جزا اللة الف خير ولها منى دعاء من يريحنى

اعملي حمام كريم لشعرك وحطي على حمام الكريم نخااااااااع
وكمان اعصري جرجير وضعيه على سعرك ينبت الشعر ويخليه حلو

جزاكى اللة خير

حبيبتي .. ليه العذاب وليه الهم ..اسمعيني بس شوي وبإذن الله راح ترتاحين نفسيا وبعدها دايركت جسديا..

اولا :اصبري ..(الصبر مفتاح الفرج) وكمان في مامعنى الحديث (عجبا لأمر المؤمن كله خير ان أصابته ضراء صبر وان اصابته سراء شكر) واحنا عارفين اجر الصبر ايش وفيه باب من ابواب الجنة يدخل منه الصابرين فقط!واذا أحب الله قوما ابتلاهم وكان اكثر الناس ابتلاء هم الأنبياء ..وهذا ممكن يكون اختبار من رب العالمين عشان ربنا يحبك ويشوف مدى صبرك!

واحتسبي كل شعرة تسقط عند الله وادعي ربي انه يبدلك اياها حسنات ويمحي فيها عنك سيئات (ان شاالله تكون تمحيص ذنوب)...

ولاتتذمري خليك راضية بأمر الله وقولي دايما اللهم اجرني في مصيبتي واخلفني خيرا منها ودايما استغفري ولو بعد كل صلاه 200 مرة والله يمر الوقت بسرعة وماراح تحسي فيه لاتستثقليها ..قال تعالى (وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا) وصلي دايما على الرسول صلى الله عليه وسلم ولو 10 مرات صباحا وعشر مرات مساء ومن صلى على الرسول صلى الله عليه وسلم كفاه الله ماأهمه ..ومامن مسلم تشتاكه شوكه اويصيبه هم الا مسح الله بها عنه خطيئة وابدلها به حسنة واحمدي الله على كل حال ... وجددي نيتك واخلصي فيها... ولا تستعجلي النتيجة ولا تفكري فيها ..سيبيها على ربك ..وشوفي كيف ربنا راح يعوضك وتقولي فواااحة قالت !!

هذا غير عن الأجر اللي راح تلاقينه في موازيينك يوم القيامة... وهذا الشي مو للشعر وبس صدقيني كل ضيقة انتي فيها بتنفرج وتتسهل أمورك وربي راح يرزقك باللي تبغينه من حيث لاتحتسبي وتحسي ان الدنيا راح تضحكلك..

وبس انتبهي (والله لايحب كل مختال فخور )(ولاتمشي في الأرض مرحا)... راح تحسي براحة نفسية عجيبة وهذي الخطوة الأولى في العلاج.

ثانيا:: (العين حق)يعني انتبهي على اذكار الصباح والمساء لاتفوتينها ابدا مهما كانت ظروفك !
أنا ماأبغاك تخافين ولا تشكي في أحد حتى سبحان الله (مايحسد المال الا صحابه)!!!!!
ياما ناس حسدوا أنفسهم من غير ما يحسوا وياما ناس مرضوا بالعين من انفسهم ومن أقرب الناس لهم وبقولك على قصة صارت لأختي : أختي ماشاء الله شعرها مرررة كثيف بس قصير ومموج ولونه بني محمر وباااهت وملياان قشرة ومهما سوت فيه عشان ينعم يزيد في تموجه شكله يعاندها خخخخ.. كانت شغالتنا (من يوم ماعرفت نفسي الا وهي عندنا بس تسافر كل 3 او 4 سنوات عند أهلها كم شهر وترجع ..قولو ماشاالله..حتى صارت وحدة مننا وفينا واتعودنا عليها ونحبها كمان) هي اللي تمشط لأختي شعرها ولاحظنا فترة اختي شعرها مرررة يتساقط بشكل فظيع
وقعدت فترة حتى لدرجة اختي بس تحك شعرها يطلع منه شعررر متساقط كنها لها سنه مامشطته ..أمي خافت عليها وانا قلت ..لاتكون عين بس على ايه لأنو كان اصلا شعرها مرررة معدوم ..مدري كيف جات لأمي هذي الفكرة قالتلي عليها قلت واااو معقولة تشكين فيها قالت هي الوحيدة اللي تمسك شعر بنتي قلت لها معارضة ما أصدق قالت احساس الأم مايخيب المهم من غير ماتدري امي جابت مويا كانت شغالتنا شاربه منها من غير ماتدري ورشت شعر أختي فيها ..والله هي خلصت من هنا التساقط توقف من هنا انا وقتها حتى خفت من نفسي صرت اقول على كل شي ماشا الله قبل لاأقول الكلمة واختي الثانية قالت انا مرة سمعتها تقول شعرأختك لما أمسكة ماتلحقة ايديني اتعب منه مررة .. هي قالتها بحسن نيه كانت بس تهرج مع اختي حتى اختي علقت عليها وقالتلها والله شكله انتي اللي كبرتي وتعبت وجلسوا يضحكو)
من دي الديباجة حبيت بس اوصلك انو ممكن اي كلمة تنقال من اي احد او حتى من نفسك وماتقصديها حتى على شي حتى مولداك القد ممكن تصيبه فعشان كده لازمي الأذكار وقولي ماشالله على اي حاجة وعالجي شعرك بالمويا المقري عليها (وماء زمزم لما شرب له )حتى واحد شفي من الإيدز بس بشربه من مويا زمزم بس تكون النيه لله وشكلة كان صادق في توبته وربي قبلها منه .. وعودي اللي حواليك انهم يقولوا ماشاء الله دايما وبإذن الله ماراح يصيرلك شي وسورة البقرة اقرئيها يوميا او شغليها في المسجل او اذاعة القران يوميا في البيت(لا تستطيعها البطله)يعني السحرة واضمن لك بإذن الله انو ماراح يصيرلك شي..
(ماأصابك لم يكن ليخطئك وما اخطاك لم يكن ليصيبك )(قل لن يصيبنا الا ماكتب الله لنا )وحطي في بالك (ولا تلقو بأيديكم الى التهلكة) يعني اتوكلي على الله وخدي بالأسباب والله معاك ..

ثالثا:: دوري على الأسباب (نظام اكلك ..مستوى الحديد عندك ..الوراثة )لهم دور اساسي في تساقط الشعر ..والحديد اهم عامل من عوامل نمو الشعر وكثري اكل الجرجير (لوتعلم المرأة مافي الجرجير لزرعته تحت السرير)!!!ينمي الشعر بشكل ملحوظ..

رابعا:: العنايه ..انا ما حتفلسف عليك (كفاية اللي في البداية خخخخ)
انا عن نفسي ماستخدم لشعري زيوووت وخلطااااات وووو ..
الحمد لله انا بطبيعته ناعم خفيف طويل وباهت بس استعملت زيت سوته امي نفعني بس ماستعمله بانتظام بس لما تطق في راسي اقوم وادهن شعري فيه ..(مهمله بشككككل)
(زيت اللوز الحلو+زيت العربي مدري عافيه (اتأكد من ماما وارد عليك بس دحين هي نايمة!! +زيت السمسم+زيت الخروع+قرفة مطحونه بمقادير متساويه وتحطيها في قدر على النار وتخلطيها لحد ماتسخن شوووويه بس وبعدين حطيها في قارورة وتقعد معاك سنه بحالها!!
الطريقة في البداية لمدة 7 ايام تدهني شعرك لما تصحي مثلا من جذوره لأطرافة وخليك كريمة مع شعرك ووكويس لو حبات القرفة كثرت عند الجذور ولا تجلسي فيه اقل من 4 ساعات ليك من 4 حتى 12 ساعة براحتك واغسليها وبعد كدة مرتين في الأسبوع وبعد كدة مرة في الأسبوع انا النتايج طلعت بعد الأ سبوع الأولاني ..اتغمق لون شعري وصار يلمع وصار قوي
حتىالكل يسألني صبغت شعرك ؟؟؟ واول ما اتغريت بنفسي سبته اللون خف شوي
بس في الطول تمام (يعني لاتسيبينه)والشامبو ماهي معضلة بالنسبة لي اللي الاقيه اغسل فيه عشان كنت اتنقل من مدينه لمدينه فالمويا تلعب في شعري والجو كمان واحاول اختار الشامبو اللي يناسب ..المهم وعشان شعري يصيري قوي عشان شعري زي ماتقول ماما ماشا الله (تفتكري)كانه شعر بسه !! فصرت اطحن المر الحجري(زي لبان المستكة بس لونه اغمق) واصب عليه مويا حارة واسيبها تتنقع 4 ايام وبعدين احطها في شعري يوم كامل كل اسبوع او اسبوعين والله من اول حطتين الكل يقول لأمي شعر بنتك صار حلووو
انا لاحظت انو الشعرة صارت شعرة زي العالم والناس.. الإستشوار ما يعرفلي طريق إلا في زواجات قرايبي بسسس(بس صدقيني احس شعري يتقطع ويتقصف منه)

انا عادة لما اغسل شعري اسيبه ماانشفه اخليه يجف طبيعي من نفسه وبعدين امشطة وتعالي شوفي (ماشاء الله)ولا محترفة في الإستشوار..!! مدري يمكن عشان طبيعة شعري
بس معروف الإستشوار يأذي الشعر ومن اسباب تساقطه وكمان خطا ننشف الشعر بالمنشفة نسيبه على راحته وكمان عودي نفسك يوميا لمدة خمس او عشر دقايق دلكي فروة راسك بأطراف اصابعك ورجعي راسك لورا وسبي شعرك مفتوح عشان يتهوا وينزل الدم ليه عشان يتغذا واسترخي!!علشان ينتعش..

خامسا واخير اوليس آخرا :: اسفة على البربرة دي (ترا انا معروفة اني رغاااايه خخخخ)
بس والله حسيت فيك وماحب اشوف احد متضايق ولا اساعده وبصراحة دا الي اقدر عليه واي استفسار انا حاضرة بس عياداات في جدة مااعرف بس سمعت وحدة راحت مستشفى بخش مدري فقيه قعدت تتردد سته شهور على اخصائيه تتجهز لفرحها رجعت غير شكل (المشكلة لقطت الهرجة من اخت البنت وهدولا الاقيهم صدفة..اتصلي بالمستشفى واسألي وشوفيها يمكن تفيدك)

لو خايفة من طريقتي مع شعري او ماتناسبك خلاص دوري اللي يناسبك و اعتقد الأشياء(الروحانيه) اللي قبلها راح تساعدك اكيد وبقدرة قادر مابين غمضة عين وانتباهتها يغير الله من حال الى حال وفوق دا كله احسني الظن بالله ودعواتك لي بظهر الغيب..

انتبهي على حالك ..وبشريني....والله الدنيا ماتسوى ..

حبيبتي سوي تحاليل وفحوصات الاول عشان تشوفي اذا في خلل او نقص في اي فيتامين او هرمون و تعوضية بالفيتامينات اللازمة
و اقري علي نفسك لا تكون عين
و ربنا يعوضك خير و يكثف شعرك و تفرحي بيه

السلام عليكم ورحمة الله وبركاته

UP