جزاكم الله الفففففففف خير

السلام عليكم

جزاكم الله الف خير كل البنات اللي ردوا على موضوعي واللي وقفوا معاي واللي ارسلوا لي على الخاص بخصوص موضوعي مع زوجي هذا

http://forum.hawaaworld.com/showthread.php?t=1378517

واسفه اني ما رديت عليكم لأني طلعت من البيت ورحت اهلي وهم ما عندهم نت

والله يا بنات عاااااااااانيت كثييييييييييير كأني على راسهم بس الشكوى لله مر اهلي ولا مر هالانسان

والله ان ابوي كلما شافني يزوي خشته كأنه يطعني بسكين واجي ابوس راسه كل يوم واقول له الله يخليك لي ولا يرد مررررره متضايق من وضعي

والعيااااااااااااااااااااااااااال اااااااااااااااااااااااااااااه قاطعين قلبي كل ليله اصيح ( الحين ابكي وانا اكتب ) خصوصا الصغيره ما شفتهم من يوم ما طلعت لي الحين شهر و 27 يوم بالضبط ما شفتهم .. كانوا كل يوم يكلمون يقولون ماما وينك يقطعون قلبي بسسس ماش كل ما تذكرت سوايا ابوهم انقههههههههر
والحين ما صاروا يكلمون من بدأت الدراسه مدري وش صار عليهم الكبير رايح ثالث ابتدائي يا قلبي كانت تدرسه معلمه الحين راح لقسم الرجال مدري وش صار عليه يا قلبي ووليدي حساااااس يا عمري وقلبي وروحي دايم ياكل اظافره ما يبي احد يهوشه او يقول له شي والاوسط ذابحني فاقدته بس ما خفت عليه كثير لأنه ولد ابوه يحب ابوه كثير وشخصيته قويه ياخذ حقه .. ادق على البيت ما يردون .. اخر مره كلموني بالعيد وبس :44:

بصراحه يضيق صدري اذا شفت اهلي في البيت عايشين حياااااااتهم طبيعي ولا كاني موجوده خصوصا امي ما فكرت في حرقتي على عيالي مع انها أم .. محد فكر فيني ولا بمشكلتي ولا احد حاول يساعدني كل اللي اشوفه منهم يرمون علي كلام وبس

وهو من تركت البيت ما اتصل ولا قال وينها كأنها قطوه اللي طالعه من البيت مو زوجته للي صبرت عليه وجابت له ثلاثه حسبي الله عليه الله يوريني فيه يووووووووم الله يحشره مع هيفا وهبي وغيرها هاللي يموت فيهم

قلت لأبوي يكلمه يقول له يجيب لي العيال اشوفهم وما رضى ابوي يقول ما ارمي وجهي عنده تبينهم روحي لمهم

حالتي مرررره صعبه قالت بنت خالتي اذا طلقك نجيب منه العيال غصبن عنه خصوصا الصغيره لانها بحضانتي بس هو لا حس ولا خبر


بس ابشركم لقيت وظيفه في مدرسه خاصه الحين 3 اسابيع صحيح على قد حالها لكن احسن من ولا شي على الاقل آخذ راتب اصرف على نفسي وسدد ديوني متسلفه من اخوي عشان اجيب لاب توب ونت
وتعرفت على وحده بالمدرسه حبوبه تسليني شوي
بس يقطعون قلبي ذالاطفال اللي بالمدرسه يذكروني بعيالي بحركاتهم وكلامهم


ادعوا لي يا بنات الله يوفقكم