ذكرى الاطلال :

اما انا كان زواجي قبل 4 سنوات وكانت دخلتي في بيتي حطينا الكوشه جبنا المصورة هناك المهم يوم جاء وقت الخله كانت مرتسمه على وجهي ابتسامه عريييييييييييضه ويوم شفته تبدل حالي من الارتباك المهم الرجال جلس جنبي وقعد يسولف معي وانا معطيته جنبي استغربت كيف يسولف معي وهو اخر مره تهاوش معي على التليفون وسكره في وجهي دامت مكالماتنا بس شهرين بدون ماشوفه اويشوفني بعدها انقطعنا 6 شهور ثم تزوجنا المهم قلت ياربي انا للحين زعلانه وهو داخل جو ويثرثر لا عاد من زين الرومنسيه يسالني وش رايك في البيت تراه كله ذوقي.. ادوخني بالبيت واخواته واخواتي على بالهم يقوللي كلام حب مادروا عن سوالفه المهم ونقوم ونقطع الكيكه ويعطيني صحن وانا كني هبله اخذت الصحن ورجعت وعطيته اياه قلت يابنت انتي مستحيه وزعلانه ليش تاخذين منه الصحن ويعطيني كاس عصير واخذة واحطه على الطاوله ماادري وش صابني ذاك اليوم المهم ونروح للفندق طبعا غيرت فستاني في البيت ولبست تنورة قصيرة ويوم وصلنا هناك قال وش تبين عشاء قلت ماابي عشاء ابي شاهي شوفوا الهبال مير لو اني قايله ابي عصير يمكن اهون قال في عروس ليلة عرسها تشرب شاهي قلت ايه انا وطلب لي شاهي وقمت واخذت المكسرات من الثلاجه وتكيت وقعدت اشرب من هالشاهي واكل من هالمكسرات الرجال طفش مني عاد هو سبحان الله مايعرف كلا م حب ورمانسيه قال متى بتنامين انا انقهرت قلت اذا جاني النوم وقعد يقلب في القنوات ينتظر النوم يجيني اختكم في الله مطوله قال ماتبين تغيرين قلت مرتاحه كذا سكت ..ياخي قول كلمه سنعه زي الاوادم.. المهم جلست من الساعه 12 لييييييييين اذن الفجر وقمت وتوضيت وصليت ورجعت لوضعي والرجال راح وجلس على السرير ويقلب في جواله طفشته .. المهم قال بعد من واحد لين 10 اذا ماغيرتي بنام قلت الحين لو قمت وغيرت بيقول هذي ميته علي قلت يابنت اثقلي عيب.. بعدين قلتله ابي فطور قال الحين تبين تاكلين قلت ايه جوعانه ماتعشيت المهم افطرنا ولطعته لين الساعه 8 بطيت كبدة وهو بعد بط كبدي انتظر منه كلمه حلوة مافي امل قلت في نفسي يلا بروح اغير واسلم امري لله هذ وتمت بحمد الله بس يوم اذكر نفسي كنت اقول وش هالغباء اللي اكتسحني وهو بعد وش هالبرود اللي فيه ..اخيرآ عذرآ على الاطاله.

اما انا كان زواجي قبل 4 سنوات وكانت دخلتي في بيتي حطينا الكوشه جبنا المصورة هناك المهم يوم جاء...