالي هما عاارفين انو انظربت هههههه ومن يوومتهاا ومن 26سنه اذكره وانا ثقتي مهززوزه في نفسي وهااذا اول جرررح بالنسبه لي وغيرررو كثييير