قصتي..........!!
عندنا عيب يشوف الرجال خطيبته او زوجتها الا بليلة الزفه

زوجي ولد عمتي(حنا بمدينه كبيره وهو من هجره)
والله ماشفته ولا عمري لمحته
وكان هو موظف بمنطقه ثانيه باحدى الشركات
المهم....
خطبني(ومن يوم الخطبه الى ليلة الزفه 40يوم)تعالو متى الوقت يكفي لتجهيز(والوقت بنص العطله الصيفيه...واو..المشاغل والكوافيرات محجوزات)
تعبت نفسيا وجسديا(ابوي يكره الاسواق......وامي تفكر بتفكير اهل زوجي بان كل شيء جديد وغريب فشله
لازم انسق مابين مشتروياتي)
اهم بطلعت الروح لقيت كوافيره تطلع للهجره
جهز لي بيت(وهذا صار بيتي بعد الزواج)
اما الشرعه فااااااااااااااااااااخ مالقيت ع ذوقي.......لقيت عاديه

المهم..........
جت ليلة الزفه وانا من قبلها بيوم ماقدرت انام(برغم بان هيئتي مع اهلي غير هذا عااااااااادي جدا)

استعديت وكان معي خالتي وامي-الله يرحمها-
اتصل ابوي ع امي وقال مستعدين؟؟
واااااو
ارتجف قلبي
جاء ابوي واخذنا وادخلوني الغرفه وماكان فيها الا زوجي(لان ادخلوه اهله واخوانه وابوه وعيال عمه واخواني...لانهم لازم يتعطرون ويصورون وياه بالفيدو من بداية الليله

جينا ودخلني خالتي وامي ...وقبل دخولي قالت امي مو الحركات البايخه لاتخلوني
قلت لها انتن لاتتعلقن فيني هههههه==>>مسويه فيها استهبال

او مادخلت يمممممممممممممممه
ارتجف قلبي وحسيت الثواني بسنه وانني بحتضر نفسي وانسامي تتقطع
شفت البشت(عباية الرجل)
جلسوني عطرتني خالتي واكثر العطر بعيني هي مرتبكه وانا اكثر
ولما طلعو اكتشفت بان المسكه مقلوبه خخخخخخخخخخ

المعرس: السلام عليكم
العروس(انا):مارديت

قام واتصل ع اخته قال وين القهووووووه؟؟
قام وصلى ركعتين....وانا متنحه
والله طول الوقت احاول اشوفه ...........اااااااااااه عجزت

الله اول مره احس احد بيسوي لي قيمه...قهوه وحلى؟؟؟
جابت اخته كل اللي قال لها وسلمت علي
صب لي فنجان وقدم الحلى وكنت فاطسه من الجوع
بس ماتعشيت(لان من عاداتنا يجيبو العشا لاهل العروس قبل الزفه بساعه عشان العروس تتعشى مع امه واللي بتزفها)
ماشربت القهوه تفاجات بالكاسات والفناجيل تهتز ولها صوت...اثار رجولي تهتز وترتجف من شدة الخوف
والطاوله فوق رجولي

المهم جلس لين الساعه 3
قال ماتبين تنامين؟؟
يايممممممممممممممه بدات دموعي تتسابق
قال خلاص والله ماراح اسوي لك شيء
انا جاعل هذه الليله لتعارف
استانست

قال بطلع غيري ملابسك بسولف معك
واعطاني جوال هديه(مابحياتي صار معي جوال لانه عندنا البنت عيب بتاخذ جوال) وخاتم ذهب==>>وقال بطلع اذ خلصتي دقي علي

وقبل مايطلع اخذ مفتاح الباب==>>حاط بنفسه انني عارف عليكم خخخخخخخ

طلع......!!!
لبست فستان ناعم(مو قميص نوم...استحيت عشان مايفهمني غلط)

اخذت اشوي استعيد توازني...حسيت نفسي مابين الارض والسما(خوف..ورجال ماعمري شفته..والليله ذيك لها رهبه بمعنى الكلمه)

دقيت عليه(والله مستانسه بلجوال خخخخخخخ)

جاء شفته اول مادخل ابتسم وابتسمت
صار يسولف وانا مارديت حسيت الكلمات تحجرت
قال تكلمي لايكون اهلك غشوني(انتي طرماء؟؟؟)
وصار ينكت==>>ماضحكت عليها الا بعد اسبوع توني استوعبها من الحياء

قال بنام لان لي 3ايام ماذقت النوم
راح ونام
وانا ع الكنبه .........اوجعني ظهري
وبعد صلاة الفجر صليت لبست ثوب الصباحيه+الذهب
ومسحت الروميل(الظل حق العيون من موف ووردي الى ذهبي ع بني نفس لون ثوبي)
وحطيت روج بني
صحى ع الساعه7
قال ليش ماصحيتيني ع صلاة الفجر؟؟
صلى وجاب الفطور من عند اخته

الا امي وخالتي جايبن الفطور(كان راي خالتي)
افطر منه جبر لخواطرهم وطلع
دخلو علي==>>لمعلوميه ماكلت الا ربع ربع ربع لقمه من الحياء
جلسو عندي امي وخالتي وجو بقية خالاتي ع الساعه 9
نمت من غير ماحس بنفسي
طلعو عشان مايزعجوني
وصحيت ع الساعه12
كان عندهم غداء(عزومه كبيره)
والليله القادمه هي ليلة الزواج
كل الناس هجو للقصر ومابقى احد عندي

بعد صلاة المغرب جاب لي اخواته الصغار عندي يونسوني لين ينتهي العرس
قمت من الساعه8 لساعة 10وانا بالحمام-اكرمكم الله-
اطلع البنسات واغسل شعري
وهذا غير المكياج كأنني مهرج
وبطلعت الروح خلصت
واستشورت ولبست جلابيه وخليت قميص النوم الكشخه ع طرف
لان اخواته عندي

ع الساعه 11جاء

المهم راحت الايام بس والله مثل العسل....صارت اجمل ايام حياتنا
للمعلوميه/كنت اتخيله مثل خالد عبدالرحمن
طلع عكس ذالك تمام ==>>بس عجبني .>>>>القناعه كنز لايفنى

ههههههههههههههههههه
الله يسعدك اجل الرقبه لها تاثير

موضوع رووووووووووووووووووووووووووووووووووعه0000

والله مت من الضحك كل المواقف حلووووووووووووووووووووووووووووووه0000

خااااايفه مووووت باقي على زواجي شهرين لا شفته ولا كلمته .. أحس كذا أريح لكن أدري ليلة الدخلة بتصير سواااااالف :icon33:

ا
هههههههههه اسلوبك والله رهيب ضحكتيني
من جد احلى
ايااااام العمر ........