الله يوووفقها

الف الف مبروك
اولا الذهب خليها تشتري بعشرين الف على الاقل
سلاسل وقلوب وخواتم وحلق واساوار ناعمه الزبده ان يكون عندها مجموعه.
بالنسبه للملابس حاولي ماتشتري بأكثر من خمس الالف بتكفي وبتخب اذا اشترت من التخفيضات
ولا تكثر لان بتمل منهم بسرعه خليها تشتري من كل صنف خمس حبات يعني ملابس نوم بجايم
تنانير وبلايز وبنطلونات وتشتري اربع فساتين سهره وادوات زينه واستشوار وهالخربطه
مابتكلفها اكثر من خمسه لو اختارت بشكل ذكي وباقي الفلوس تبقى بحسابها في البنك
لان الخلاجين مامنها فايده

ياحبيلكم تسلمون ابي بعد

شوفي حبيبتي بنتك خذيلها قمصان نوم اثنين او ثلاثه نعومي ولاسنزا والباقي خذي رخيص من الهرم او اي مكان المكياج يكفيها تقريبا الف ريال تقريبا كحل سايل احسن شي كحل محمود سعيد ورخيص والمسكره خذي وحده لونه بنفسجي مره حلوه قيمتها خمسين ريال اضن انها من مبيلين وشوفي بنتك وش تحب الوان الارواج واخذيلها ثلاث او اربع ارواج من الغالي تقريبا سعرها الزين من ثمانين ريال وطالع والباقي خذي رخيص ومو لازم تكثرين البنات يحبون المكياج الناعم وخذي لها كريم اساس من الغالي واحد بس وبوده واحمر خدود من الغالي والاصلي والعطور يكفيها تقريبا الفين نفس الشي خذي لها عطرين حلوه من الغالي يمكن توصل اربع ميه. وفوق وخذي لها عطور جسم وبودره ريحتها حلوه ورخيص الشنط خذيلها ثلاث او اربع من الزينات وفيه تقليد ماركه قيمتها من ٣٠٠ ريال فوق خذيلها لبس بيت وكثري منها وبجامات حلوه شي من الغالي وشي من الرخيص وفساتين الطلعات والعزايم يكفيها تقريبا خمسه ستها ما بين غالي ورخيص والجزم خذيلها من الكعوب للعزايم والفلات للتماشي اشتريلها استشوار قيمته بميه وسبعين واكسسوارات تكفيها خمس ميه ريال وحق الزواج يكفيها الفستان خذي اجار وفيه فساتين حلوه بجده قيمتها ٢٥٠٠ ريال الي يشوفها يقول ان الفستان يسوى خمسه الاف والفين كوفيره والذهب خذيلها شي ناعم بخمس طعش الف

انصحك نصيحه لا تخمين لبنتك، كل شي من الرخيس تراها بتحز بنفسها وراح تشوف نفسها قليله قدام الناس خذيلها من الغالي حتى لو قليل ولا تاخذين كل شي رخيس ومخيس

مبرووك والله يتمم لها على خير


اشتري لها ذهب بـ 20 الف

بس لازم تخلي جزء من المهر مرفوع بحدود خمسه او عشره
ماتعرفي وش ممكن يصير بأخر لحظه


ولا تنسي قبل لاتروح بيت زوجها حطي لها ألف ريال بشنطتها
كثير عرايس يروحون بدون فلوس والعروسه تكون مستحيه ولاتعرف تطلب بريال بيبسي حتى



موووفقين