جزاكم الله خير ساعدوني

رفع

رمضان كريم كل عام وانتي بخير


احلى شوربه العدس وربي تجنن وسهله
خوذي العدس واعسليه ونظفيه وقطعي بصل وطمام وشوي بهارات وصلصه طماط وحطي قطع بطاطس صغيره وصبي عليها مويه حاره وكبي العدس شوي وتطلع روعه لاهي خفيفه ولا هي ثقيله مقدارس كاس ونص العدس بالقدر الوسط


صينية خضار قطعي خضار كوسه باذنجان بطاطس جزر واقليها وحطي فوقها اذا بغيتي لحمه مفرومه او دجاج مسلوق مقطع محموس ببهارات وبصل وحطي فوقهن خلطة جبن وقشطة وشوي موزاريلا


والافضل من رايي تحطين شوربه وطبق رئيسي رز ودجاج او لحم وكريمه وحلا الزبادي سهل بس هذا يكفي لانك حامل حرام التعب والله
طبعا شكلي بالسمبوسه شي جبن وشي خضار بالفلفل وشي دجاج مفروم وكل حشوات ذي سهله

الحين كنت ادور على طبخات جديدة لكي نغير الروتين
ولقيت هذا فيس بوك للاكلات الرمضانية وقاعدة انسخ وقريت موضوعك ممكن
ينفعك ان شاء الله واي شي لم تفهميه اكتبي في قوقل يعطيك اي بهارات او شيء ثاني بلهجتكم ان شاء الله
https://ar-ar.facebook.com/rawnakjanoub
تقدرين تدخلين بدون تسجيل انا داخلة بدون تسجيل
وفقك الله لما يحب ويرضى

الشوربه اللي ماحد ينتقدها هي العدس

طريقتي كل المكونات بالقدر على نار متوسطه لغاية ماتنضج وتطلع لذيذة جداً ماكأنها عدس ومويه

2 كوب عدس اصفر + 1 بطاطس صغير مقطع مكعبات + 2 جزر مقطع مكعبات + 1 بصله كبيره مفرومه + قبضة اليد او نص كوب كزبره مع الساق او العود كامل مقطع + نص ملعقه متوسطه كمون وكركم وثوم بودره او فص ثوم مفروم ورشة فلفل او بهار مشكل وشوي زنجبيل بودره + ماء يغطي العدس واتركيه 15 إلى 30 دقيقه على النار .

واذا نضج اطحنيه واذا احتاج ماء اثناء السلق زيدي عليه .




اقترح تعملين صينية توست بالدجاج او اللحم المفروم او اللبنه والزعتر كلها سهله ولذيذه

قصي اطراف التوست ورصيه بصينية فرن يفضل شكل مستطيل او مربع واسعه مدهونه بزيت خفيف

ادهني التوست بجبن خفيف او جبن سايل مخفوق مع قشطه ومايونيز حسب رغبتك

ثم حطي الحشوه اللي تعجبك مثل دجاج مقطع صغير مشوح على النار بزيت وبصل وجزر مبشور ومتبل بالبهارات حسب ذوقك

او لحم مفروم مطبوخ واضيفي له اما جزر مبشور او بازيلا او بطاطس مسلوق حسب ذوقك

وزعي الحشوه فوق التوست كامل ثم ادهني طبقه ثانيه توست ورصيها فوق الحشوه ثم ادهني وجه التوست بباقي خلطة الجبن والقشطه ودخلي الصينيه الفرن 10 دقايق تاخذ لون .

وتقدرين تلفين التوست بالحشوه كشكل رول وترصينه بصينيه الفرن ثم تدهنينه بخلطة الجبن والقشطه وتدخلينه الفرن .

ومثل الاخت غروب الذكرى تقدرين تقلين خضار بطاطس كوسا باذنجان لكن تقدمينا كطبق بارد وتضيفين لها خبز مقطع مربعات صغير ومحمص بالفرن وعلى ذوقك طماطم وخيار وفلفل بارد ملون وزيتون

وتعملين معه صوص طحينه سايله مع ليمون وملح وفلفل اسود خفيف واخفقيه وصبيه فوقه وتقدرين تضيفين شوي زبادي للصوص حسب ذوقك .




وفي طريقة عجة مذاقها قريب للمطبق

نص كوب طحين + ملعقه صغيره بيكنج باودر + ملح وفلفل اسود + ماء للخفق لغاية مايصير ثخين مثل كثافة خليط الكيك او اللقيمات

ثم اضيفي له 4 بيضات واخفقي من جديد

قطعي بقدونس نص كوب + 2 بصل اخضر مقطع وهو سر النكهه + 1 طماطم صغير مقطع واضيفيهم لخليط الطحين مع رشة ملح

جيبي مقلايه واسعه او صينية تنفع تدخل الفرن واضيفي لها زيت مقدار 3 ملاعق كبيره او حسب الحاجه وحطيه على نار متوسطه وصبي فوقه الخليط بحيث يكون المكونات متوزعه بالمقلايه اتركيه نص دقيقه ثم دخليه الفرن يتحمر ويتماسك من فوق ثم قطعيه مربعات او مثلثات وقدميه .

تقدرين تضيفين للخليط شوي قليل جداً لحم مفروم مطبوخ ببصل وبهارات قبل تصبينه بالمقلايه يعني حسب ذوقك .




الحلا اقترح بسبوسه لكن اضيفي ملعقتين كبار بودرة الكاكاو اثناء الخلط وملعقه صغيره جداً نسكافيه واذا نضجت طلعيها من الفرن وصبي فوقها حليب نستله المحلى .