جعلكم ماتجربون اللي صار لي امس..

مرحبااا اخواتي

البارح صارت لي سالفه وقلت بعلمكم فيها
طلعت السوق انا وزوجي وبنتي عمرها سنتين وكانت بعربيتها
وشافت العربيات هذيك الملونه اللي بالمجمع اللي اجارها الساعه ب15 ريال

وقعدت تصيح تقول سياله = سياره وتبكي تبيها
رحت اتصلت على زوجي ان تعال خذ عربيتها عشان اركبها
بالسيارات ذي قال زوجي طيب ، البق السياره واجيكم
المهم في هذي اللحظه بنتي تلعب بالسيارات وتتحرك عندي
انا غفلت ثانيه والله ثانيه ادخل جوالي الشنطه واناظر ادور بنتي
مالقيتها واركض وراء السيارات ادوها مافي احد
هنا خلااااص واصوت وانادي فلاانه فلااااانه ماشوف اخد

ولاشعوريا اركض كل مكان واصرخ اعلى صوووووتي فلاااااانه
فلاااااانه والناس تتجمهر علي وجسمي يرتعد وقلبي خلاص بيوقف

قلت بنتي رااااحت خلااااص واجهش بالبكااااء واسمع رجال يقول
اذكرري الله اذكري الله وانا اركض واصيح زي المجنونه والا
حرمه تأشر لي شوووفي ذيك واناظر الا بنتي قلبي تمشي
اااااااه قمت اركض لهاا واشيلها وانا باقي اشاهق من الصياح

واسمع الرجال يقول الله يحفظها لك ويخليها
وقسم يابنات بغيت انهببل وحمدت ربي الحمدلله
مع اني دايم احصنها بس ذاك اليوم استعجلت ونسيت
والله جلست حوالي نص ساعه وجسمي يرتجف والحمدلله
ان زوجي ماشاف المنظرر لاني متأكده لو كان معنا بيصير
شي لايحمد عقباه ويحملني مسؤليه ضياعهها بس الانسان مو
معصوم وبدون مايوصيني عليها ذي بنتي اكيد بنتبه لها،

المهم بعد ماهديت يابنات قمت افكر بنفسي والمهرجان اللي سويته
من صياحي العالي قلت لو اني كنت اهدا شوي وذكرت ربي
واسأل الناس ، ماعمري توقعت بتكون رده فعلي كذا لاني
هاديه وصوتي واطي ، واعرف ناس واجد تضيع اطفالهم
بس ربي يلهمهم الصبر ويذكرون الله ويلقونهم اما انا لاوالله
بس اناديها واصارخ انهررررت الله لايعيده من يوم :(