السلام عليكم و رحمة الله و بركاته
كيف حالكم يا جميلات؟
مثل ما وعدتكم اليوم راح أقولكم السر الثاني اللي يخلي جسمك زبدة ، السر هذا قالي إياه طبيب الجلدية
و و الله العظيم إنه فادني حيل و رطب جلدي اللي كان شديد الجفاف و حوله إلى زبدة ( ما شاء الله و لا قوة إلا بالله )
السر هو إنه جسمك لازم يكون رطب قبل لا اتحطين الكريم عليه ، يعني اتبللين جسمك بشوية ماي بعدين اتحطين عليه الكريم المرطب و اتوزعينه عدل على جسمك ، الطريقة هذي تفيد الجسم الجاااف و خصوصا منطقة القدمين ، اللي رجليها جاافة اتنقعها بماي ربع ساعة بعدين اتشيلها من الماي و اتحط الفازلين عليها و هي مبلولة مع الاستمرار راح تلقى رجلها صارت ناعمة
يعني الوقت المناسب لتدهين الجسم بعد الشاور ( الاستحمام ) أو بعد الوضوء أو بعد ما تغسلين أيدينك و رجولك لأن الجسم رطب و فيه شوية مااي ، و قلنا شوية ماااي ما تكونين مبلولة كلج ماي و اتحطينه ما راح تستفيدين أبد ، شوية ماي و المسائل تضبط و ضروري ترطبين جسمك باستمرار
جربي يا حلوة حطي كريم على ايدك الجافة مباشرة ، و الايد الثانية امسحيها بماي و دهنيها بالكريم و شوفي الايد اللي تمتص الكريم أكثر
و أحب أحذر البعض لا اتحطين ماي كثير على جسمك و اتدهنينه و تقعدين بالتكييف راح يصير فيك بعيد الشر روماتيزم
باختصار : حبة ماي و حبة كريم عالجسم
هذي معلومتي اليوم و أتمنى إني أفدتكم
أحبكم كلكم ، تابعوني يا جميلات و زوروا مواضيعي كلها بسيطة و فعالة
أعشق الجمال @aaashk_algmal_6
عضوة جديدة
جسمك جاف و التدهين ما ينفع فيه ؟ تعالي و انا أعلمك السر اللي قالي إياه الدكتور
49
11K
يلزم عليك تسجيل الدخول أولًا لكتابة تعليق.
الصفحة الأخيرة
لاحرمك الله الاجر