حبيت اكتب معاناتي وقصتي من البداية لعل وعسى ان قلبي يرتاح بالفضفضة لاني ما عندي احد اشكيله همومي
اولا انا وحدة عمري 21 سنة ومتزوجة او بالاصح بدايتي مع زوجي من 3 سنوات و 7 شهور وعندي ولد عمرة قريب السنتين .. وبكتب لكم قصتي من بداية تخرجي من الثانوية
لما تخرجت من الثانوية دخلت الجامعة وكانو معاي كل صديقاتي الي بالمدرسة وكانت حياتي بس مع اهلي وصديقاتي والجامعة وبس ماعندي اختلاط بالناس وحتى استخدامي للنت كان بس ماسنجر مع صديقاتي و ادخل المنتديات الي فيها صور الموضة والازياء والالعاب وهالسوالف ماكنت اثقف نفسي باشياء مفيدة بس حياتي كانت بريئة جداااااا .. وبعد شهرين من دخولي الجامهعة تقدمولي شخصين مع بعض .. الاول كانت مواصفاته عادية عند اهلي وساكن في منطقة ثانية واخواني ما يعرفون عنه شي .. اما الثاني (والي هو زوجي الحين) كان ساكن في نفس منطقتنا واخواني يعرفونه ولهم علاقة معاه وحتى ابوي .. وكانت مواصفاته خيالية لهم وعلى حد قولهم انه ما يتفوت ولا يروح بالكم بعيد طبعا ابوي واخواني يقصدون بهالمواصفات انه رجال ملتزم ولا عنده خرابيط و اجتماعي وحبوب وكانت اهم صفة عند ابوي انه الرجال يكون ملتزم وسمعته طيبة واجتماعي والناس كلها تمدحه واهم عنده من كل شي اهم من الفلوس واهم من الوظيفة والسكن وكل شي و يمدحون فيه وايد حتى الناس سمعت انه خطبني وامي من تشوفها حرمة قالت لها يبخت بنتك يحظها فلان خطبها وحرمة ثانية قالت لها داعية لها امها الي تاخذ فلان .. وكان اكبر مني ب 9 سنوات و يشتغل في شركة معروفة وكل اهله سمعتهم طيبة .. انا ما كان في بالي امور الخطوبة والزواج كانت حياتي مثل ما قلت لكم بريئة وهمي صديقاتي والتسلية في النت ويعني الزواج ماكان في بالي ابدا بس لما شفت الكل يمدح فيه وافقت وكان في بالي اني استانس وكان تفكيري سطحي جدا وبريئ كنت اقول لنفسي يا سلام راح اكون اول وحدة من صديقاتي تتملك و راح اتزين في ملكتي ومن بعدها لزواجي يعني تفكيري بس هذا وماكنت اعرف عن الحياة الزوجية الا الامور البسيطة .. المهم صارت الشوفة وتمت الموافقة وصار الفحص قبل الزواج وتحدد موعد الملكة وانا فرحانة ليش اني بجهز نفسي وبسويلي فستان وراح اروح الجامعه وانا مخطوبة .. وصارت الملكة وكان شعوري عادي يعني ماكنت خايفة ولا شي الا لما وقعت على العقد وحسيت بشعور غريب مختلط بالخوف والفرح والقلق.. ومن بعد الملكة كان زوجي يزورني على فترات وكان يطلعني .. وموقف امي وابوي انهم ما يحبون يتدخلون ابدا في اي شي يخصني مع زوجي .. لاني صرت عندهم اني على ذمة رجال وما لهم حق يتدخلون في حياتنا في ولا شي تعرفون يعني شنو في ولا شي !!! حتى امي ما كانت تنصحني ولا تقول شي شنو الي المفروض اسوية وشنو الي المفروض ما اسويه وانتم تعرفون البنت لما تكون لوحدها مع زوجها شنو الي ممكن يصير .. ومثل ما قلت لكم ان حياتي كانت بريئة بالاضافة اني ماعرف شي في الزواج وامي ما تنصحني ولا فهمتني اي شي وانا كنت "جاهلة" بكل ما تعنيه الكلمة .. وكانت زيارات زوجي لي متكررة وكنت في البداية امموت من الخجل ودايما ساكته حتى هو ما تفهم لموقفي اني استحي وجذي ويتضايق مني .. بس شوي شوي بدا الحيا يروح مع الحركات الي يسويها لي زوجي .. وكان من بعد الملكة تقريبا بشهر بدا يفرغ رغبته فيني بس من فوق الملابس وانا كنت ما ابي بس ماعرف شنو اسوي من الخجل والحيا كنت اسكت وارتجف .. ولما قلت حق امي ما قالت لي شي قالت عادي توه شاب واول مرة يقعد مع بنت اكيد هذا الي بيصير .. ومن كلام امي حسيت ان الشي عادي .. وشوي شوي بدت الحركات تكثر وتتجرا اكثر واكثر لما وصلنا لمرحلة ان الشي يصير بس بدون دخول فقط من فوق لفوق (اسفة على الفاظي بس عشان التوضيح واتمنى انكم تفهموني) وهذا الشي صار قبل زواجنا ب4شهور .. وبعدها صارت المصيبة بالنسبة لي والي هزت كياني .. تأخرت علي الدورة وزوجي وداني المستشفى وسوو لي فحص بول وانا ولا ادري شنو صاير وليش وجذي وطلعت حااااااااااااااااامل !!!
شلون ومتى وشلون صار الحمل انصدمت صدمة عمري الي ماراح انسااهاا .. شلون احمل وانا عذراء.. شلون احمل وانا باقي على زوواجي 3 او 4 شهور .. شلون حملت وزوجي ما دخل علي .. شلون احمل وانا ما لبست فستاني الابيض ولا عملت حفلة .. شلون احمل ودراستي الي توني بادية فيها ..(كنت في جامعه و طلعت منها ودخلت جامعه ثانية) وطبعا ارادة الله وحكمته فوق كل شي وبكيت بكاء عند الدكتورة حتى هي استغربت وبقت اتطالعني بنظرات وطبعا زوجي فرحان ولا عليه .. وبين لها ليش انا ابكي حتى ما تشك فينا .. ولما قلت لامي طبعا هي من البداية ما فهمتني ولا نصحتني ولما سمعت الخبر موقفها جدا سلبي بس عصبت شوي وقالت توك في بداية الجامعة ليش جذي .. المهم وسوينا الزواج وانا حامل بالشهر الثالث .. وبعدها مشت حياتنا بشكل طبيعي .. وسكنت في مكان مو متقبلته عبارة عن غرفتين صغار و حمام .. وفي هالفترة زوجي سمع عن بيت انه للبيع وبسعر خيالي راح اتفاهم مع صاحب البيت الي يبي يبيعه واخذ قرض عشان يشتريه وطبعا القرض يكون محدد على كم الراتب .. ولما اخذ القرض وراح لصاحب البيت قاله انه رفع السعر !! وزوجي عصب معاه وصارت مشاكل وبعدها ما شرى البيت واخذ نصف مبلغ القرض لنا سافرنا فيه والنصف الثاني حطه في البنك للاستثمار وخدعوه قالو له كل سنة بنعطيك ارباح وكان نظامهم انه ما يقدر يسحب هالمبلغ الا بعد 5 سنوات .. وشوي شوي تدهورت حالتنا المادية للاسوا بعد ما كنت متعودة على الاسواق واشتري الي بخاطري كان ما يمر اسبوع الا وانا شارية شي جديد وكان زوجي ما يبخل علي بشي .. بدت المعاناة بان زوجي صار يتسلف ولما يقدر يسدد يسدد .. حتى تجهيزاتي بولدي لما كنت حامل كانو فلوس سلف.. ولما ولدت قدمت موعدي شهر كامل .. والناس طبعا مستغربة يعني كفاية كنت في الزواج حامل في شهري الثالث وقدمت شهر كامل في الولادة يعني بس 5 شهور من تزوجت .. حتى ولدي مسكين احس نفسي مو متقبلته ولما اقول لزوجي هالكلام يعصب علي ويقولي هذا جاء من الله نعمة من الله لا تسخطين ولا تكفرين بهالكلام واتضايق واسكت.. وعلاقتي بزوجي اغلبها مشاكل بسبب الفلوس وتدهورت الحالة من سيئ الا الاسوأ ..بديت ابكي واتلخبط في الكتابة .. احس ولا جانب في حياتي حلوو .. احس اني ضايعه بهالدنيا .. اقولكم ليش
ساكنة في مكان صغير وماعندي مطبخ اضافة الى ان هالمكان كل يوم تطلع فيه علة يعني كفاية انا مستحملة الضيق وبعد تصيدنا اشياء اكثر .. اما ان نسمع اصوات من برى واما اخو زوجي الي ساكن معانا كل يوم سواله شي مزعج وعنده طيور مالين البيت واصواتهم توصل لاذني و كل يوم يشتغل يسوي لهم قفص مادري بيت و انواع الاصوات بس.. ومرة كنت اذاكر كان عندي امتحان وهو حاط للببغاوات الي عنده مسجل يتكلم و ينعاد وبصوت عالي عشان يتعلمون الكلام .. مرة كانت الساعه 3 الفجر ونسمع اصوات قوية وغريبة وانا اقوم من النوم خايفة وولدي بعد قام يبكي وبعدين في اليوم الثاني زوجي عرف منه انه كان ينظف القفص .. والكهرباء بين فترة وفترة تنقطع عنا والماء .. وغير سالفة ام زوجي الي تراقبنا على الطالعة والنازلة ودايما تخلي بابها مفتوح عشان تشوفنا وهمها ولدها ماعندها مجاملة لي او لولدي كل هما زوجي شفيه شمافيه وتخاف عليه كأنه طفل انا ماعندي مشكلة ادري بغلاة الولد بس مو لدرجة ان ندخل البيت و اخوها كان شايفنا في المستشفى انا وزوجي وولدي كنا رايحين عشان ولدي تنط لزوجي تقوله فيك شي شنو صاير ليش رايحين المستشفى وقالها عشان الولد وتطمنت ان زوجي مافيه شي ولا حتى سألت شفيه الولد عسى ما شر .. ودايما تتصل لزوجي تقوله وينك و كل شي عنه تبي تعرفه .. مع انها عندها غيره ما شاء الله 5 بس مادري ليش حاطة بالها على زوجي اكثر .. واحنا طبعا مثل ما قلت لكم ظروفنا ما تسمح ان نطلع في بيت بروحنا او حتى نستأجر شقة .. والحي الي احنا فيه مش ولا بد البيت هذا (ماقدر اقول بيتي لانه ما احس بهالاحساس) صغييير وحتى مكان عشان زوجي يوقف فيه سيارته مافيه .. فيظطر يوقفها في موقف بعيد واحنا نمشي ..تخيلو الوضع مرات يكون ولدي نايم ونمشي هالمسافة .. مرات نشتري اغراض من السوبرماركت وتعرفون لازم تكون ثقيلة ولما كان ولدي بعده ما مشى كان زوجي يحمله عني ويحمل كم كيس وانا احمل الباقي ونمشي .. حتى زوجي من زود الثقل الي عليه صار كله يشتكي من ظهره .. ومثل ما قلت لكم هالحي الي احنا فيه يفشل مرة وحالته حالة حتى فيه ممر احنا نمر عليه كله فيران كباااااار وانا يوميا لازم تطلع مني صرخه في الشارع او ابكي منهم ومضطرة اطلع يوميا اروح الجامعه واروح بيت اهلي احسن من هالسجن والحبسة الي انا فيها كفاية لا طلعات ولا تمشيات .. وعلاقتي بزوجي سيئة جدا وغصبن عني وبالظروف الي انا فيها وانا بهالعمر صرت ما احبه وهو ولا حاس فيني طيب ادري انه بظروف على الاقل يحاول يصبرني او يواسيني على هالحالة الي احنا فيها وانا ما اقصر معاه حتى ذهبي بعته كله عشانه وهو ولا قال حرف بس اول ما بعته قال مشكورة حتى ما قال بعوضك عنه ولا شكرني بحرارة وحزت في نفسي وايد .. وولا مرة عايرته فيه .. وهو اخذ قرض ثاني عشان ياخذ سيارة لان كانت سيارتنا الاولى متهالكة و خربانة .. يعني تخيلو صار الي يبقى لنا من الراتب يمكن فقط 500 رياال !!!! هذي تكفي شنو ولا شنو وقلت لكم من البداية انه زوجي اجتماعي وحبوب ويعرف ناس كثير صار يتسلف من عند اي احد عشان ندبر حالنا وحتى في الاعياد والمناسبات يتسلف عشان اخذ الي ابي وانا اصلا حتى لو شريت اي شي اخذه وقلبي مقبوض و مو مرتاحة و مضايقة .. اخر موقف صادني امس قلت لزوجي ناقصنا اغراض للولد و وداني سوبر ماركت تخيلو حتى ما قال لي تحتاجين شي او تبين شي ناخذ بس الاشياء الضرورية ونطلع ويبين عليه انه مستعجل .. حتى تخيلو قبل فترة سويت رجيم وصار اكلي قليل وقال لي تصدقين انه توفر عنها كمن فلس .. والحين بعد سويت رجيم رغم اني مو سمينة مرة وزني 66 بس عشان ما آكل واوفر على زوجي حتتى امس من الصبح لليل ما كلت شي .. وياريت لو زوجي حنون معاي وطيب و حبوب وتعامله معاي حلو والله كان نسيت هالهموم كلها وعشنا حياه حلوة مع بعض .. بالعكس .. لما يشوفني ابكي على اي سبب يعصب .. لما اشكي له من ولدي اذا تعبني يقولي طفشتيني .. اذا سكت وكتمت ماقدر يعورني قلبي وقلت بتبع اسلوب الكتمان عشان لا اسمع كلمه تغثني بس مو متعودة على هالشي وغصبن عني ابكي وبعد يعصب علي .. اقوله شرايك تدخل داخل مخي و تغيره عشان يصير مثل الي انت تبيه .. كل شي يبيه على كيفة وانا كاني مالي راي .. ولدي كل شي هو يبيه هو الي يسويه .. احسه يعاملني كأني عجوز ما كأني توني 21 سنة .. حتى مرة كنت تعبانة ومضايقة واقوله عن ولدي انه تعبني وجذي تخيلو بدل ما يحضني و يخفف عني عصب وصار بينا كلام حاد وخلاني ابكي اكثر واكثر بطريقة هستيرية وهو شافني بكائي بهالطريقة ولا رحمني وقال اخفف عنها خلني اسكت لا ابدا يكثر علي بالكلام اكثر واكثر لما حسيت نفسي خلاص ابي اموت وارتاح.. اصعب ما على الانسان انه يشكي همه لاقرب الناس له وهو ولا على باله و يطنش ولا يواسي او يخفف الهم.. وايام الاجازة كلها يومين في الاسبوع وهاليومين من الصباح يطلع ويرجع الظهر قلنا صلاة اوكيه انا ما قلت له لا تروح تصلي (يوم الجمعه) بس هو يروح ابعد مكان عنا ويصلي واليوم الثاني للاجازة بعد يطلع من الصبح ويروح مادري وين ما يقول زوجتي اقعد معاها في هاليوم اصلا هو ما يحس فيني ولا يعاملني على اني اهم وحدة في حياته .. ويوم الاجازة الظهر اروح بيت اهلي يجتمعون اهناك كلهم .. واخواني 4 كلهم متزوجين 3 منهم من فترة بسيطة ولا عندهم عيال و 1 عنده ولد بس .. اذا اشوف شلون يعاملون زوجاتهم اضايق وتصيدني حسرة على نفسي .. كل واحد منهم يدلع مرته ويشوفها على قد عمرها (حريمهم الي ما عندهم عيال مثل عمري والي عندها بس ولد اكبر مني ب3 سنين) وعايشين حياتهم بسنهم وكل مرة واحد من اخواني يقول زوجتي توها صغيرة يعني حاسين ان حريمهم صغار ماكو الا انا وزوجي الي يحسسني اني عجوز ولما اقوله فلانة بالجامعه لما درت اني عندي ولد انصدمت وقالت شكلج صغير وتسالني عن عمري واقول لها تنصدم واكثر من مرة يتكرر علي هالموقف اني ينصدمون ان عندي ولد وزوجي لما اقوله يسكت او يقول فيه ناس اصغر منج وعندهم اطفال اوكيه انا ادري بهالشي بس اقوله هالكلام بس عشان اسمع كم كلمة حلوة او مدح وهو اما يسكت اما يجرح مع اني مو غاثته ولما اقوله اقوله بطريقة مزح واضحك مو اقوله هالكلام عشان ابي ابين له اني صغيرة..
اعذروني على الاطالة والكلام الملخبط والحمدلله ارتحت شوي لما فضفضت واتمنى ان البنات الي ما بعدهم تزوجو يستفيدون من سالفتي لما كنت في فترة الملكة واتمنى من المتزوجات انهم ينصحوني و يوجهوني لاني ماعندي احد ينصحني والله تعبت من الهموم والبكاء والحرمان ادري ما بيدكم شي تسوونه لي لان الفقر ما له حل بس ابيكم تواسووني و تعطوني بعض النصايح عن علاقتي بزوجي شلون اقدر اصير اول اهتماماته وشلون اخليه يحس فيني لما اشكيله واذا تضايقت من شي شلون اقدر اكتمه وما اقوله له والله مادري شسوي واسفة مرة ثانية والرجاء انا نفسيتي مرة تعبانة مابي وحدة تجيني تجرح فيني بليييييييز كفاية علي هموم الفقر والحرمان والعيشة الي انا فيها و هموم الجامعه والدراسة وولدي
wardia @wardia
محررة
يلزم عليك تسجيل الدخول أولًا لكتابة تعليق.
الله يعينك والله حاسه فيك
بس حبيبتي ودي أقولك كلمتين حطيها حلق بإذنك ترى الرجال ما يحب المرأه إلي تكثر الشكوى خصوصا إذا كانت من الظروف الماديه هذا أغلب حال رجالنا للأسف واضح إنك تعانيين من ظغوط نفسيه بسبب الحاله الإقتصاديه فحاولي تكثرين من الإستغفار والدعاء وإبعدي عن المقارنات لانها رح تزيد حالتك سوء عيشي حياتك وإصبري وتأكدي إنها في يوم رح تنفرج وإهمال زوجك لك تراه ردت فعل لتشكيك الدائم وتذمرك الله يفرج همك وييسر أمرك ومثل ما قلت لك الإستغفار والدعاء والصدقة لو باليسير والله لها مفعول عجيب وأنا أتكلم عن تجربه
بس حبيبتي ودي أقولك كلمتين حطيها حلق بإذنك ترى الرجال ما يحب المرأه إلي تكثر الشكوى خصوصا إذا كانت من الظروف الماديه هذا أغلب حال رجالنا للأسف واضح إنك تعانيين من ظغوط نفسيه بسبب الحاله الإقتصاديه فحاولي تكثرين من الإستغفار والدعاء وإبعدي عن المقارنات لانها رح تزيد حالتك سوء عيشي حياتك وإصبري وتأكدي إنها في يوم رح تنفرج وإهمال زوجك لك تراه ردت فعل لتشكيك الدائم وتذمرك الله يفرج همك وييسر أمرك ومثل ما قلت لك الإستغفار والدعاء والصدقة لو باليسير والله لها مفعول عجيب وأنا أتكلم عن تجربه
الله يجعله لكي كما تريدي ويجعلك له كما يريد
ويالف بين قلوبكم ويسخره لك بحوله وقوته
ويرزقكم الرزق الحلال يارب
ويالف بين قلوبكم ويسخره لك بحوله وقوته
ويرزقكم الرزق الحلال يارب
بردقوشة@
•
حبيبتى الحمدلله احس سالفة الحمل عدت بخير وموقف وانتهى والحمدلله
برضوا ان زوجك قدر انك حملتى بعضهم اعوذ بالله يطلق
وانا من خلال كلامك احس زوجك جداااا طبيعى وين يقولك كلام غزل وهو مهموم اذا انتى مهتمة عشان الدين
هو مهتم اكثر بس يسوى نفسة عادى ولا الى بوضعة كان من زمان منهار
وللمرة الثانية احمدى ربك زوجك يتسلف عشانك لو واحد ثانى كان قال هذاى ضروفى تحملينها اهلا وسهلا مانتى واقفة معاى هناك بيت اهلى
وانتى كنتى تقولين مايقصر
ثانى شى ابعدى عن المقارناااااات صدقينى بتتعبك طنشى ولا عليك ترا كل الناس عنهم مشاكل بس
مو لازم يبينون
ومن ناحية ام زوجك برضو طبيعى الى سوتة ماسوت شى مزعج وانها ماتهتم فيك
يمكن انتى رسمية معها عشان كذا بس تسال عن ولدها وشى طبيعى ماتهتم فيك او بولدك
لو انك تسولفين معها وتتقهون سوا وبينكم اخذ وعطا كان صرتى غالية واهتمت فيك
بس واضح انك تبين زوجك لك لحالك ههههههه ترا واضح وعادى انا مثلك
شبعد
من ناحية صغيرة طيب عادى لاتستنين مدح عشان كذا زوجك الان مو محتاج تحطيم
يعنى انا صغيرة وحلوة وانت كبير وفقير وماعندك مشاعر
اتركية بهالفترة
وبالنسبة للحرمان اذا لقيتلها حل علمينى خخخخخخخخخخخخخ لان اغلب الشعب نفسهم باشياء مو قادرين يامنونها
وبعدين ماعنك مكافئة ؟
وولدك وين تحطينة لارحتى الجامعة
ونصيحة تمسكى بدرااااااااااااااستك
برضوا ان زوجك قدر انك حملتى بعضهم اعوذ بالله يطلق
وانا من خلال كلامك احس زوجك جداااا طبيعى وين يقولك كلام غزل وهو مهموم اذا انتى مهتمة عشان الدين
هو مهتم اكثر بس يسوى نفسة عادى ولا الى بوضعة كان من زمان منهار
وللمرة الثانية احمدى ربك زوجك يتسلف عشانك لو واحد ثانى كان قال هذاى ضروفى تحملينها اهلا وسهلا مانتى واقفة معاى هناك بيت اهلى
وانتى كنتى تقولين مايقصر
ثانى شى ابعدى عن المقارناااااات صدقينى بتتعبك طنشى ولا عليك ترا كل الناس عنهم مشاكل بس
مو لازم يبينون
ومن ناحية ام زوجك برضو طبيعى الى سوتة ماسوت شى مزعج وانها ماتهتم فيك
يمكن انتى رسمية معها عشان كذا بس تسال عن ولدها وشى طبيعى ماتهتم فيك او بولدك
لو انك تسولفين معها وتتقهون سوا وبينكم اخذ وعطا كان صرتى غالية واهتمت فيك
بس واضح انك تبين زوجك لك لحالك ههههههه ترا واضح وعادى انا مثلك
شبعد
من ناحية صغيرة طيب عادى لاتستنين مدح عشان كذا زوجك الان مو محتاج تحطيم
يعنى انا صغيرة وحلوة وانت كبير وفقير وماعندك مشاعر
اتركية بهالفترة
وبالنسبة للحرمان اذا لقيتلها حل علمينى خخخخخخخخخخخخخ لان اغلب الشعب نفسهم باشياء مو قادرين يامنونها
وبعدين ماعنك مكافئة ؟
وولدك وين تحطينة لارحتى الجامعة
ونصيحة تمسكى بدرااااااااااااااستك
الصفحة الأخيرة
الله يهدي سرك يارب
و يسخر لك زوجك
و يوسعها عليكم و يرزقكم الرزق الحلال
********