قوقل تلقائيا !
يعني ممكن تكتبين اول حرف و تكمل لك الكلمة
و أنتي بالاصل ما عمرك كتبتيها
يا ليت أختي تنتبهي لهالنقطة
الله يهديه ويصلحه ----يمكن داخل هلمواقع من باب الاطلاع بس---وترى عمره حرج في هالعمر حب استطلاع فقط-----الله يهديه ويصلحه ويخلي لكم امكالله يهديه ويصلحه ----يمكن داخل هلمواقع من باب الاطلاع بس---وترى عمره حرج في هالعمر حب استطلاع...
نفس ولد اختي الله يهديهم
الصفحة الأخيرة
بعض الشباب معرض للنجراف نحو الجنس الذكوري وهذا يدخل فيه عوامل كثيرة من اهمها بنظري الصحبة
واظن انك اخوك قد استدرج من قبل بعض اصحابه الشباب اما بحركة او مقطع بلوتوث او بكلام
والواضح انك اخوك فيه وازع ديني كبير بدليل انه حب ياخذ فكرة عن اللواط عن طريق النت
وبهذه الطريقة يأخذ اكبر قدر من المعلومات قبل ما يقدم على اي خطوة
طبعا ممكن نقول مثل ماقالو اغلب البنات انه مجرد فضول وحب استطلاع
ولكن المشكلة هو الخوف من انه ينغمس ويبحر اكثر في هذه المواقع الى ان يصل لحد الادمان البصري بعدها ينتقل لمرحلة التجربة العملية والممارسة لاقدر الله
ونحن نقول الوقاية خير من العلاج
والحل برأيي:
1- امك لازم تعرف ولكن بطريقة اخف وقعا عليها...مثلا قولي انك شاهدتي كلمات بحث ولست متأكدة هي من موقع البحث ام لا...يعني خليها تشك فقط...ولازم تعطين امك فكرة عن هالمرحلة وانها مرحلة انتقاليه وان الشباب عندهم حب استطلاع وفضول..يعني لا تكبرين الامر امامها
السبب في اخبار امك عشان تكونون يد واحدة وتحتوون اخوك اكثر
2- يقول المثل الصاحب ساحب..وقل لي من تصاحب اقول لك من انت..اذا لازم تشوفون منهم اصحابة..اذا ماعندكم خلفية عنهم على الاقل لايكثر احتكاك بهم يعني اطلعوا معاه شاركوه بهواياته وهمومة عشان مايضطر يطلع كثير
3- عززوا عنده الوازع الديني كونوا قدوة له ان كان بالصلاة او الصيام او الصدقة..واعطوه كتب تزيد من وعيه الثقافي عن الجنس و الشذوذ الجنسي ومخاطرة..والطرق الشرعية اللي الاسلام وضحها لنا بأدارة الشهوة قبل الزواج.. ونصيحة لاتعطونه الكتب مباشرة وانما خلوها قريبة وفي متناول يده..يعني بالمكتبة بالصالة..مشكلة بعض الاهل ان الولد يكون مغيب عن الجنس فأذا كبر اخذ المعلومة بشكل خاطئ...والحل انه يعطى توعية منذ الصغر وكل مرحلة عمرية لها نوع خاص بالمعلومات..والكتب التربيوية ابحرت في هالمسألة..
4- ادعموه نفسيا ومعنويا..هو الان يتيم وبحاجة الى شحنات كبيرة من الحنان انا ادري ان امك ماقصرت لكن صدقيني هالسن بحاجة الى العاطفة حتى لو مابين...خليها تفتخر فيه وتقول له انك رجل البيت وانها تشوف فيه ابوك الله يرحمة..اعطوه مهام...شجعوة على انه يعبر عن نفسه بكل حرية..لاتضغطون عليه بالطلبات والواجبات..اعطوه فرصة انه يجرب ويخطيء صدقيني لما يخطئ رح يتعلم اكثرويستفيد من تجاربه
5- اعتبري ماحصل لاخوك نزوة ومن منا لا يخطئ...صدقيني كلنا خطاؤن وخير الخطاؤن التوابون
لا تخلين الموقف اللي حصل يأثر بعلاقتكم مع اخوك..انسوه تماما وابدأو بصفحة جديدة
6- اختي النت هو وسيلة لتحصيل المعلومة والترفيه المباح..لكن بعض الناس اصبح النت عندهم هوس...من يصبح لحد ماينام وهو عليه وهذا يأثر تأثيرات خطيرة خصوصا على الشباب لان عندهم طاقة هائلة لازم تخرج بممارسة الرياضة..الكورة...التنس...السباحة..النشاطات الذهنية...طلعات البر والترفيه..والمفروض تسوون موازنة..النت له وقت والنشاطات الثانية لها وقت عشان مايحس بالملل والروتين ويبحث عن الممنوع
7- واهم نقطة يا اختي هي الدعاء يقول الله تعالى ( قل ما يعبأ بكم ربي لولا دعاؤكم)
الله يهدي اخوك ويعصمة عن كل مكروه ويهدي اولادي وشباب المسلمين