السلام عليكم ورحمة الله و بركاته
يا بنات حبيت استفسر عن كيفية التعامل مع بنتي عمرها سنه وثمان شهور
بنتي الله يهديها دفشة مافيها اي انوثة و مسها شييين حيل يعني تقرصني طول الوقت و تضربني و ما ادري شلون اتصرف معاها لانه ما تفهم ابي تكف عن هالتصرفات طبعا و هي تسوي هالحركات قصدها تلاعبني بس و الله انه يعور لدرجة اني اصيح منها و يديني فيها كدمات زرقا و بنفسجية
كله كوووم واذا شدت شعري كووووم تعشق انه تشد الشعر بشكل موب طبيعي يعني تتفنن مرة تجر شعر و تتشقلب و مرة تشد شعري وتنط يعني مسخرتني
وحدة قالت لي اذا اضربتج اضربيها بس و الله ما ينفع لانها ما تفهم في بالها انه لعبة ما تدري انه يعور ، طبعا هي الله يصلحها بعد ملعوزة الجهال و لاعبة في شوشهم ما يروحون من بيتنا الا ومسوية لهم تسريحات هههه
و بقولكم عن بيئة بيتنا انا عايشة مع اهل زوجي في ملحق خارجي و البيت كله بزارين و بنتي اصغر وحدة مروينها الويل يوم كانت صغيرة و الحين هي مرويتهم الويل ههه مرة تشد شعورهم و مرة تضربهم بس انا ما ابيها كذا ابيها تلعب ما تعرف تلعب ما عندها مهارة اللعب الجماعي للاسف
صارت منبوذة بسبة هالطبع خصوصا شد الشعر حتى الامهات صاروا يبعدونها من عيالهم لما تقبل عليهم لانهم خايفين تشد شعور عيالهم و قلبي يتقطع
سوري طولت عليكم و هذرت واجد بس و الله ابي حلول و ارشادات و الله يجزيكم الخير
romozi @romozi
عضوة نشيطة
يلزم عليك تسجيل الدخول أولًا لكتابة تعليق.
قرب الرحيل
•
الله يعينك كانك تتكلمين عن بنتي دفشة ولعبها ثقيل دم
ليش ماتطبقين عليها اوامر السوبر ناني كانو يطلعونه ع mbc4 وطبقتها ع بناتي الثنتين كل مايقلبون البيت او يتضاربون او يلعوزوني احطي كرسي ع جنب للعقاب اخليهم تقريبا خمس دقايق اذا كانوا هادين بس اذا كانو شياطين ازيد المده طبعا بدايه ماراح يرضون يقعدون وبيصيح بس انت كوني جامده وصابره واحر شي خليها تعتذر وحظنيها وبوسيها انا صارلي سنه ع هذه الموال والحمدلله البنات سيده ويدلعوني طول الوقت ويبوسوني طول الوقت ومرتاحه لدرجه يخلون الوالده الله يحفظها اذا غلطت تقعد ع الكرسي ههههههههههههههههه واذا غلطتي بقعدوج ع الكرسي وقعدي عشان مايعصون امرج
ليش ماتطبقين عليها اوامر السوبر ناني كانو يطلعونه ع mbc4 وطبقتها ع بناتي الثنتين كل مايقلبون البيت او يتضاربون او يلعوزوني احطي كرسي ع جنب للعقاب اخليهم تقريبا خمس دقايق اذا كانوا هادين بس اذا كانو شياطين ازيد المده طبعا بدايه ماراح يرضون يقعدون وبيصيح بس انت كوني جامده وصابره واحر شي خليها تعتذر وحظنيها وبوسيها انا صارلي سنه ع هذه الموال والحمدلله البنات سيده ويدلعوني طول الوقت ويبوسوني طول الوقت ومرتاحه لدرجه يخلون الوالده الله يحفظها اذا غلطت تقعد ع الكرسي ههههههههههههههههه واذا غلطتي بقعدوج ع الكرسي وقعدي عشان مايعصون امرجليش ماتطبقين عليها اوامر السوبر ناني كانو يطلعونه ع mbc4 وطبقتها ع بناتي الثنتين كل مايقلبون...
انا عن نفسي جربت طريقه السوبر ناني ع قناة mbc4 اذا الياهل غلط او يتمادي حطيله كرسي ع جنب وعاقبيه بدايه ماراح يرضي يقعد وبيصارخ ويقلب البيت حرب بس انت حطي هدف جدامج وهو انج راح تروضيه وانت تعاقبيه ابد لا تضحكين بوجهه وخليه خمس دقايق اذا قعد هادي اذا يصارخ ويقوم من مكانه زيدي المده بدايه راح تتعبين بس بعدين يتحسن بالراحه لانه راح تخف مشاكله وبعد العقاب خليه يعتذر قوليله شو يقولون للماما علميه يقول اسف وحظنيه وبوسيه صراحه صاروا البنات مروضين لدرجه انهم يعاقبون الوالده الله يحفظها هههههههه مره شفت البيت صاير زباله من اكياس الشيبس وهاوشتهم وقالولي احنا ماسوينا هذه بابا اللي موسخ الصاله ويوم طالعت ابوهم ضحك وحطولي كرسي ع جنب وقعدوني فتره وبعدين يقولولي شو يقولون قلتلهم اسفه وحظنوني ههههههههههه
romozi
•
جعل ربي يحفظهم لج بس بنتي صغيرة علا هالفكرة
ههه عجبتني حركتهم يعل ربي يحفطهم و يخليهم لامهم و ابوهم
ههه عجبتني حركتهم يعل ربي يحفطهم و يخليهم لامهم و ابوهم
الصفحة الأخيرة