آب

الله يذكركم بالخير ذكرتوني


انا تزوجت وزوجي ماشفته ولا اعرف شكله حتى ولا ملكه مع انه كانت فيه شوفه شرعيه بس تعرفون البنت تدخل وهي مدنقه راسها وماتشوفه


دخل عندي بالغرفه قبل مانسافر وهو ساكت وانا ساكته وبيني وبينكم ماكنت خايفه لأنه هو طبعه خجول فارتحت يوم شفته كذا


واول كلمه اذكره قالها ( يازين مشيتك يوم الشوفه الشرعيه كنك الرجل الآلي خخخخخخ < الأخ يبي يستخف دمه يقاله الحين يمون

ابتسمت من غير نفس ومسك يدي وابوي واخوني واعمامي وحريمهم واخواتي والشعب كله يسلم ويودع والحريم يزغرطون والبنات كلهم يبكون

وفي السياره يبي يقولي مبروك قالي مربوك خخخخخخخخخخ عاد هنا ضحكت وهو استحى وكلامه بالسياره قليييل وانا كلامي اكثر منه اذكراني ملييييت


يوم وصلنا للفندق وغسلت مكياجي وعلومي وتروشت وبدلت ملابسي واستشورت شعري وحطيت مكياج خفيف ودخلت عنده وهو شبه نايم لأني جلست اربع ساعات امسح مكياج عرسي حشا قناع


يوم شافني فنق عيونه يقول والله الحين يوم شفتك كني شايف الجنه وربي ماانسى هالجمله كانت احلى واروع شي قاله من هذاك اليوم الى الآن

لأن مكياج العرس مااعجبه ويوم طلعتله بمكياج خفيييف اعجبه شكلي رجاال أذوااق مدري كيف جايه


المهم ذاك الصبح وانا ميته من الجوع وجاب الفطور واقسم بالله هو اللي مستحي وماياكل الا كم لقمه وانا انبطحت فوق الصحون خخخخ لأن اليوم اللي قبله من الشغله والخوف مااكلت شي


بعد الفطور انبسطنا مرررره مع بعض سوالف وضحك ومسخره اللي يشوفنا يقول لهم شهور مع بعض

والحمدلله مرت هذيك الليله على خير




هههههههههههه ههههههههههههههههه

ضحكتيني الله يسعدك

الله يديم المحبه بينكم

ههههههههههههههههههههههه

وينكم يابنات نبغى مواقف بعد

وادعو لي بالزوج الصالح عاجل غير اجل

اما انا صارلي موقف يفششششل سلمكم الله اول اسبوع من عرسي كنا رايحين المطار وكان فيه درج كهربائي وانا بكل ثقققه امشي على الدرج ويوم جيت لااخر درجه وطرااااااااااخ عالارض جلست ومت من الفشيله والاحراج هاذا غير نقابي تغير شكله من الهبده قام عاد هو قالي سمالله عليك والحين لما نتذكر الموقف يقول فشلتينا قدام الناس

سور ي عالتتنيح موقفي المفروض يكون بمواقف محرجه اول سنه زواج لخبطت