جسمي ، بيكون عائق بيني وبين زواجي ؟ بيجي اليوم اللي بكون فيه عروس ؟ محتاجتكم كثير ...

كتبت موضوع طويل وانحذف للاسف ،

اولا السلام عليكم ..
دايما ادخل المنتدى متضايقة واطلع سعيده واحسكم توقفون جنب الوحده وتقونها عشان كذا حبيت اسولف لكم اليوم عن مشكلتي وقصتي

قصتي الله يسلمكم جدا عادية

انا بنت عمري 23 سنة
ادرس تخصص حلو وتربوي وتوني متخرجة هذا الترم عايشة بين 5 خوات احبهم ويموتون فيني

محبوبة فوق ما تتصورون بين الناس بعيلتي وبالكلية وبالدوام اللي كنت ادرب فيه سابقا ..

مشكلتي تكمن في اني خاطري وامنيتي اتزوج
معليش اني اقولها بصريح العبارة
بس امنيتي يجيني رجال يحس فيني
يحن علي
يعطف علي
يضمني ويحسسني اني مهمة بحياتة
ماشفت من رجال عيلتنا الا القسوة والمعاملة الجافة والتعب
مرينا بمشاكل لا يعلمها الا الله والله العظيم مشاكل ما يعلم فيها الا ربي كنا في كربة
صدق ان ما زلنا في كربة بس الحمدلله الحمددلله
وضعنا السنة اللي فاتت يختلف كليا عن هذي السنة

المشكلة اني اول ما دخلت الكلية كان يجوني خطاب وباعداد حلوة لكن الكل كان يرفضني عشان جسمي
بعدها وانا بثالث كلية قررت اسوي دايت وبديت ونحفت 30 كيلو خلال سنة
وانا اللحين اعتبر في وزن زائد لكن مافيني سمنة
جسمي يشبه جسم ×××××× اللحين لكن انا اقل عرض منها
يمنع ذكر أسماء الممثلات وأهل الفن
تم الحذف.. الإشراف
امنيتي انحف اكثر وان شاء الله بستمر
بس يا بنات معقولة بيجيني رجال وانخطب واتزوج
والله والله امنيتي اعيش مع رجال بالحلال امنيتي افرح والبس فستان الخطوبة
كل ما مريت عند فستان تخيلت شلون شكلة ضابط علي ولا لا

قبل 4 سنوات حلمت حلم وفسره لي الشيخ ان احتمال في تعطيل
سويت برنامج علاجي بالرقية عطاني اياه هو والحمدلله
لكن بعد ما رقيت نفسي ونحفت والله العظيم ما دق بابي احد
رأيت رؤى كثيرة وكلها تفسر لي بزواج لكن ما دق بابي احد
وحتئ لما انخطبت بعد ما نحفت كان يتفركش كل شي قبل لا يجون او انهم يواعدونا واتجهز وما يجون
امنيتي اسمع امي تكلم واشوف بوجهها فرحة ان في احد متقدم لي
امنيتي يصير عرس ببيتنا ويتغير علينا جو الحزن المخيم عليه

طبعا بتقولون لي ادعي ربي
والله ليالي رمضان كلهاااااا ما مرت بدون ما ادعيه وانذل واخضع له
والله من كثر ما ادعي بعد ما ادعي احس براحه يجيني احساس اني بكرة بنخطب ويمر بكره ويمر بعده وانا على نفس الحال

انا كلي ثقة بربي بس والله امنيتي يا بنات اتزوج واستقر

بيتنا مكهرب دايما والرجال بدون احساس ما عدا اخوي الصغير هو اللي يحس فينا لكن ظروفة ما تسمح له يكون قريب منا لانه بيسافر يدرس بعد اسبوعين وانا من دريت ضايقة الدنيا فيني

ادعوا لي يا بنات هالعيد يكون عيدين علي
ادعوا لي يجيني واحد يسر خاطري لعل وحده منكم اقرب مني منزله
والله محتاجة الدعاء محتاجته محتاجته
ادعوا لي يجي احد يقتنع فيني وبجسمي
ادعوا لي
انا من كثر ما يرفضوني الناس صرت اشوف نفسي شينة انعدمت ثقتي بنفسي

تتوقعون في رجال يحب السمينة
لا تقولون لي انحفي تكفون لانس تعبت لي بالرجيم فوق السنة ونص وهذيني مستمرة لكن تمر علي فترات اتضايق وافتر فيها وارجع اقوا من قبل

بس في رجال يحب السمان ولا افقد الامل ؟

والله يا بنات محتاجة كل دعواتكم محتاجة اسمع كلام يسر خاطري
حتى للاسف اني بيوم لجئت لخطابة مدري شلون سويت كذا لكن شكله محد يبي احد بمواصفاتي

وبالعيله محد محد محد محد يفكر فيني
يتقدمون لخواتي عيال من العيله بس انا مستحيل احد يجيني منهم ليه انا شفيني
يارب ما عندك خير وابقئ
ربي اني ظلمت نفسي فان لم تغفر لي وترحمني لأكونن من الخاسرين