(الصمت حكمه) :

تولين الله يسعدك

تولين الله يسعدك

منونه114 :

اهلين بنات كيفكم اليوم باسدح لكم قصتي ..وانا طبعا قصتي غييييييير والله ماادري كيف جايه ،، لكن باقول لكم الزبدة وباتكلم من يوم شافني زوجي في الرؤيه الشرعيه .. طبعا هو يقرب لنا ,, وبعد مااتصلت والدته وخطبتني وكان في وقتها متقدم لي واحد ثاني .. لكن سبحان الله قالت امي لا هذول الناس افضلك بنتي .. طبعا انا ارتحت لكلام امي ، وبعد ماسألنا عن الرجال الكل مدح فيه ,, فأنا خلاص قلت موااافقه ،، في يوم الرؤيه الشرعيه دخلت العصير وماادري وش جايني ذاك اليوم صايره جريئه بزيااده .. دخلت وقلت بصوت عااالي السلام عليكم << كأني دااخله على فصل في مدرسه ؛؛هههههه.. طبعا سمعته رد السلام وأجي طااايره وامد له العصيير ..هو يوم شااافني قااام بسرعه واخذ كاسه ( قال اكيد هاذي عندها سالفه )وطالعت فيه ثم على طول عالكرسي اللي بعيد عنه شوي ونزلت رااسي.. واحس بوقتها انه الدنيا تدور فيني ,, طبعا هو على طول قالي : كيف الحال ؟؟ وانا اجاوبه بصوووت عالي ( ماادري وش فيني الظاهر احسبه اصم ) الحمد لله بخير ؛؛ وبعد كذا هو الظاهر ارتاع من صوتي وبعدها سكت وسكت هو .. وقام يطالع فيني بس ويشرب العصير وانا.. دوروني ما تلقوني.. منزله راسي واناظر البلاط ولاول مره خفظت شكله هو وجزمتي .. بعد كذا استنا أخوي يقولي خلاص اطلعي (حشا كل هذايناظر) ويوم قالي ماصدقت وعلى طول عالباب ..وتخيلوا دخلت على اهلي وانا اضحك ماادري هي رهبة الموقف والا ردة فعل مختلفه .. نجي الآن بعد وافق علي وتمت الملكه وجاء يوم الملكه صاار شئ غريب ماتوقعته.. الرجال وانا وياه في المجلس ما كمل ربع سااعه وعلى طول راح.. انا شكيت في السالفه .. قلت افا مايبيني ,, وعطاني جوال وقالي انتي اللي دقي اي وقت انا فاضي ماعندي شئ<< وش هذا انا اللي ادق بعد ..صرت انا الرجال موهو << لكن تبين لي بعد ان الرجال موراعي سوالف وصار ماصر ,, واجي لأول مكالمه اجريها طبعا وين رحت للسطح تخيلوا مكالمه مثل هاذي يبيلها مكان مميز (السطح عااد) واول ماكلمته طبعا قلت لأمي تعالي معي.. وامي واقفه بعيد واول ماكلمته قلت له : هلا والله بصوت عالي وانا اللي كأني اكلم وحده من صديقاتي .. كيف الحال ، والمصيبه الأكبر اني بعد ما طلع يوم الملكه من بكره الصباح ارسلت له رساله كاتبه فيها (احبك حبيبي ,, )وعلى طول جبت له طاري الرساله : هاه وش رايك في الرساله،،طبعا هاذا كله وبأعلى صوت املكه ..حتى ان امي يوم سمعتني تقووول (مغصني بطني من مكالمتك وعلى طول ادور الحمام هههههه / تقول ارتعت كأنك تكلمين واحد تعرفينه :: قلت وش اسوي هو اللي قال كلميني ,,لكن ما دريت ان صوتي عالي لهالدرجه ..... بعد كذا صار بينا زيارات وحسيت انه الوضع تطور شوي لكن مازال بينا رسميات ,, وبقولكم شئ بس لا تقولون لأحد ..صرت أألف اشعار بعد ( ماشاء الله علي صرت شاعره )ومن اشعاري ::بس ترى الحقوق محفوظه احم احم تقول الشاعره منونه .. شلون اوصفلك شعوري يوم دقيت يوم شفت اسمك منور جوالـــــي يوم سمعت صوتك وفي نبرته حسيت باعذب حب واحـــــــــــلى كلامــي احبك عسى رب لي يـــــخلــــيك واشوفك دوم في احســــــن حال هاه وش رايكم << حسيت اني انا الرجال مو هو ؛؛ لكن هو فرح كثير بالرساله وقالي ماتوقعتك شااعره كذا ( قلت ايه من جنبها شاعره .. معلمة لغه عربيه.. ممكن هههههه) وبعد ان اصبحت شاعره لفترة محدوده وبعد الزواج خلاص اعتزلنا الفن (اقصد كتابة الشعر) ولهيت في دراستي وقلت ممكن نرجع للشعرفي الأيام القادمه,, تجربه حلوه .. المهم جاء يوم الزواج وتشوفوني محيوسه ذاك اليوم تخيلوا ترقدت في المستشفى صباح ذالك اليوم .. لكن لا تخافون مو لشئ خطير لأني زرت المستشفى قبل الزواج بيوم لأن عندي كحه .. وقالوا لي انه عندك فقر دم ولازم تترقدين تاخذين ابر مقويه ومغذي بعد .. لكن وقتها دق علي زوجي وقلت اني مرقده هو ارتاع وقال ليييش وش فيك قلت لا تخاف ومثل ما قلت لكم السالفه قبل.... هو سكر ؛؛ وقالي اي شئ يصير بلغيني ,, وحسسني انه خايف علي ذاك اليوم ( الله يخليه لي ) وبعد ماتم الزواج وكان روعه والكل مدح فيه .. رحت مع زوجي للفندق ووصلنا ::دخلت السويت تعشينا وقالي روحي غيري .. انا دخلت الغرفه الثانيه وسكرت الباب وقعدت ساعه احاول افك الفستان وبعد مافكيته ولبست قميص النوم وهو مستعجل برا ., قالي خلاص قلت له ايه .. وانا خااايفه مرره دخل ,, وانا من الخوف قلت له يووه ماغسلت مكياجي بروح اغسله (( اصرف)) رحت وهو قااعد يستناني وزوجي من النوع العجول يبي كل شئ بسرعه .. قالي خلاص مو لازم تغسلينه كله جيت وانا نصف وجههي مغسل والنصف الثاني محيوس ،، طبعا كل هذا خوف منه .. ومرت الليله على خير .... لكن اليوم الثاني ماادري وش اللي جاني .. بعد ماقمت الصباح وانا على السرير حسيت رجولي ماتتحرك صرخت في وجهه وقلت رجولي ما تتحرك ,, تعال مشيني .. ليش ماتتحرك .. طبعا هو خاف وجاء ومسكني وقام يمشيني ,,( كأني بزر يبي يتعلم المشي) وانا اصرخ في وجهه واقول احس ماتتحرك .. قام يمشيني في الشقه كلها وجاب لي تفاحه وقطعها وعطاني آآكل << ماادري هذا دواء ولا وشو ..لين قلت له خلاص وديني الحمام << وحده تطلع حرتها>> وبعد مادخلت الحمام مشيت ..ياسبحان الله ,, تذكرت اللي مع هايدي اللي مشت آخر شئ ؛؛ ههههههه ماادري وش ابي <<<< .. لكن بصرااحه الان الأيام افضل من قبل صار بيني وبين زوجي ميانه ومزح وحب اكثر من اول / وبس الله يسلمكم هاذي هي قصتي يالله وش رايكم فيها ..غرائب وعجائب صح ..هههههههههههههههه/ اتمنى في الأخير تدعون لي بدعوه حلوه طالعه من قلوبكم .. وهاذي دعوتي لكم ... الله يسعد كل زوج وزوجه ويزقهم المحبه الدائمه .. والله يرزق كل بنت بالزوج الصالح اللي يسعدها ,,,,, يااااااااااااااااآآآآآآآآآآآآآآآرب ... ومع السلامه :).........:26:.............:26:..............:26: ا

اهلين بنات كيفكم اليوم باسدح لكم قصتي ..وانا طبعا قصتي غييييييير والله ماادري كيف جايه ،، لكن...

تولين-2012 :

ههههههههه الله يسعدكم جميع شفت مواقفكم حمستوني اني اشاركم بموقفي مواقفي كانت كثيره بس اختصرت لكم كنا صغار يوم الزواج انا 13 وهو 18 بس اللي اذكره فستاني كان كبير وانا صغيره مره والجزمات ماجت مقاسي حشوها بمناديل وهو مشلحه يسحب وخجلان ابوه يمسكه من ايده ابوه من جهه وامي من جهه والناس تناظر من بعيد لسان حالهم يقول وشذا لبزران المعاريس:huh: ظلموهم اهلهم خخخ بس تعقدت معه ذيك الليله هو ماشاء الله ابن مدينه وكلامه غير عني انا قرويه اخاف اتكلم يضحك علي وكان يسولف لي عن مغامراته لارومانسيه ولاشي اصلا انا ماكنت اعرف وش يعني رومنسيه هههه بعدها راح نام قبلي ونمت بعدها هو يلتفت يشوفني نمت وانا نفس الشي اخر شي صكت وجيهنا ببعض تفشلنا وضحكنا نمنا ونحنا متطمنين قمنا الصباح وجابولنا فطور بس ماكلنا قال لي تبغين بطاطس علب حار يم يم وشطه وبيبسي كبير قلت ايه راح جابلي ومدنا سفرتنا وملينا السفره شطه من غير صحون طبعا وشربنا البيبسي وخلينا الفطور على جنب ههههه فطور معاريس باامتياز طاحت الميانه وقال خلينا نلعب واحد طش ههههههه ورحنا لعبنا هههه اسعد ايام حياتي:hearts: وقال بيخلي اخوه يجيبلنا جهازالاتاري ههه ايام الطيبين يعرفونه علشان نلعب وانا مبسوطه فيه ورحنا العصر وتمشينا في قريتنا لان تزوجنا فيها ومارحنا شهر عسل بزران يخافونا علينا نضيع على قولة ابوه وجاب لي عسكريم ياحبي له تعرفون بيتر وهايدي كنا مثلهم بزبط وقريتنا تشبه قريتهم لبى الجنوب ومن سكنا فيها ورجعنا البيت اخر وناسه الا اهله واهلي عند الباب وبيديني الاسكريم يسيح علي وكاشفه وجهي لاني توني متغطيه مابعد تعودت عليه منظر كامل من البراءه عرفو ان ماصار شي وانا في قلبي انه مستحيل يسوي شي لاني انا وياه صرنا اصحاب ونلعب سوا بس اخذوه في غرفه اهله واهلي بغرفه وصارت المحاضرات وخلاص مافي لعب عيال صرنا كبار والناس راح تتكلم علينا:mad2: وراحو وتتقفل الابواب... وقال لي غيري ثيابك وانا اقول في نفسي من هذا وغيرت بسرعه وصار اللي صار :09: الله يسامحهم اهلنا كان خلونا نستمتع ببرائتنا وبعدها يجي كل شي بتدريج بس للامانه كان زوجي مره حنون الله يخليه لي كبرنا سوا وتحملنا المسئوليه سوا وكبرنا عيالنا سوا الله لايحرمني منه هو الى اللحين مانسى ذيك الايام اذا تزاعلنا قال تبين نلعب واحد طش ههههههه ونلعب واحد طش مع عيالنا ونفطر بعض الاحيان سندوشتات بطاطس علب وشطه عسى ربي يحفظهم لي ويصلح لنا ولكم الذريه

ههههههههه الله يسعدكم جميع شفت مواقفكم حمستوني اني اشاركم بموقفي مواقفي كانت كثيره بس اختصرت...