المهم تعرفتي على السرميك شو كان ريك فيه حلو وله شلون أمزح معك وأنا يأخت نفسك ماعرفت زوجي إلا في ليلة الدخله رغم إنه من قرايبيني
المهم تعرفتي على السرميك شو كان ريك فيه حلو وله شلون أمزح معك وأنا يأخت نفسك ماعرفت زوجي إلا في...
خشته وشبابه قريب العشر سنوات الحين ولله الحمد
يوم خلصت الثانوية لاهو بالبال ولا في الخاطر يجي حبيبي وابو عيالي يتقدم لأبوي , وعلى فكرة عندي أختين أكبر مني وماكانوا متزوجات أبوي رفض يعطيني له وعرض عليه اخواتي الكبار , لكنه رفض وراح وغاب عن أبوي قريب السنة وانا مااهتميت بالموضوع لأني كنت صغيرة شوي وفي ذاك الوقت خلصت اول سنة جامعة , جوني فيها خطاب كثير كان ابوي يوافق لكن انا كنت أرفض وابوي كان دايما يقولي خلنا نسوي شوفتك يمكن ترتاحين للرجال,
ما اطولها عليكم
رجع حبيبي قبل اسبوعين من الاختبارات النهائية طلبني من ابوي وانا بطبعي مصروعة , المهم ابوي يقولي قومي شوفيه اذا عجبك عطيناك وابوي عطاني توجيه لازم لما ادخل عليهم ابوس راس ابوي قدامه
المهم ياطويلات العمر انا من الصرعة لما دخلت روحت بسرعة وسلمت على راس ابوي وقال لي ابوي يا بنت سلمي على فلان رحت مع زود الصرعة والخرعة حبيت راسه ........خخخخخخخخخخخخ وقسم هذا اللي صار
وعينك ماتشوف الا النور كاككككككككككككككككككككككككك من حبيبي وابوي مع بعض وقاله ابوي قدامي خلاص هي حليلتك ان شاء الله جيب مهرك بكرة والعرس بعد الامتحانات على طول
ويجيك يوم العرس اللي والله ما بدله بكنوز الدنيا كلها , سوينا العرس في عمارة ابوي وخالي عشانها لاصقة ومفتوحة على بعض ,
ويم خلصت المكياج واللبس والزفة وخلاص بيطلعوني السيارة معاه كنت ماكلت طول اليومين اللي فاتوا وابوي حبيب قلبي ماسك ماء مقري عليه في كوب شافني نازلة من الدرج ابركب السيارة الا ويقولي تعالي يا بنت ويمسك الكوب ويحط في يده نص الماء ويمسح على وجهي منه :o خخخخخخخخخخخخخ وكل تعب الساعات والمكياج والحلاوة ,, راحت واصبحت في خبر كان ,,
طلعت مع حبيبي وروحنا لبيتنا ودخلني على البيت ويحاول يقنعني اتفرج على البيت معاه رفضت وقلت ابي ابدل ملابسي وادخل غرفتي واكشف وجهي وهاتك يا صياح كبرت الخشوم وحمرت العيون وحالتي حالة اعطاني وماقصر علي ساعتين لحالي وبعدين دخل علي لقاني كذا وانا بحالتي ويقعد جنبي ويشفيك عسى منتي بمغصوبة متعورة تعبانة خايفة وانا هاتك يا تطنيش مارديت لكن الدموع اربع اربع
ويجيب لي كاسة ماء ومع قرصة الجوع والتعب اللي فيني خذيتها وشربت جزء منها وماصحيت الا ....................................... طلعت كل اللي في بطني على ثوبه :hahaha:
لكن والله والشاهد الله فديت خشته قام يسمي علي وساعدني أغسل وجهي وطلعلي بيجامة وراح طلب من مرة اخوه اللي ساكنة فوقنا تسويلي شي دافي اشربه لأني على قولته كنت مخبولة وخاف علي يلبسني جني
وجاء قعد عندي لين نمت ( يومين ورا بعض )
والحمدلله قد ما افتكر ليلة دخلتي اللي صارت بعد زواجنا بأسبوع ماهي حلوة قد اول ليلة مع بعض
عسى الله لا يحرمني وعياله منه ويديمه فوق روسنا
قولوا اميــــــــــــن يلي تقرا