قمه :

موضوع جميل ...‏ اكثر ما يحزنك لما يكون اهله واهلك هم عثر في حياتك‏ ‏‏ انا زوجي رجل بمعنى الكلمه اخلاق ودين وعقل لكن ابوه واخوانه جننوه وماوقفو معه بالعرس اخوه ضيع المهر بالاسهم وزوجي مايدري طبعن خواته غير وامه ماقصرو قدمو كل شي يقدرون عليه حتى انهن جلسن على الحديد بعد الزواج ........واخواني ولا واحد فيهم وداني اجهز لعرسي تخيلو تمرمط بسيارات الاجهر والله كنت احس اني وحيده وضعيف لكن اكابر وابتسم وما كان يواسيني الا فرحت امي وخواتي من امي بس كانو حيل اصغار وامي كنت حاسه انها حاسه بهمي وتخبي وطبعن زوجي كنت اكلمه ايام الملكه بس ماشفنا بعض وكان جدا حنون وطيب وهذا اللي ثبتني وجهزة نفسي بنفسي وهو تكفل بنفسه بامور ازواج ولا احد وقف معنا احنا وقفنا مع بعض ولا احد يدري ان جزء من المهر تنازلة عنه وجزء ساعدة فيه ومشينا حياتنا وجهزنا لزواجنا وكانت ايام الملكه نخطط كيف نلقا قاعه مناسبه وكيف نوفر افلوس وهكذا وطبع هذا قربنا من بعض اكثر وشوفو يوم الزواج ارسل لي رساله صباحيه وردة له برساله ورحت للمشغل وانا كل ساعه تمر يدق قلبي ودي اشوفه هذا اللي اكلمه وكيف بنينا وخططنا لهذا اليوم وهو نفس الشي يقول الفرحه كانت باينه علي مع اني دخلت القصر ومافي جيب ريال واحد تخيلو ......طبع حن علي واحد من اخواني واخذني للقصر مع اني رايحه للمشغل مع سيارة اجره اااااااه بس المهم وجلست بغرفه والكل طلع ومابقى معي غير الغاليه والا امي تقول ترا العريس بيدخل ودخل واول ماشفته ابتسمت له وانا اطالعه ووابتسم والا اخوي وراه وانا انزل راسي وجلس جنبي وطلع اخوي وامي والتفت علي وقال مبروك يالغاليه رديت الله يبارك فيك يالله نمشي ونادا امي وقال بنمشي ولبس عباتي وركبنا السياره وانا اطالع اعيون امي واحسها تقولي يالله يبنت افرحي هانت وربي سهلها يابعد روحي هي طبع ما انسا اخته ربي يسعدها دنيا واخره وهي تمشي ورنا وتدعي لنا وكلمتها الله يوفقكم ويسعدكم ........ بعد ماوصلنا الفندق يون بغيت انزل من السيارة صقع راسي بيباب السيارة ومت ضحك على نفسي دخلنا الغرفه وكان مجهزها بترتا وشموع وورد جلست على اول كنب وجلس اقبالي وهومبتسم وانا مبتسمه ويقول اخيرا شفت البنت الوفيه لا وبعد جمال انا اسعد رجل بدنيا وقال تصدقين يوم دخلت وشفت أبتسامتك شوي وطير من السعاده ونسيت كل الأيام العصيبه اللي مرينا فيها وإلى ذا اليوم وهو يذكر الابتسامه ودخلته علي ..وانا طبعن بس ابتسم ورحت وبدلت ودخلت عليه وكان معي دفتر كبير مغلفته عند محل التغليف وحطيت عليه بطاقة زوجنا وكتبت فيه كلمات له و قلت له اكتب وهذا الدفتر بنسجل فيه كل شي حلو بحيتنا طبعن انا كنت احب القراءه وكل شي قراته عن الحياة الزوجيه طبقته ومنه فكرة الدفتر بكتاب رومنسيات زوجيه .......صراحه هذا الدفتر هو اللي ثبتنا بعد الله لان بعد الزواج واجهتنا مشاكل السكن ومرمطت الشقق المفروشه ونقص الماده وتخلي اقرب الناس والحمدلله .......

موضوع جميل ...‏ اكثر ما يحزنك لما يكون اهله واهلك هم عثر في حياتك‏ ‏‏ انا زوجي رجل بمعنى...