ضيم السنين. :

ف الحقيقه و الواقع لازم تنتبهين صدق لانها مطلقه وخابره انتي المطلقه بدون زوج وعاد تدرين الحياة بدون زوج م تمشي يعني حياة بدون زوج تقضبين زاويه تهشين ذبان حياة بدو زوج كآبه وحزن وضيق وهم وتكه وغلقه وصياح ف لازم تلف ع اي كمخه حتى لو ه الكمخه مو عاجبها بس المهم تتزوج سؤال يسدح نفسه ليش قلتي جارتي ( مطلقه) هل مشكلتس معها كونها مطلقه؟ ولا مشكلتس معها انها تجي كثير ؟ يعني لو كانت متزوجه هل تذمرتي منها وقلتي جارتي تجي وتروح ولا تقولين جارتي المتزوجه ؟ اتوقع لونها متزوجه كان اكتفيتي ب كلمة ( جارتي) وقلتي تزعجني وزياراتها واجد بس انتي مشكلتس مع كونها ( مطلقه) لانه ب امكانتس تقولين جارتي وخلاص اذا المشكله صدق ف الزيارات الكثيره بعد سؤال صدق انتو وش تبون من الحياة؟ ان م احد جاكم قلتو م عاد في جارات والدنيا تغيرت والناس تغيرو والقلوب تغيرت وطفشانه زهقانه ف البيت وم احد يسير علي ومن تعطيني رقمها نتعرف ونتزاور ومن هالبربسه واذا جاتكم جاره تسير وتتزاور قلتن طفشتنا وادوشتنا وم غير سردادي مردادي ع بيتي وزوجي طفش وعيالي اهملتهم وم تخليني اخذ راحتي واكثر جمله ترددونها ( زوجي يتضايق) مهو الزوج هذا اللي تشتكون منهم تقولون م يقرون ف البيت ربع الوقت مداوم والنص الثاني ف الاستراحه والربع الباقي راقد الحين يعني صار يجلس ف البيت ويتضايق ؟ وئال شو تذب وجهها اذا جوني اهلي ولا اهل زوجي الله اكبر ي مجلس الوزراء اللي يقام ف بيتس الله اكبر ي النقاشات العائليه المهمه اللي م تبينها تسمعها م غير كل وحده تجاكر الثانيه وش فيها يعني ل حضرت الجمعه؟ ب ينقص منتس شيء؟ احد ب يموت فيكم؟ اذا والله زياراتها واجد قوليلها ي فلانه انا انسانه وجهي م هو وجه جيره انطوائيه حدي اقابل زوجي كني مقابله الدنيا كلها ف الرجاء ل عاد تجين الا اذا اناا سمحت لتس واللي يقوولن هذي مطلقه وهذي مادري علامها يعني مره ضامنين انكم م يجي يوم ما وتصيرون مطلقات؟ الواحد م يدري ترا اليوم وش زينكم م بينكم مشاكل ب لمح البصر تكونين ف بيت اهلتس مطلقه وان م كنتي مطلقه ممكن يموت رجل اي وحده فيكم ب حادث وتصير ارمله يعني مهو عشان خلاص متزوجات تقولن وضعنا اوكي وتمام غبيه من تأمن الدنيا وغبيه من تتصرف وتتعامل ع اساس انها خلاص اخذت صك ب عدم التعرض ف الدنيا ول فترة مية سنه اللي اخذ منها هو اللي عطاكم وقادر يأخذ منكن ويعطيها المعطي الله يعني كل وحده تنثبر وتوزن كلامها بلا خثرده ئال شو مطلقه انتبهي منها المطلقه كان عندها زوج ولو هي ميته ع الرجاجيل م كان تطلقت اصلا كان تمسكت فيه ب يدها ورجلها م كان راحت ذبت ف خشته المهر واخلعته خلعه بنت سته وستين تسلب لو تبي المطلقه الرجال كان رضت فيه لو هو رخمه بس في فرق بين عقلياتهن وعقلياتكن الخمام

ف الحقيقه و الواقع لازم تنتبهين صدق لانها مطلقه وخابره انتي المطلقه بدون زوج وعاد تدرين...