...ذوقـــ... @thok_13
محررة
جعل ربي مايردلك دعوةبهالجمعةالفضيلةتكفين ادخلي اسمعي فضفضتي وادعيلي حرمك ربي عن النار
اللهم لك الحمد حمدا طيبا مباركا فيه كما تحبه ربنا وترضاه..
استغفر الله الذي لا اله الا هو الحي القيوم واتوب اليه..
مساكم معطر بذكر الله وصلاة على النبي عليه افضل الصلاة والسلام..
اليوم جمعه اكثرو من ذكره..
بنات اخواتي في الله يشهد علي ربي اني احبكم كلكم بدون استثناء واني وربي ادعي لكم في كل وتر والله
ادعي ان ربي حقق لكل بنت مبتغاها ياااااااارب..
مادري من وين ابدا لكن موضوعي مو جديد وكثير متكرر بهالقسم لكن من اللي فيني والله حبيت افضفض لا اكثر واطلب منكم دعــــــــــــــوة صاااااادقه من قلب بهالجمعه الفضيلة انكم ماتنسوني طلبتكم..
بنات انا اموري متعسرة اللهم لك الحمد اللهم لا اعتراض لكن وش اقول لكم..:(
انا متخرجة من ثلاث سنوات بتفوق اللهم لك الحمد اهلي مو مقصرين معاي بشي يارب تخليهم لي
ماكنت افكر بوظيفه ولازواج لانو ماكان يهمني قد ماكنت ابي اخلص دراستي وبس وبعد الدراسه كمان ماكنت مهتمه بالوظيفه كنت ابي اريح وانبسط
المهم جتني وظيفه بعد تخرجي ع طول سبحان الله ماسعيت لها ولا كنت ابي لكن ربي اراد اني اتوظف صحيح كانت اهلي لكن تعتبر وظيفه زينه مشيت حالي فيها وماكنت سبحان الله مرتاحه فيها حاولت امشي عمري فيها فترة لما جت نهاية سنه تركتها للاسف وربي اني للحين موعارفه ليه وكيف تركتها سبحااااان الله ربي اراد:(
المهم وقتها كنت مررررة فرحانه اني تركتها كنت احسب اني بلقى عوض بعدها ع طول للاسف مر شهر شهرين سنه سنتين وانا مكانك سررررر وطول هالفترة تجيني وظايف وربي ورا بعض وكلها اقدم فيها مافي جهة مافيها اسمي واوراقي وربي اني ارسل فاكسات بالهبل السي في حقي في كل مكان وكل ماسمعت طاري وظيفه قدمت هذا غير الماستر كل ماستر اقدم فيه وانقبل مبدئي واسوي اختبار واسوي مقابله وفجاة :(ولاااااااشي
تجيني وظيفه وربي تليفون يجيني يطلبوني وفجاة الوظيفه طارت لاحد ثاني لكن اللهم لك الحمد اللهم لا اعتراااااض ..
ولا زلت انتظرها..
هذا من ناحية الوظيفه..
اما من نواحي اخرى اااااااااااه يارب لك الحمد..
من ناحية الزوااااااج..
وش اقول يارب..الحمد الله مو ناقصني شي الكل يشهد لي بالزين والذوق ادب اخلاق هدوء وربي ما امدح نفسي
خجل واااه من الخجل هو اللي زادني تعب لو اني احكي في هالامور وافضفض كان وربي تهون علي لكن الحمدلله..
المهم يابنات..من يوم كنت بالجامعه وانا يجوني خطاب الحمدلله لكن والله والله والله يجون ومن بكرة لا حس ولا خبر
طبعا وقتها ماكن يهمني لاني مااااااااااااااااااكنت افكر بالزواج وكنت ادخل عليهم مغصوبه من امي..وكل فترة الجامعه كذا يجون وفجاة لا حس ..مرت الايام وتخرجت ولهيت بالتخرج والفرحه وكنت في داخل نفسي اتمنى الزواج وربي بس كنت اقول اصبري توك لسه بيجي ان شا الله.. وطبعا لماكنت بالجامعه كانوا بنات خلاتي اللي كبري كلهم تزوجوا ولا كان يهمني لانهم عارفين اني احب الدراسه وللا يهمني العرس وكانوا يعرفون اني استحي حتى من طاري العرس فما كانوا يجيبون لي طاري من ناحية العرس وكنت مرتاااحة..لكن في نهاية دراستي بدوا اللي اصغر مني يتزوجون كل فترة وحدة
وبدا الكلام يجي والقيل والقال وكنت برضو اسوي نفسي ماهمني..وكلها طبعا مااااوقفوا الخطاب لكن من هنا يدخلون ومن بكرة ولااااااشي قسم بالله بدت نفسيتي تخرب وبدت الافكار وبدت الوساوس وكل هذا وانا احاول ماااا ابين تخيلوا يابنات ضغط نفسي فظيييييييييييييع طبعا الكل في عيونه الشماته وفي نفس الوقت غييييييرة وحسد لاني زي ماقلت قلت شي محصلته من اهلي الحمدلله طيب خلاص تزوجتوا خلاص فكوني خلوني بحالي !!
استغفر الله واتوب اليه اادري هم مغتاظين ليش انا مرتاحه لاهم ولا شي وهم ببزرانهم وحالتهم حاله والله باين عليهم مو مرتاحين..
المهم
اللي يزيد اكثر اهلك وحيرتهم يااااااارب شي يعووور قسم من اشوفهم ضايقه صدورهم علي اموت اكثر .. وكل فترة زواج وحدة واسوي عاااااادي واحضر وفرحانه وولا همني..:(
طبعا كل هذا وانا عاطله بعد لاني تركت الوظيفه ع طول يعني من هنا ومن هنا ..
وعلى هالحال الى صرت الحين الوحيدة بدون زواج طبعا الحين اللي معاها ابزر وبزرين واللي عروس ..
ومو بس خالاتي حتى القرايب اللي حولي وربي كلللللهم كللللهم كللللهم في بيوت رجالهم واللله ولا وحدة الا انا واللي في الثانوي بس قسم بالله مو اعتراض والله يابنات اني من صغرتي وانا قريبه من ربي واخاف منه في كل شي والله ومن بعد الثانوي وانا ما ترك صلاة الوتر واحب عبادة الدعااااء وانه اشيا تحققت لي كثييييير بالدعاء ربي لك الحمد
ولا زلت ادعي وادعي ماااااا تركت الدعاء ليل نهار وفي كل وقت اللهم لك الحمد فيني الخير اللهم لك الحمد عيلتي ملتزمة يارب لك الحمد ..اي دعاء ينزلونه البنات هنا والله اني ملازمة له ليل نهاااار والاستغفاااااااااااااااار لي سنين ملازمته اللهم لك الحمد..انا ما امن على الله يابنات واعرف ان الله غني غنننا وان عباداتنا لنا لكن وربي اني تعبااااااانه نفسيااا وكل اللي ابي اوصله لكم انو بدا يبان علي والله يابنات امي مقطععععه قلبي صايرة ماترد لي طلب كله خايفه على مشاعري وخايفه علي الله يحفظها لاني ماااااااااااصرت احب اروح جمعات بسبب هالشي احس تفشلت من اهلي صار يبان علي اني ابي اتزوج احس حتى قدام خواتي وعيالهم وربي بديت اخجل من نفسي والله يابنات اني ابكي ليل نهار .. حتى خواتي كل ما جا طاري عرس ولا فلانه انخطبت احس يبان عليهم انهم ودهم اصير مثل البنات واعيش احساسهم ..اذا شفت فستان حلو ووريتهم الله يجنن خليه لزواجك خليه لعرسك اذا جا عرسك بسوي كذا بنحط كذا..!!قسم اني تعباااااانه.. هذا غير انو من فترة بسيطة جوني اثنين بوقت واحد ذولي جوا اليوم وذولي جوا بكرة لدرجة اننا احترنا من نستقبل قبل واستقبلناهم كلهم وكانو كلللللللهم بغوا ياكلوني وربي عجبتهم كللللهم لاني الحمدلله زي ما قلت وربي كل شي فيني زين ومن بكرة بعده بعده الى يومك لا حس ولا خبر!!شي يتعب النفسيه
لا وبعد قبلها بسنه جوني ناس وعجبتهم مرررررررررررررة ومن بكر ة قالوا الولد بيجي انا ما صدقت لان اول مرة على كثر اللي جوا يطلب الولد يشوف استغررربت ولا كان حتى عاجبني وضع الولد بس قلت خلاص حرام ارفض وبغيت اموت لين دخلت تعبت نفسيا لحد مادخلت عليه ومن بكرة والله ع طول دقت امه وقالت مغليش مافي نصيب!!
تخيلوا!!يعني انا كنت احسب انو اللي يطلب يشوف ناااادر ما يرفضون بحكم ان اللي حولي كللللهم من اول خاطب تزوجوا!! والله يابنات اني اعرف انه نصيب وان المؤمن مبتللى لكن والله لكن انا استغرب من نفسي اني احلى واجمل منهم كلهم ومع ذلك هم من اول شي امورهم ماشيه حتى وربي ان وصلني كلام والله والله والله يقولون (فلانه يجيها احد)!!
باين انهم مستغربين كل شي وماتزوجت
تخيلوا !! حسبي الله ونعم الوكيل مايدروا ان الرزق من ربي وان الزواج نصيب:(
ادري بنات طولت عليكم لكن وش اسوي قسم تعبااااااانة حتى شيخ ودوني اهلي تخيلوا الاحراج:44:والله قريت اكثر من شهر عند شيخ بضغط من اهلي وخواتي لحوا علي لين ودوني يقولون الحمد الله مو ناقصك شي وش السر يمكن احد ناضلك لاني زي ماقلت لكم عيون العالم علي لدرجة احيانا والله من ادخل عزيمه ولاجمعه يطلون وانا اشيل عباتي
وش لابسه وش حاطة استغفر الله حتى وظيفتي طارت مني والى يومها ماتوظفت :icon33:
اي شي اشتري اي شي احطة قسم صرت اخاف ماصرت اكشخ واتزين والله الناس ماصارت تخلي احد..استغفر الله
ادري طولت لكن من اللي فيني تكفوووووووووووووووووووون بناااااااااااااااااااااااات ابي دعوووة صادقه من قلبك الطيب
انو يجيني نصيبي في هالشهر يااااااااااااااااااااااااااارب ويتم ويتم ويتم يااااارب ماتنكسر نفسي ياااااااااااااااارب ماتنكسر نفسي يااااارب افرح مثل البنات يااااارب عجل ولا تؤجل :icon33:تكفووووون يابنات دعوااااااااااااااااااتكم
ادعوا لاختكم في الله ...ذوقــ... بالزوج الصالح اللي تتمناه ويسعدها يارب ويتم امرها على خير تكفووون
ولكم بالمثل ياااارب..
اللهم صل على محمد وعلى ال محمد كماصليت على ابراهيم وعلى ال ابراهيم وبارك على محمد وعلى ال محمد كماباركت على ابراهيم وعلى ال ابراهيم انك حميد مجيد..
342
20K
يلزم عليك تسجيل الدخول أولًا لكتابة تعليق.
الوردةالذابلة
•
الله يرررررررررررقني ويرزقك وجميع بنات المسلمييييييييييييين بالازواج الصااااااااااااااااالحين عاجلا غير اجلااااااااااا يارب
الصفحة الأخيرة