جرح الخيانه
يعني من قلّ المصايب صاب هـذا الصـدر ضيـق
ولاّ يعـنـي مــن حــلاة الـحــظ وعْـلــوّ المـكـانـه
ذي حياتي من مضيقٍ .. في مضيقٍ .. في مضيق
ولـو بحثـت الصبـر فينـي مـا أجـد للصبـر... خانـه
عادتي .. لا ضقت ادوّر حضـن وعيـون الرفيـق
مشكله .. لا صار ضيقـي منـه واحزانـي عشانـه
يوم قال: اسمح لي برجـع وانـت كمّـل هالطريـق
لازم تـقـدّر .. وتنـسـى .. ننتـهـي كــل ٍ وشـانــه
قلت: صبـرك .. يرحـم الله والدينـك .. مـا أطيـق
ماني ناقص فوق جرح اقدارنـا .. جـرح الخيانـه
حاجتـي لـك حـاجـة الأيـتـام .. وايـديـن الغـريـق
طالبك طلبه .. ترانـي أعشقـك .. صُـون الأمانـه
وراح مــا كـنّـه سمعـنـي والتـفـت لـفـتـة طـلـيـق
وقـال: أخيـراً مـا بغينـا .. وللفـراق اطلـق عنانـه
عنـدهـا أدركــت فـعــلاً قـيـمـة الـحــب العـتـيـق
وقلـت: هـذي آخرتهـا .. مـا تـجـاوزت امتحـانـه
ضيق صدر وجرح قلب ودمع عين ونشْـف ريـق
هـذا كـل اللـي جنيـت ومـا قـدرت اجنـي حنـانـه
أستـر لنفسـي أعيـش بضنْـك واحــزان وحـريـق
ولا أمـوت مـن القهـر وتكـون موتتـهـا .. جبـانـه
طالمـا بينـي وبيـن الـمـوت .. مــا حـاجـه تعـيـق
غير خوفـي مـن غضـب ربـي وانـا مُسلـم ديانـه
يارقيق الشكل .. وش خليت لاحساسـي الرقيـق؟
كـود صـدمـه .. نـارهـا نــار .. ولعانتـهـا .... لعـانـه
لا نويـت امسـح جميـع اوراقـي الأولـى .. أفيـق
وانصدم في واقعـي المُـزري وفـي قسـوة زمانـه
مدري .. كنّّ الحزن فيني شاف لـه نِعـم الصديـق
مـدري .. يمكـن كنـت فعـلاً كفـو للحـزن .. وتكانـه
والـفـرح .. كالـثـوب لـكـن يـبـدو انّــه مــا يلـيـق
دام لبْـسـه لايّ خـاسـر مــا وراه .. الا الإهـانــه
آآآه ياحزنـي ترفّـق .. صاحـبـك جـرحـه عمـيـق
أشهـد انّــك يارفـيـق العـمـر .. طيّـحـت الميـانـه
مثلـي مثـل اللـي يراهـن خلْـق ربّـي فـي عشيق
والبلى راهـن .. ويـدري خاسـر العشـق .. ورهانـه
ويعني من قلّ الخساير صاب ذاك الشـاب ضيـق
يكفي .. لا هالوقت وقته .. ولا مكانه هـو مكانـه
ياماخذ الدنيا
يا ماخذ الدنيا وساعة صدر .. ومزاح .. وضحك
علمني كيف اتخلص من الضيق واضحك وابتسم
لا صرت ما تلقى صديق ٍ يحتويـك وينصحـك
في وقت ما تاخذ به امْن الأصدقا .. غير الإسـم
تخيّل إنك فـي مكانـي وانـت كـل ٍ يجرحـك
والهم (كسرة خبز) ما بينك وبينـك .. تنقسـم
والناس حولك تذبحك .. من زود ماهي تذبحـك
ما باقي الا يوسمون الطعن في ظهرك .. وسـم
وان جيت تشكي قالوا: اسكت بس والله يصلحك
الجرح جرحك .. والبلا بلواك .. والأمر انحسـم
والصبر لو ما كل جنب ٍ في منامـك .. ريّحـك
البال ماهي راحته من راحة .. اعضاء الجسـم
ولاّ انت يومك رحت تشكي وش معاك ومربحـك
من واحد ٍ بالعجـز وانـواع التخـاذل ..يتّسـم
يقسم لك إنه لو درى في ضيقتك .. ما يفظحـك
والمشكله يمشي ويفظح فيك .. ويضيع القسـم
تفرض عليه المصلحه .. لو ما يذمك .. يمدحك
يعني كأنه لوحةٍ حسـب المصالـح .. ترتسـم
وتضيع ما تدري من اللي لا نخيتـه .. يمنحـك
الوقت صكاته كثيـر .. وطبـع صكاتـه دسـم
والقهر .. لامن جيت تفرح .. ما تلاقي مطرحك
في عالم ٍ من ضيق صدر اهله .. تدوّر للنسـم
فإن ضاق صدرك وسّعه ياشيخ .. واقلبها ضحك
معك الحياه بتبتسم .. بس إنت الاول .. إبتسـم
محمد الشهري
:icon33: