السلام عليكم .. هذي قصيدة جميلة كتبتها الوالده ( شاعره ) وحبيت انكم تستمتعون فيها .. زي ما انا استمتعت فيها كثير
بس تصلح تقولونها لأي احد رافع ضغطكم :icon33:
تمـم رحيلك ياموجـع القلـب بــدري
مـركب غـرامك وجـهه صــوب هـاذاك
لا تكثـر اعذارك و قولتك مدري
لا تلـــف و تــدور بيناتـنـا بمسعــاك
وكانــه تغيــر ممشــاك عـن دربـي
عســى القراده قــل آميـــن تشنـــاك
وعسـى عشقك الجديـد عنـك يقفـي
يقـفــــي وغــدار بـك بايـــع ذكـــراك
وإلا عسـاه خبـل من النـاس يهــذي
ما ينعــرف لـه ســد وإن عقـت ماجـاك
وما سـويت لك تسـوي لـه وتعطـي
ومـا سـويــت بــي يســوى بـك ويلقــاك
ويجــور وقتــك ثم تصبــح وتمسـي
دمــعـة عيــونـك تـكفـكفـها بيــمنـاك
جعـل السعـادة نورهــا فيــك مطفـي
بسـبة ولهـك بساقــة اللــي تناســاك
و إلا انـا ابنسـاك يــوم و اسلــي
وادفن غرامك واذبح القلب إلى اطراك
واطرف عيوني إلا جا طيفك بجفني
تستـاهـــل عمـاهـا عيــون ترجــــاك
مـوادع ياشـوق ومـاجـان يكفـي
الله يجـعــلنــي هنـــي بســلــــواك
و يجـي يـوم علـى بابـي بتلفـي
تبــي خــوي كـان سعيــه علـى ارضـاك
وما فات مـات وانت جـرح بكبـدي
بصــك بيبـانــي . لا اعـرفـك ولا ابغـاك
وارجـع لطبعـك يـالمنتحـي عنـي
هاللـي رسمتــه مـايجـي لـك بمـشهــاك
وسلامتكم .. ان شاءالله تعجبكم القصيده :39:
يلزم عليك تسجيل الدخول أولًا لكتابة تعليق.
kamilla Ahmed
•
ينطيك العافيه انت وامك واتمنى لك التوفيق
الصفحة الأخيرة