ارجو منكم المساعده في موضوع لواحد من جماعتنا
قصته يحكيها لكم بلسانه
وانا طالبه منكم المساعده ياخواتي
.كان الله منعم على وكان ابوي ماهو مقصر معاي لاماديا ولا معنويا والحمد لله كنت ولله الحمد مرفه وماينقصني اي شي مرة سنه دخل ابوي في ذاك المشروع الي هد حيله وعرف جميع الامراض من ضغط وسكر .......الخ حسيت ان ابوي بحاجتي جيته قلت له هذا مفتاح سيارتي بيعه اخذه ابوي وباعه
في ذاك الوقت حسيت ان ابوي بحاجتي كلمته قلت له مابي الدراسه مالي رغبه فيها لبى رغبتي فصلت
مرت الايام الى ان ثبت ابوي على رجوله في السوق دخلت واشتغلت معاه بعدها بفتره قال لي اعطيك راتب الف وخمس مائه شهريا طبعا وتكون تحمل الطلبات وتوصلها قلتله مابي راتب وراح اتم معاك بدون راتب سحب علي سيارتي الجديده زادت الامور وسخن الوضع معاه قال دورلك وظيفه
او واصل الدراسه قلت له دراسه مابيها دخلني كليه الامنيه الوالد له معارفه رفض رفضت شوره على اني ماراح اواصل دراسه قعدت في البيت عاطل لاشغله ولا مشغله
المهم ابي اختصر عليكم حبيت لي وحده من شدت حبي لها وتمسكي فيها كلمت ابوي وامي يخطبونها لي رفضوا
حاولت مره وثنتين وثلاث الي ان عجزت مالي الا حل واحد خطبتها من ابوها وفهمته الوضع وزوجني بنته بدون علم احد بعد سنه ربي رزقني باحلى واجمل بنت بالكون سميتها وجس ربي يسعدها ولايحرمني من شوفتها
ارد لكم على ابوي في الايام ذيك عجزت ادبر مصروف بنتي وزوجتي بنت الناس ماقصرت صبرت علي
حاولت اتقرب لابوي مافي امل يقترب مني قلت مالي الا حل واحد اتوظف سجلت عسكري في الامن العام جندي طبعا تخرجت وتعينت بجده
قلت ابوي بيرتاح لي طلع عكس الكلام استحقار وماهو معبرني كلمته ابي سياره رفض طبعا طلعت لي سياره قصدها ا لشهري 1850 ريال لمدة اربع سنوات اهم شي غرقت في الدين استاجرت شقه وفرشتها وجا الوقت الي اقول لأبوي اني متزوج وعندي بنت
قلت اجيبهم بيتنا ام وجس وبنتي طبعا
امي وقت شافت وجس بكت وحبتهاوطاحت بوس فيها قام ابوي سحبني انا ومرتي وبنتي طلعني برا قال طلقها رفضت
قال ابوي بأحرمك من الورث ومن ذا الكلام المهم حاولت فامي تقنعه ماأقتنع الا واطلق بنت الناس بعدها رفضت تعيش معاي
فانا جاني الجنان وقتها المهم طلبت الطلاق بعد ماغابت عني ثلاث اشهر عند اهلها طلقتها
بعد ذاك الوقت خشيت مستشفى المحجر النفسي قعدت فيه شهر وطلعت الحمد لله اجبرني ابوي اتزوجت بنت عمي وملكت عليها
وياجماعة الخير وربي البيت الشريف لي ثلاث سنوات لحد الان ماشفتها ولاسويت عرسي من شدة كرهي لها قلت ابي اصلح احوالي انا وابوي عسى يقتنع وارد ام وجس رفض ولحد الان اعاني من حالتي ذي كل ماتقرب من ابوي يبتعد عني
وانا لي الله تكفون ابي اتقرب من ابوي كيف لدرجة من شدة ظلمه لي والله نقلت برا جده في مكان ينكره طريق الخميس الرياض وش رايكم عاد تكفون افزعوا لاخوكم ذبحه الهم والوسواس
ارجو اني اكون ماطولت عليكم
reuwf @reuwf
محررة
يلزم عليك تسجيل الدخول أولًا لكتابة تعليق.
الصفحة الأخيرة
بصراحه ..طيب انت طلقت وتملكت على اللي يبغيها ابوك ..
بعد ايش يبغى اكثر من كذا..بما انه معاند الى الحين انا اقولك رجع
زوجتك ..الله يجمع شملكم..واترك بنت عمك حتى انت ما
تظلمها هي بعد مالها ذنب...وان شاء الله ..الله بيفرجها عليك..
من استصعب عليه امر
اللهم لا سهل الا ما جعلته سهلا وانت تجعل الحزن اذا شئت سهلا
(الحزن : الصعب