@جعل السرطان يقصس @

بسم الله الرحمن الرحيم
اكيد الكل مستغرب ومنصدم من عنوان موضوعي مثلي مصدومه اني بعد فيه من هالنوعيات الجاهله من الرجال ابد يا حبيباتي في يوم كنت اعتقد اني اكثر نساء الارض بؤسا وشقاء عشان زوجي ما يطلعني كثير اكيد بتقولون سخيفه لا تلوموني كنت على وشك ولاده ونفسيتي الحمد لله كلما قلت لابو الشباب طلعني امشي قال مافي داعي امشي في المجلس وهو على المباريات والنت الله يهديه المهم اني زعلت ورحت انخمدت بدري اليوم الثاني عندي موعد مراجعه في احد المستشفيات الحكوميه والله ووداني للمستشفى وانا ولا حرف يقال اني بعد زعلانه
ابد يا حبيباتي دخلت قسم مراجعة النساء والولاده واخذ لي رقم واجلس انتظر وكانت الاستراحه زحمه مرررره كل وحده وكريشتها قدامها الله يفرج لهم وانا قاعده اتامل الكريشات يقال اني ما عندي كرشه خخخخ.
شوي الا ذاك الشايب مدرعم الين وقف عند باب استراحة النساء وغاضب ويطالع في الجهه اللي قدامي الحمدلله انه ما طالع جهتي والا بيكون ولدت ولاده مبكره
ويرفع صوته على وحده شكلها زوجته تخيلوا يا بنات ايش قال لها قدام ذا الحريم كلهم حسبنا الله عليه قال لها يابنات بوجه غاضب وبصوت مرتفع يجيب الجلطه :
جعل السرطان يقصس موعدس امس يالكلبه
وااااااااااو اقسم بالله ما كنها كلمات ان كنها صواريخ
يااااااالله كل ذا عشانها نسيت ان موعدها بكره وحده من الحريم قالت :اووووف لهول الكلمات
والله ان ارعبنا واحنا ما نعرفه فكيف اللي تعرفه وعاشت معه اعوذ بالله منه ومن اشكاله اقسم بالله يابنات انه يقولها وشكله يبغى يدخل ويضربها بعد بس مارده الا زحمة الناس والا هو مدرعم من السيب ما وقف الا عند باب الاستراحه الحين ايش استفاد من اهانتها امام الملا قولوا لي اقسم بالله يابنات انا نطالع وينهي ذي اللي يقصد يا حياتي شكلها انشلت من الخوف ومن الفشيله ما تحركت الين ذلف وطلع
تعبت نفسيتي مرررره ذاك اليوم وجلست ادعي لها وحمدت الله عزوجل ان ربي ما اعطاني زوج ولا اخ ولا اب من ذا الاشكال اللهم لك الحمد كما ينبغي لجلا ل وجهك وعظيم سلطانك
ادعوا لها يا بنات اقسم بالله اني احزن كلما تذكرت الموقف وتخيلت نفسي مكانها