السلام عليكم ورحمة الله
كيفكم يابنات ويا امهات ..
بالبداية اطلب من المشرفات يخلون الموضوع بهالقسم لانه اسري ومليان مشاكل الله يفرجها عليكم يارب
سالفتي هالمره .....مرة ....( بضم الميم )...
مشاكل وضيق .. وتوتر وقلق .. ام تضرب عيالها .. وزوج لادخل بيته حس بقبضة ..وكتمه ..
وزوجة ملت وهي ترسم الوان الفرح على وجهها وملابسها .. عشان كلمة ولا نظرة .. تروي ارضها الجردا ...
عدد المحرومين من الذرية اكثر من اللي خلفو ...
زحمة ومشغولين وحالتنا مقلوبة ..
لاجيران نزور .. ولا اسبوعية ولا شهرية ..
وانا معكم في كل اللي فات .. لكن فيه شي لاحظته كثير واتمنى تعطوني رايكم ...
محد صار يساعد احد ....ماتلاحظون ...
المساعده مافيه ...واقصد طبعا المساعده المادية ..
يجي رجال بكل هيبته يقول والله مكروب والله انا في كرب .. تكفى .....
وش يكون الرد
..ليش ؟
ليش دخل جميعة؟
ليش دخل نفسه في قروض ؟
ياخي انت غلطت مفروض انك تسوي وتسوي ؟
الرجال الان في كرب وهو غلطان وستين غلطان ... بس هو الان في كرب ...
طيب ... نجي من جهه ثانية ؟
قال صلى الله عليه وسلم
الله في عون العبد مادام العبد في عون أخيه ومن فرج عن مسلم كربه من كرب الدنيا)
(فرج الله عنه كربة من كرب يوم القيامة ومن يسر عن معسر يسر الله عليه
يعني الله سبحانه وتعالى جعلنا لبعض سخريا
سنة الحياة ان يمر الانسان بكرب ومصائب وحاجات
ارسله الله اليك ليفرج عليك كربه من كرب القيامة وييسر لك كل معسر
مو عشان تقول هو اللي جنى على نفسه
ولا ياخذ قروض وانا اتورط ..
ولا عشان نقول ياسلام في كل مناسبة كاشخة ومتأنقة والحين تبي سلف وتقول الحقيني
ماجاتك ولا طلبتك الا بعد ما انكسرت
ونقول يارب يسر وحنا معسرين على بعض
والله نسمع قصص تعور القلب
واحد مكروب ويتخبى عشان 3000 ريال .. ونقول الله يعينه وين اهله ...؟
وعروس ماخذت مهرها وتبي سلف ...نقول خلها على قدها ..!
ووحده مشروعها وقف لان راسمالها خلص ونقول ..ليه دخلت في التجارة اصلا ..البنت متورطه وشغلها وواقف وحنا نتفلسف ...!
ووحده ثانية لظروف معينة ماتقدر تطلب اهلها .. وزوجها حالته صعبه وعليه قروض .. ونقول غريبة وين اهلها ...ماشاء الله شبعانين ...؟
كأن المساعده بتفقرنا ..ولا بتنقص فلوسنا .. مع ان مانقصت صدقة من مال ان كان صدقة
وان كان سلف ولا قرض فهو تفريج كربه ..
ولو كانت مساعده فهي سعي في حاجة اخ مسلم ...
ماصرنا نساعد بعض ..وكثرت مشاكلنا ..ومالقينا اللي يساعدنا ...
الكل اصبح في حاجة .....
نظرة وحده للي حولك وشوفي الوضع لاتبعدي وتقولين اي احياء شعبية اروح
ولا وين بيوت الفقراء وشوفي اللي حولك اهل واصدقاء ..
الا ماتلقين شخص يعض الالم عض ..ووراه مية سالفه ..ومايقدر يطلب حتى لو اللي حوله كلهم مقتدرين ..........ليه .؟؟؟ لانه راح يلومونه ويخطأونه ثم يتركوه بحلول ان كثرت !!
نقول فلانه والله حالتها صعبه وراها التزام لازم تأديه ...
ونسمع ..: ليش انا شايفتها الاسبوع اللي طاف بالمول تلعب عيالها وشايله اكياس
كان سدت اللي عليها اول :(
طيب هي الحين في كرب وربي بيأجرك على ويفك عنك كربه من كرب القيامة غير الخير اللي بتلقيه في الدنيا ..
ثانيا يمكن راحت المول ب 200 ريال بس لعبت العيال واخذت شي من السوبرماركت
والالتزام اللي عليها 4000 الاف يعني ماكانت تسوي شي ؟؟؟ لانحط في ذمتنا شي
ماحنا في برنامج حواري يوم يجي احد طالب الفزعه ومهزوم القلب والكبرياء
نناقشة ونعطيه حلول ثم نتركه
(( يذكرني ببرنامج د.فيل يفضح بالناس ومشاكلهم ثم يعطيهم حلول نظرية ويصفقوله الجمهور ثم يروح راعي المشكلة مفضوح على الملاء يحاول يطبق التعاليم ))
اللي في كرب يريد من ينفس كربه وهو بعدها سيفكر جديا بخطأه وقت مصيبته لايستطيع ذلك
وصدقوني اني اللي يذوق طعم المساعده اذا درات الدنيا و جاه احد يطلبه مايبخل عليه لانه جرب الالم وطعم الفرح يوم نفس مسلم كربته وبيساعد وبنصير كالجسد الواحد ..اذا تعب جزء سهر عليه باقي الجسد ..وهذا الاسلام والايمان وهاذي هي تاليم ديننا الكامل الذي لم يترك شيئ الا واوجد له حلا والنقص فينا
يابنات اعذروني موضوع يمكن مو مرتب
وطلعت بسالفة ودخلت بغيرها بس هي حره بقلبي
طبعا كلامي هذا مو للكل الا من رحم ربي الله يثبتهم ولكني اتمنى ان يحرك فينا شيء
غفلنا عنه
يمكن موضوعي مفروض يكون موجه للرجال اكثر ..ولكنها رسالة اتمنى ان تصل
يقول رسول الله المسلم للمسلم كالجسد الواحد اذا اشتكى منه عضو تداعى له سائر الجسد بالسهر والحمى
بالسهر والحمى
نهاية كلامي
سمية.. @smy_7
محررة
يلزم عليك تسجيل الدخول أولًا لكتابة تعليق.
الله يعطيك العافيه
موضوع رائع
المشكله اذا جا الواحد يطلب يقولون مقولتهم الشهيره
الشكوى لله
موضوع رائع
المشكله اذا جا الواحد يطلب يقولون مقولتهم الشهيره
الشكوى لله
سمية..
•
بسمة الترحال
ريم العيد
رتول وكوكو
اشكر مروركم وتفاعلكم السريع
والله في عون العبد مادام العبد في عون اخيه
ريم العيد
رتول وكوكو
اشكر مروركم وتفاعلكم السريع
والله في عون العبد مادام العبد في عون اخيه
الصفحة الأخيرة
الله يجزاك خير