جريمة اختطاف...

سلام لبنات وزوجات وامهات عالم حواء


بدخل بالموضوع على طول ... في اخت بالمنتدى تسأل هل خوفها على اطفالها طبيعي او زائد

سؤالها الله يجزاها خير ذكرنى بكم قصة بقولها لكم :

أحد اقاربي صارت حادثة قدام عينة وهو بنفسة يحكيها لي يقول وقف بسيارتة قدام مخبز بيشتري وشاف رجال عمره

بالاربعين ومعاه ولده طالعين يركضون من المخبز والولد يصيح ويقول خذوه ..خذوه ..وقفوالمساكين عند سيارتهم كان

فيها حرمة نزلت من السيارة تصيح وتصرخ وفي اطفال كان شكلهم خايفين ويصيحون والشغالة تصيح والرجاجيل اللي

بالمخبزطلعوا على صراخهم والأب كلم الدورية يبلغ عن اختطاف ولده,,كيف انخطف ؟؟ نزل الاب من السيارة والشباك

كان مفتوح والولد مطلع راسة وبعض جسمة من الشباك وخذوه الله ياخذهم ويفضحهم ,,في جرائة على الجريمة

مو طبيعية الوقت كان بدري بين المغرب والعشاء والشارع زحمة مع هذا ماخافو ا الله لايبارك فيهم

حسبي الله عليهم

أدعوا للولد يرجع لااهله طيب ومعافى ويكفينا شرهم لانهم اكيد يدورون باالشوارع يدورون على ضحية ثانيةو ثالثة الله يستر.


وفي قصة ثانية قالت لي عليها قريبتى صارت لصديقتها كانت بسوق صحارى او سوق المملكة {انا نسيت اي سوق}

المهم كانت معها بنتهاعمرها اربع او خمس سنوات وفجأة وهي تتفرج على الملابس لفت مالقت بنتها جنبها أنهبلت

المسكينة وراحت تركض وهي تصيح للأمن تبلغهم قالو لها امشي معنا ودخلوها غرفة كلها شاشات مراقبة على

السوق كله حتى بدورة المياه وانتوا بكرامة وغرف قياس الملابس { يعني انتبهوا } الأهم انها شافت بنتها بالشاشة

بغرفة قياس الملابس ومعها حرمة تقص شعر البنت وبتغير ملابسها .. بتغير لبس وشكل البنت...لية؟

علشان الام ان بلغت الأمن اللي عند البوابة عن اوصاف بنتها ووشو لابسة مايعرفونها وهي طالعة ..شفتوا كيف

يفكرون..

حدد الامن موقعها والحمد لله رجعت البنت لأمها ,,,,

ادعوا لكل المخطوفين يرجعون لاأهلهم عااااااجلا يارب يا كريم . ويفضح هاالمجرمين ويكفينا شرهم يارب

واللي عندها قصة تقولها للتحرص بعض الاخوات اللي الله يهديهم يسمون الحرص وسواس


{{ الله يحفظنى وذريتنا }}