جزمة بناتي ماركة مس سيكستي جديده وبسعر لؤطة

ساحة المستعمل و المزاد

الله حيهم


أخباركم ؟ بما إن السوق حومة تسبد قررت أطلب أونلاين خلاقين وأشياء وطلبت الحمد الله وكلش تمام لكن قدّر الله علي وطلبت شوز لبنتي أكبر من مقاسها بنمرتين:/
وتوهقت به وبرجع أطلب ثاني نفس مقاسها وقمة الغباء شوزين نفس اللون والموديل وفرق المقاس

طيب وش المطلوب؟

المطلوب بوريكم الشوز لو عجب وحده منكم وتحسه بيفك أزمه وبيريحها من الدوران والفرفره تشتريه مني وببيعه بنفس سعره اللي كلفني إياه

تعالو شوفو معي




مثل ماهو واضح قلادييتر ستايل ولونه بلاتينيوم ,
الصندل وصلني وعلى الطبيعه أحلى من الصوره لذلك قررت أطلبه مره ثانيه وخصوصا إنه يناسب لبس كثير لبنتي بما إن أغلب لبسها سبور شيك ,, مره بيفك أزمه بالنسبه لي
وهالمره بإذن واحد أحد بأركز عيوني وماأخلي الحول يسيطر وأختار المقاس الصح

مقاس الشوز 11 يو كي
ويوافق 29
واللي تبغى تعرف بالسم كم طوله بالظبط تسألني
أرضيته مخمل وجلده رطب ينلم في اليد والشفايف اللي على الأصبع الدوبي فضي وإسم البراند فضي مكبوس كنه بروش صغيرون على جمب وأبد مهوب يتلامع ولا يرهش مره مطفي
الشفايف وإسم البراند بارزه شوي



مثل ماهو واضح الشوز من مس سيكستي
سعره 170 ريال

طبعا عليه سيل عنيف

جديد أبد ماأنلبس ولا طلعته من كرتونه إلا عشان أصورة لإنه من قبل لا يوصل وأنا داريه إنه كبير بس عاد الحول الله يعافيني ولايبلاكم
وتنويه فقط الكرتون منشق شوي من الزاويه من يوم جاني من بريطانيا , يعني مع حوسة الشحن أتوقع

وهذي صورة من تصويري الحواق





وفقط لأهل الرياض والتسليم بيكون يد بيد
19
2K

يلزم عليك تسجيل الدخول أولًا لكتابة تعليق.

تسجيل دخول

مهـــــــــابة
حلو مره ماشاء لله
انا بنتي تلبس 31
مدري ممكن يجي مقاسها
ولا لا ؟
كرستااااله
كرستااااله
رووعه

بالتووفيق
شجرة مورقة
شجرة مورقة
موفقة
الوجد
الوجد
موفقه
مدام كراث
مدام كراث
حلو مره ماشاء لله انا بنتي تلبس 31 مدري ممكن يجي مقاسها ولا لا ؟
حلو مره ماشاء لله انا بنتي تلبس 31 مدري ممكن يجي مقاسها ولا لا ؟


والله ياعمري ماأدري
لكن أنا قسته لك بالسم وطلع طوله 19 سم وكم شرطه


باقي البنات منّورين الله يجزاكم خير