جسمي ونفسيتي

مرحبا صبايا
انا بنت عمري ٢٣ ماني متزوجة عايشة بدولة اوروبية وعم ادرس جامعة الحمدلله طبعا كتير اتعزبت لبين ما خلصت لغة ولقيت مقعد جامعة تقريبا بفترة سنتين ونص كنت خالصة لغة ومتعلمة وفتت عجامعة طبعا كتير عانيت بحياتي بسبب كم مشكلة اول مشكلة هي شعوري بالنقص انو انا سمراااا جسمي فيه حروق وغير موحد يعني كل ئرنة بجسمي لون المناطق الحساسة عندي كتير وضعا سيء سواد وتجاعيد وخطوط بيضا أيدي فيهن سواد واصابعي كتير تخان لا بيلبق لايدي مناكير ولا حنة ولاشي مع انو انا نظيفة على حالي وبعمل ازالة شعر باستمرار من كل جسمي ووزني زايد تقريبا ٦٨ وطولي ١٦٦ بحس حالي كتير دفشة وكل البنات انعم مني وانا نفسيتي كتير بشعة لاجل هالشي لدرجة بكره حالي وبكره اطلع بالمراية بلاقي حالي الوحيدة بين البنات يلي جسما هيك يابنات تعبانة لدرجة ما بتتخيلوها بكره اطلع مع رفقاتي او اختلط فيهن مشان ماحدا يمزح معي مزحة بسبب سماري واكتئب وانزعج صرت ابعد عن كلشي جمعات وطلعات صرت حب الوحدة والبيت وماعم ادرس ولا عم حب اختلط بأهلي صرت بطل ناقش حدا خوفا انو تكبر المشكلة بيني وبينو ويعيرني بجسمي او سماري باختصار ثقتي بنفسي صفر بالمية حاولت كتير اعمل شي بس ماقدرت ببكي بحرقة كل ماشوف بنت حلوة وجسما صافي صرت اخجل من حالي ، عالم كتير شافت حالا عليي بس لان عندون شوية جمال وبياض مع انو انا ملامحي كتير حلوة ومتعلمة وهنن ماحسنو يصلو لنص يلي انا عملتو بس سماري ووضع جسمي كسروني كتير وخلو عالم ما بتسوا تشوف حالا عليي ماعم اعرف شو اعمل من وين بلش بجسمي انحف وعالج بشرتي كيف نظم وقتي لان كتير مضغوطة بدراستي والله مابدي شي بس بدي جسمي لون واحد من دون هالسواد يلي بمناطق جسمي وبدي ما اخجل من حالي اقعد بين البنات بكل ثقة وحس حالي انثى البس قصير بين هالبنات حط شوية مناكير ماخاف ازا لبست حفر بسبب ظهري وسواد تحت الابط حتى صرت حس هالمشكلة عائق كبير بيني وبين الزواج صرت اكره تنجاب هالسيرة قدامي حتى الشب يلي بحياتي بكره حالي وقت يجبلي سيرة الخطبة خجلانة يجي يخطبني مشان ما اوصل لليوم يلي بدي اخجل من جسمي وحالي قدامو طبعا هالشب بحياتي وكان قبلو شباب وعلاقات كتير بس لحتى عوض هالنقص يلي فيي واقنع حالي انو انا حلوة وانو في حدن بيتمناني وانو متلي متل هالبنات رح حب وانحب بس مامشي الحال بنوب سدقوني عم ابكي وانا عم اكتب من قهري حاسة حالي مو أنا ، وتاني مشكلة هي مشكلة بعدي عن رب العالمين صرلي شهر بلا قراءة قرآن بس صلاتي والصيام والاستغفار تمام وعندي كتير عادات دينية يومية بس بحس حالي مقصرة لانو عم احكي مع هالشب ومنطلع سوا احيانا انا وهو ولان علاقتي مع ماما وبابا كتير سيئة بسبب نفسيتي وماعم طيق رفقات حواليي بنوب واي كلمة عم اتحسس منا بنات لا تقلولي انو السمرا احلا من البيضا و و و و الخ بعرف هالحكي بس انا مو مشكلتي سماري مشكلتي بشرتي متل الخريطة ومشكلتي وزني الزايد قلولي من وين بلش وكيف وشلون 😭😭😭😭😭😭