السلام عليكم ورحمة الله وبركاته
خواتي حبيباتي انا كثير تابعتكم بكيت لبعض قصصكم بجد كنت اتابعك
وجا اليوم اللي احس اني ابي افضفض لاخواتي بنات عالم حواء..ارجوكم اقرو قصتي بقلوبكم
قبل عيونك بجد بحاجة ارائكم ونصائحكم دعواتكم محتاجه لكل كلمه منكم تتدعمني معنويآآ
لاني بجد منهاره ..
قصتي يالغاليات انا متزوجه لي 4 سنوات عندي ولد وبنت توأم ربي يحفظهم لي ..حياتي الزوجيه كانت لاتخلو من المشاكل بس كنا نسيطر عليها الا مشكله وحده اللي هي اهله
احبهم واحترمهم وحاطتهم فوق راسي والله والله احلف هالايام الفضيله اني صادقه بكل كلمه راح اكتبها ماراح انصف نفسي واظلم زوجي لا ..راح اكتب كل شي
قلت لكم احبهم اهله وربي استقبلهم وكل شي بس المشكله بزوجي واهله يعني اكونا نظف بيتي يجي يقول 5 دقايق وهلي بيجون هم بطريق طبعا اهله مو امه وبس لا خواته واخوانه اعدادهم كبيره هالوقت مااكون مجهزه حالي وعلى فكره هو اللي داق عليهم وقايلهم تعالو والمفروض هم يقولون لا نبي وقت اطول عشان انتم تستعدون
بس دقايق والقاهم عندي مدري انا البس والا البس عيالي والا ارتب البيت والا اجهز القهوه والا استقبلهم ...!!! اسكت وابلعها وابين له اني متضايقه من اسلوبه معاي مو من جية اهله
واذا راحوا تناقش معه افهمه انه لازم يعطيني وقت قبل مايقول لهم لو 3 ساعات ارتب واتجهز عشان ابيض وجه مو راضي يقتنع ظل طول هالسنوات يسوي فيني هالحركه لدرجة مره كنا متزاعلين زعله عاديه دق علي قال لي في قهوه قلت ايه صلحت قال انتي وينك قلت اتحمم سكر ..والله يابنات ماامداني اطلع من الحمام وانتم بكرامه لابسه الروب الاواهله داخلين علي وانا بروب ركضت على طول على غرفتي وعيالي بملبسهم كنت ناويه اغير لهم وتخيلو هو اللي مر عليهم وجابهم وكلمني ولاقال لي انه اهله معه جاييين ..كثير مواقف سواها معاي (بنات ركزو مشكلتي مو مع اهله مشكلتي انهم مايعطوني وقت قبل جيتهم2على الاقل وهو مو راضي يفهم يقول غصب عنك يدخلون باي وقت )
ثاني شي خلال 4 سنوات زوجي ضربني 3 مرات ومنها مره كنت حامل بشهر6 وتضايقت وجمعت ملابس لاني ماراح ارضى انه يتعود يمد يده طبعا ضربني واهله عندي لاني سالته عن رقم بجواله يتكرر وقال لي واحد وانا تااكدت انه بنت قلت له ليه ماتقول الصدق قام عصب وضربني ..تتدخلت امه بالموضوع وقالت خلاص هو غلطان ولاتتطلعين يابنتي ومن هالكلام وعدت السالفه عشان امه والمره الثانيه كفخني تكفيخ على سالفه تافهه يقول لاتناقشيني والله والله يابنات انها سالفه ماتستاهل مدت يده وهالمره قررت اطلع لبيت هلي لان الا الضرب
بالبدايه كان ساكت ولما شاف الموضوع جد جا وقال ماراح تتكرر وخلاص رفضت ارضى لانه تمادى بالضرب على امور تافهه مابي عيالي يكبرون وانضرب قدامهم طبعا كان اخوي بيجي ياخذني وهذا برمضان اللي فات ..هو لما شاف اخوي قام يعتذر وخلاص ومن هالكلام قاله اخوي اذا رضت اختي تجلس اوكي بس بتكتب على نفسك ورقه وتوقع عليها انه ماتمد يدك عليها ولو مديتها تجي اختنا عندنا وعيالك تتنازل عن حضانتهم وافق ووقع ومشت الامور
الشي الثالث الفاظه معاي وسخه وهالشي انا ماتربيت عليه وغير عن بيئتي حاولت اقوله حسن الالفاظك بس مازال يتلفظ
الزبده بعد مااعطيتكم نبذه عن حياتي ..قبل 4 شهور تقريبا جيت زياره عند اهلي وكان راضي اني اسافر معهم اسبوع نتمشى طبعا اهلي بمنطقه وانا مع زوجي بمدينه ثانيه وسافرت لهلي وهو جلس بحكم عمله وبدا يكلمني ويدقني بالكلام وينكد علي ويدقق على كل صغيره وكبيره وانا اسلك عشان تمشي امورنا لين سافرت مع اهلي نتمشى بمدينه ثانيه واول ماوصلنا كلمني وانا اتحمم بعد السفر والطريق وجوالي بالغرفه اتصل اكثر من 6 مكالمات بالاخير امي جابت لي الجوال ورديت وانا بالحمام وانتم بكرامه قام يهزاء ويطول لسانه قال لي وينك قلت بالحمام اتحمم قال وليه وش عندك تتروشين انا استغربت قلت ولاشي نظافه قال ليه تتروشين سكت .قال اطلعي من الحمام وكلميني قلت طيب ..طلعت وكلمته قام ينق ويكلمني من طرف خشمه وانا ماجيت يابنات عند اهلي الا قلبي مليان من اسلوبه معاي سواء بجيات اهله والا بالالفاظه
تلفظ علي بألفاظ ووووسخه تنرفزت وقلت له انت زودها وانا ابكي وقفلت ..يابنات قفلت وانا معصبه ومتنكده ومنعميه قفلت جوالي ...الين متى وهو يتلفظ علي كذا وجلست اسبوع وكنت حاطه في بالي يجي يقابل واحد من اخواني ويتفهمون على االامور كلها اللي مسببه لنا مشاكل
رجعت مع هلي لبيتهم ارسسل لي رسايل يقول ردي والا ترى ابتزوج واطلقك وكلام كثير يقهر ..رديت عليه بمسج قلت له اذا الزواج من ثانيه يريحك تزوج وبعدين تعال هنا وتفاهم مع اخوي لان لسانك زودها معاي وانت غلطت علي ولو انا اللي اتكلم معاك هالالفاظ ماكان رضيت على نفسك
قال ماراح اكلم اخوك وتخيلووووو يابنات وش الصدمه بعدها بااسبوع دق باب هلي ونفتح الا شركة نقل اثاث تخيلو مخلي اهله يدخلون بيتي وشافو ملابسي الداخليه وخصوصياتي وحاطين اغراضي بكراتين وراسلها تخيلو حتى واتتم بكرامه الفوط بالحمام ارسلوها لي والجزم والشناط الصغيره حاطينها بااكياس زباله تخيلو وربي اكتب لكم وانا باقي الين اليوم مو مستوعبه اللي صار لي .......اخواني ماتو قهر يقولون المفروض يرفع السماعه ويقول تعالو خذو اغراض اختكم عصبوا خواني وانا بردت مع الصدمه ماتوقعت يخلي اهله وخواته يجمعون اغراضي انا وعيالي والله يابنات كل شي راسله ومتكسره عطوري ومكياجي لانهم حاطينها بالكرتون فوق بعض ..
طبعا لا انا ولااخواني مستحيل نكلمه لان اللي سواه يسود الوجه بعدها بااسبوعين جا بيشوف بنته وولده عمرهم سنتين شافهم واعطهم مصروف وقال لاخوي الكبير ابي اخذ عيالي امشيهم قال اخوي طلعه من البيت مافي شوفهم عندنا لان اللي سسويته مو شوي قام قال لاخوي يعني لازم اجيب ورقة اختك عشان اخذ عيالي امشهيم قال اخوي كيفك كانك رجال بايع انا ماعندي رد على كلامك تبيي تطلق طلق
طلع من عندنا جلس شهر خلال هالشهر اكتشفت انه يخون وانه متعرف على بنات على النت ومستخف كل من هب ودب يعطيهم وجه ..دق بعد شهر على اخوي الصغير وقال قول لاختك ابيها ترجع واسالها هي تبي ترجع جاني اخوي وقال لي جلست 4 ايام استخير وشاورت اخواني قالو بهواك مع انهم مقهورين من حركة العفش ماكان يبون الشر
قلت لاخوي يقوله يجي ويقابل اخوي الكبير وانه لي شروط لرجعه قام زوجي قال لاخوي ماعندي مشكله ابجي بس ابي اكلمها قبل تقول شروطها واقول شروطي لاحظووو يبي يتشرط
فكرررت وفكرت بعيالي وقلت طيب خله يدق لاحظو اني عارفه انه جالس يخوني ولاحظو اني طيبه برغما انه ماحترمني لا انا ولاهلي ورمى عفشي بدون أي تقدير
كلمته تعاتبنا وقلت له ليه تخون قال خلاص خنت وانتهى وماراح تتكرر وقام يتشرط قبل لايسمع شروطي يقول بلاك بيري مافي مع انه يابنات ماعمرنا تمشكلنا على البلاك بيري ابدا ابدا ويقول نت مافي نهائيا واهلك تنسينهم الا اذا جتني فرصه وديتك تخيلووووووو
قلت اوكي اهلي متى مااخذت اجازه ودني بس البلاك والنت ليه وش دخلهم بسالفتنا الكبيره قال كذا مافي سبب كذا مزاج ...قلت اجل حتتى انت مافي انت مافي نت قال لا انتي بس
قلت اللحين بدال ماطيب جرحي وتجبر كسري بخيانتك جاي تقول مافي لا نت ولاغيره وانت عارف اني ماعندي بالمدينه اللي انا عايشه فيها لا صديقات ولاعلاقات ولا اقارب ولااهلي
خييييييييييييييييييييييير...قال تبين والا مع السلامه قلت لا مابي ((بنات انا باامكاني اني اتنازل ماهمني لانت ولا غيره بس اسلوبه كان جدآآآآآآآآآآآ سيء وانقهرت انه خايني ويجي يحرمني انا )
قفلنا وبعدها صار يرسل رسايل انه هو حاول الصلاح وانا رفضت وكنت ارد عليه برسايل عادي واعاتبه بعد 3 ايام كلمني قال خلاص هالشرط بتنازل عنه وابحجز لك وتجيني انتي والعيال بدون مااجي ..قلت من جدك انت اللحين انت رامي عفشي ومتكسر بعض اغراضي وتبيني اجي كذا بكل سهوله ..قلت له تعال وتفاهم اصلا اخوي الكبير يبيك قال وش يبي ومولازم ومن هالكلام قلت لازم لازم تجي ولازم ترضيني برضوه قفلنا بعد ماجلست معه3 ساعات بالجوال
بنات كان داخلي احساس غريب مو مرتاحه يوم جا الفجر وادخل على اسمه بالنت لوق والقاه يدردش مع هالبنات الماسخات الله لايوفقهم والنت لوق في ميزه انه اثنين يدخلون بنفس الاسم بدون مايطلعون واحد وكنت اناظر الشاشه وهو يدلعها باانواع الكلام ويتغزل فيها وهو تو ه متعرف عليها بنات بغيت اموت من القهر وبالاخير قالت له ابطلع قام رقمها برقمه (العااااااااااااام) لاحظو رقمه العام الاساسي اللي انا اعرفه وقبل هالقتره كان مطلع له شريحه ثانيه ...اللي صدمني وش معنى لما اتفقت انا وياه وداري اني ابرجع يرقم برقمه العام
المهم طلعت البنت وراح يدردش مع بنت ثانيه وغزل ودلع حسبي الله وبعدها طلب انها تكلمه وهي رحبت على طول ورقمها برقمه العام برضو وشوي ماصارو يكتبون عرفت انه يكلمها ادق على جواله مشغول نص ساعه ارسله مسجات قفل وانا عارفه وبعدها قفل ودق علي يسوي نفسه نايم ..قلت له انا اعرف البنت اللي تكلمها واصلا انت ماتستاهل اني ارجع لك وقلت له المصيبه ترقم برقمك العام وتكلمتتت عليه وقفلت ... دق يعدها كم اتصال وارسل اتاا اسف وخلاص يعني ماكان همه زعلي مره لو واحد ثاني كان حجز وجا وجلس معاي واحاول يرضيني هو ارسل كم رساله انه خلاص وانا غلطت وماراح تتكرر رجعت رديت عليه وانا مجروحه ومنهاره وحالتي تصعب على عدوي قلت له انا رغم اللي انت سويته ورمية عفشي اعطيتك فرصه وكلمتك وانت مازالت تلعب وتلعب وتخون انا خلاص طلقني انت كسرتني بخياناتك والمشكله بنفس اليوم اللي كلمتك واتفقنا على الصلاح ...
تتدرون وش رد قال ماطلبتي شي كبير ورقتك بتجيك ومامر اسبوع الا وهو جاي لمدينة اهلي طلب بطاقة العايله وراح وطلقني طلقه وحده وسافر ..تخيلووووووو يابنات بكل سهوله بكل سهوووووووووووووووله طلق وراح والله والله طول السنوات اللي عشتها معه كان باين انه يموت يموت يموت فيني (للمعلومه الرجال من اقاربه يقولون طلقها عشان تادبها واصلا مو رجال لو رجعتها طبعا هالكلام قالو لي لما كلمني عشان نتفق قبل لايطلق)
بعد الطلاق 4 ايام ارسل لي رسايل يقول اكيد انتي تخونني اللحين ومن هالكلام رديت عليه من قهري قلت ماعاد لك حكم علي ومالك دخل اخو ن والا لا .. رد على قال يافلانه انتي باقي على ذمتي لين بعد 3 شهور وتقدرين ترجعين بدوت عقد جديد .....))مارديت عليه والين يومك من بعد الرسايل لي شهر و3اسابيع من طلقني ماجا يزور اولاده مع انه كان وقت الزعله شهريا يجي يشوفوهم
بس ارسل على حساب اخوي مصروف لهم وطلبه اخوي يرسل صوري ولا ارسلها ولارد على رسالة اخوي (للمعلومه يموت يموت بعياله ومتعلق فيهم لحد الجنون) وهذا اللي مجنين من يوم طلقني ماجا يزورهم
بنات انا مهمومه معقوله بكل سهوله تنازل عني وطلقني وهو يحبني معقوله من يوم طلق ماجا يشوف عياله وربي مصدووووووومه ...تتوقعون نسى العشره اللي بينننا معقوله نساني !!!!
دخيلكم شاركون حزني ساعدوني استوعب اللي صار اعطوني ارئكم ..ابي اعرف تحليلكم لرسايله بعد الطلاق بكم يوم وبعدها سحب ولاحس ولاخبر ...يارب يوفقكم ردو علي
يارب ينولكم اللي في بالكم هالايام الفضيله فهموني معقوله خلاص نساني انا وعيالي والا يقصد ياادبني والا شووووو...هالايام نشفت عيوني من الدموع ادري والله مايستاهل ولادمعه بس اتذكر ايامي معه اتذكر بيتي اتذكر كلامه لي وحبه اتذكر حبه لعياله ....
بنات تكفوووووووووووووون فسرولي اللي جالس يصير لاتكسرون بخاطري
موله @molh_1
عضوة جديدة
يلزم عليك تسجيل الدخول أولًا لكتابة تعليق.
الله يفررج كربتك .. والله ما ني عارفه شقول لك بالظبط ..
بس الله يردهـ لك .. وفي هالايام ادعي ربي .. يصرفه عن غيرك ..
وبالتووووفيق لك ..ما حبيت اطلع ما اقوول ششي
بس الله يردهـ لك .. وفي هالايام ادعي ربي .. يصرفه عن غيرك ..
وبالتووووفيق لك ..ما حبيت اطلع ما اقوول ششي
الله يعينك والله اني دموعي نزلت جالس اتخيل نفسي مكانك لان لي اربع سنوات متزوجه حبيتي اكثري من الاستغفار وقيام الليل يارب انك تفرج همي اختي موله يارب انك تحنن قلب زوجها عليها
الله يكون بعونك ويجبر كسرك حزنت وتخيلت نفسي مكانك واتخيلت النارين الليانتي بينهم حبك لزوجك وعيالك والاستقرار وكرامتك بس ماقدر اقول الا الله يصلح مابينكم وادعي ربك يجبر كسرك ويختار لك اخيره ادعي من قلب في هاالايام الفضيله
الصفحة الأخيرة
بس الله يردهـ لك .. وفي هالايام ادعي ربي .. يصرفه عن غيرك ..
وبالتووووفيق لك ..ما حبيت اطلع ما اقوول ششي