جريش في ساعه .........

:16: بنات انا ما ادري انتم تعرفون الطريقه هادي او لا انا شخصيا توي دريت عنها و جربتها و ضبطت وياي :Dفقلت خليني اعلم البنات عنها
اول شي تسوين كانك تبي تسويين جريش عادي ...انا لاحظت في بنات يحطون لبن و ما ادري شنو بس حنا بالكويت ما نسوي الا الجريش الاحمر
يبي لج 4 طماط مفرومين بالخلاط
بصله مبشوره
2 ماجي دجاج
دجاجه مغسوله و مزال عنها الجلد
بهارات ...كمون و ملح
نص كوب من مشبع كويكر شوربه الشوفان عرفتووووووووووه:)
الحين احمسي البصل و زوديه طماط و علبه معجون و مكعبات ماجي ...حطي الدجاجه و بهريها و احمسيها عدل بعدين زوديه ماي و خليه ياما يفور شوي و كبي المشبع مال الكويكر عليه و يكون الماي مرتفع تقريبا اصبعين عن الدجاج ...تحركين طبعا كل شوي عشان ما يلصق
لا استوت الدجاجه طلعيها و سحبيها من العظم ردي الدجاج المسحب للجدر و حركيه عدل ...و قدميه مع الحشو
اتمنى اكون افدتكم و بالعافيه