جريش ام محمد

أطباق رئيسية

السلام عليكم
هذي اول مشاركاتي وحبيت اني ابدها بالاكلات الشعبية لان كثير من فتيات اليوم معتمدين على الصواني وغيرها من العجز بالنسبة لهاذي الاكلات



اول شي الي هو الجريش
المـــــقادير :


1 كأس جريش (الكأس يعادل المد أو علبة نيدو صغيره)
بصلتين
1 علبه لبن حجم وسط ( اللي ب 3 ريال)
1 ملعقه كبيره ملح خشن (أو ناعم ولكن الأفضل يكون خشن)
1 ملعقه كبيره كمون
3 حبات فلفل أحمر حار
4 كاسات كبيره ماء حار
إصبعين زبده


الطريـــقه:

يغسل الجريش جيدا وينظف ثم يصفى ويترك على جنب و يقطع البصل صغيرا ويحمر بنصف إصبع زبده على النار ثم لما يذبل شوي ويصبح لونه مائل للأصفر نسكب عليه 4 كاسات ماء حار ثم نضيف الجريش على الماء الحار بالقدر ويترك لمدة ربع ساعه على نار هادئه بعد ذلك نضيف اللبن على الجريش و نخلط اللبن مع الجريش شوي شوي والأفضل نستخدم ملعقه خشب ثم نرش عليها الملح ونرجع نغطي القدر لمده ربع ساعه ,بعد كذا نفتح القدر ونشوف إذا كان الجريش بدأ يشرب اللبن نرش عليه الكمون و نضع فوقه الفلفل الأحمر الحار وبعدين نغطي القدر ونخليه لمده ساعتين ونصف إلى 3 ساعات (ولازم كل شوي نشيك على الجريش لأنه يكون على حسب قوة النار ) طبعا لازم يكون على نار هاديه ونحط بعد تحت القدر حديده علشان ما يحترق الجريش من تحت..لما يستوي الجريش ويشرب كل اللبن وتصير حبته طريه وملحه كويس نذوب في قدر إصبع ونصف زبده ونسكب الجريش في (البــاديه ) أو صينيه (للمتطورين أوالمودرن ) ثم نغمس الزبده فيها (يعني نسوي حفره بسيطه ونصب فيها زبده ) وما ننسى نحط عليه الفلفل الأحمر الحار..
38
5K

يلزم عليك تسجيل الدخول أولًا لكتابة تعليق.

تسجيل دخول

رويترز
رويترز
الله يعطيك العافيه احس طعمه جنان بس نفسي اعرف الكأس اللي نحط فيه جريش كبير ولا كأس عادي علشان انتي كتبتي قد علبة نيدو وعلبة نيدو اكبر من الكأس وبكثير
sonna99
sonna99
مشكورررة
ريموووو 2008
ريموووو 2008
تسلمين يا ام محمد
يا الطباخه
أم الذرابة
أم الذرابة

تسلم إيدينج ويعطيج العافيه عيوني
حبيتي علبة النيدو الصغير أكبر من الكاس
وضحي بارك الله فيج ياأم محمد
لوله الفله
لوله الفله
يسلموووووووووووو